Filipi teeb 4:6 - Yennu Gbounpaauŋ Mɔɔr

⁶ I daa biir i para bonsiar paaki. Yimm-ii mei Yennu linba kpaa talas turi paak. Yii mei Yennu, kii teenɔ niipoouk i para ni yoo kura ki betɔ i loomm nba tee linba.

Yennu Gbouŋ Mɔɔr

⁶ I daa biir i para bonsiar paaki. Yimm-ii mei Yennu linba kpaa talas turi paak. Ii mei Yennu, kii teenɔ niipoouk i para ni yoo kura, ki betɔ yaa loon linba.

Filipi teeb 4:6 ပူးပေါင်းရင်းမြစ်များ

Matiu 10:19

Ŋaan bi-i taŋŋi saan nani buut damm boor, i daa te ki li daamiini nan ya sa pak jiin biaŋinba, kimaan li yoo nee ki Yennu Seyeeŋ sa turi mɔbona nba ki i sa pak ki jiinib,

Matiu 13:22

Bonboorii nba baa kunkonii ni na mun tee kaman nan wunba gbat Yennu maan na, ŋaan ki tingbouŋ na fara nan mɔkint loomm nyakin maan maŋ u par ni, ki li kan nami.

Matiu 6:34

Li paak, daa te ki wonn barii mukisiini, kimaan wonnee sa dukin u mɔŋ po; daar kur mɔk u fara ki li jaŋitɔe.

Matiu 6:8

I daa tee kaman nan ŋamm na, kimaan i Baa Yennu mɔŋ poŋ mi linba ki i loon ki i daa ki miarɔ.

Barŋanii nba ki LUK din sɔb nae na 10:41

Ki ti Yomdaanɔ Yisa jiin ki yetɔ a “Maata, n mi nan a gbaa nan bona bonchiann, ki li mukisa ki biir a par,

Barŋanii nba ki LUK din sɔb nae na 12:22

Ŋanne ki Yisa yet u poorpoweiteeb biak, “Li paak ki n beeri, i daa te ki li mukisi i binbeŋ po nan ya sa di linba, ki bia daa te ki li mukisi i gbanant po nan ya sa lia linba,

Barŋanii nba ki LUK din sɔb nae na 12:29

“I bia daa gbaa nan ya sa di linba amii ya sa nyu linba, ki bia daa mukis i dudukit,

Barŋanii nba ki LUK din sɔb nae na 18:1

Li yoo na ki Yisa yimm barjouk a wun wannib nan li ŋan ki bii mei Yennu yoo kura, ŋaan daa mɔk kpinkpangbatuku, ki betib a

Barŋanii nba ki LUK din sɔb nae na 18:7

Wa yaa a u sa turɔ mɔnii na, ki Yennu nigannteeb nba meiɔ yennu nan nyiɔk na, ŋɔɔ Yennu kan bu ki turibii? U sa yukiraa?

1 Korint teeb 7:21

Li-i tee ki a din tee daabir yoo nba ki a teen Masiaweirɔ na, a daa te ki li daamiiani, ŋaan fi-i sa la yaak ki nyinn a mɔŋ daabsin ni, fan teen nna.

1 Korint teeb 7:32

N ki loon ki siar-n daamiini. Jakpakir ŋanin gorii wa sa teen biaŋinba ki tun ti Yomdaanɔ toonae ki te ki lin penn ti Yomdaanɔ par;

2 Korint teeb 1:11

Yi mun bia sommit nan Yenmiaru man, ki Yennu sa gat niib bonchiann miaru nba ki bi mei teent na, ki sa sommit, ki niib bonchiann sa turɔ niipoouk ti paak.

Efesus teeb 5:20

Yoo kur yii teen ti Baa Yennu niipoouk bonsiar kur paak, ti Yomdaanɔ Yisa Masia sann ni.

Efesus teeb 6:18

Yii mei Yennu yoo kur nan ninmɔnn, u Seyeeŋ nba sommi biaŋinba na; ki yin chekin i mɔŋ nan gbankur ki pukin Yenmiaru kii teen Masiaweira kura,

Kolosa teeb 3:15

Yi ŋaan ki Masia parmaasir nba na-ii dia ya dukii linba; Yennu lakin yiini gbananyennkɔɔ ni a yii mɔk parmaasir maŋe. Li paak, yii teen Yennu niipoouk man.

Kolosa teeb 3:17

Li paak, ya tuun linba, amii ya yeen linba, yii tuun nan ti Yomdaanɔ Yisa sann ni, kii teen ti Baa Yennu niipoouk u sann ni.

Kolosa teeb 4:2

Yii yabii nan Yenmiaru man, kii mei ŋɔɔ Yennu nan nunmɔnn, ki turɔ niipoouk,

1 Timoti 2:1

Li paak, linba gar kur tee yii puk Yennu, kii meiɔ, kii boiɔ, kii teenɔ niipoouk niib kur paak.

1 Timoti 5:5

Pakɔɔk nba be u kuukɔɔ ki kaa sɔɔ, ŋaan ki u dindann be Yennu ni, ki u mei Yennu yoo kur, ŋɔɔe tee barmɔnii pakɔɔk.

1 Piita 4:7

Bont kura gbennu ji ki fɔk; li paak, yi soor i mɔŋ kii sub kii mei Yennu.

1 Piita 5:7

Jiin man i muksuk kur ki turɔ, kimaan u baka be i ni.