Filipi teeb 4:3 - Yennu Gbounpaauŋ Mɔɔr

³ Ki fin nba mun tee n weinanlɔɔ nan barmɔnii, n loon ki fin somm poob bannlee maŋ, kimaan ŋamm nan Klement nan binba kur tee n toontunleeb ki bi sana be Yennu manfoor gbouŋ ni na din lakin tun nanin bonchiann barŋanii maŋ mɔnu ni.

Yennu Gbouŋ Mɔɔr

³ Ki fin nba mun tee n weinanlɔɔ nan barmɔnii na, n loon ki fin somm poob banlee na, kimaan ŋamm nan Klement nan binba kur tee n toontunleeb, ki bi sana be Yennu manfoor gbouŋ ni na, din lakin tun nanin bonchiann, barŋanii maŋ mɔnu ni.

Filipi teeb 4:3 ပူးပေါင်းရင်းမြစ်များ

Barŋanii nba ki LUK din sɔb nae na 10:20

Ŋaan i daa mɔk parpeenn nan narinbiit nba sak i mɔi na paaki, ŋaan kii jik-ii mɔk parpeenn man nan ba poŋ sɔb i sana Yendɔuŋ ni na.”

Rom Teeb 12:1

Li paak, n naa waas, Yennu ninbatinu paake te ki n barimi ma yi jii i gbanant ki turɔ, ki lii tee mannu nba fo, kii waa ŋɔɔ kuukɔɔ, ki li sa maŋɔ; ŋanne tee Yenjiantu nan barmɔnii.

Rom Teeb 16:12

Ki foont Traifena nan Traifosa binba tuun ti Yomdaanɔ toona na; ki foont n yɔɔŋaŋ Pesis wunba tuun ti Yomdaanɔ toona bonchiann na.

Rom Teeb 16:9

Ki foont Urbanus wunba tee ti toontunlɔɔ Masia toona ni na; ki foont n yɔɔŋaŋ Stakis mun biak.

Filipi teeb 1:12

N naa waas, n loon ki yin bann nan linba kura tumin na somm barŋanii maŋ a lin saan tɔɔnne nan barmɔnii.

Filipi teeb 1:16

Binba tuun nan bi loomm na, bi mi nan Yennue poŋ din turin barŋanii toona na.

Filipi teeb 1:27

Mɔtana, linba kpaa talas tee a yi ŋaan ki i binbeŋ sɔnu-ii tee nan Masia barŋanii nba loon lii tee biaŋinba na, ki mi-i lekii fit saan lai amii mi-i kii fit laini, ŋaan n sa gbat a i see fanu nan dudukyennkɔɔ, ki taan mɔtaauk ki yabii i mɔŋ ki barŋanii maŋ-ii saa tɔɔnn.

Filipi teeb 1:5

kimaan ya sommitin biaŋinba barŋanii toona maŋ pinpiik niwa nan mɔtana na paak.

Filipi teeb 1:7

N yan be i ni. Ki mi-i dukii i po nna, li set ŋan, kimaan la nyii yoo nba ki n din be n yama ni ki gbaa barŋanii maŋ paak ma n sennir nawa, ki tan baar yoo nba ki n ji kɔɔ dansarik na, i kura mun lek mɔk li yaak booru nba ki Yennu turin na.

Filipi teeb 4:2

N niipoob Yuodia nan Sintike, n barimiie, yii yabir kii be nan parmaasir nan i leeb ti Yomdaanɔ paak.

Kolosa teeb 1:7

I din tumii Yennu ninbatinu maŋ po ti toontunlɔɔ Epafras wunba ki ti loonɔ na boor ni; ŋɔɔe tee Masia toontunnɔ nba tuun nan barmɔnii i boor ni ki turit,

Fiitu 13:8

Niib kur nba be tingbouŋ na ni, ki bi sana ki sɔb manfoor gbouŋ ni yoo nba ki dunia daa din kaa na, bi sa jiant muuk ni bonkobuk na. Manfoor gbouŋ na tee Pebik nba ki bi din kpiiu na yare.

Fiitu 17:8

a bonkobuk nba ki n la na daan fo sianyoo, ŋaan ji ki fo, ŋaan sa nyi bootsunsuŋ nba kaa terik na ni ki do, ki sa saan siaminba ki u sa biir na boor; a ki niib nba be tingbouŋ na ni ki bi sana ki sɔb manfopaann teeb gbouŋ ni yoo nba ki dunia daa din ki piin na, sa got bonkobuk na lin bakitib, kimaan bee paake? bonkobuk na din fo, ŋaan ji ki fo, ŋaan bia tan sii fo;

Fiitu 20:12

Ki n la binba din kpo na, nijaana nan nitarii na, ki bi see naangbouŋ na tɔɔnn po; ki sɔɔ pɔbitir gbant, ki bia pɔbit gbanleer nba ki bi sɔb manfopaann damm sana ki teen leŋ na. Ki Yennu bu binba kpo na buut, ki li waa nan ba tuu tee biaŋinba bi toona ni na, ki li sɔb gbant maŋ ni.

Fiitu 20:15

Ki wunba sann din ki sɔb manfopaann damm gbouŋ na ni, bi sa lu-u bootuk maŋ nba ki muu gbee leŋ nie.

Fiitu 21:27

Ki linba tee jakint, nan wunba tuun fei toonn, nan fai damm, kan kɔɔ doo maŋ ni, see binba sana sɔb Pebik na manfopaann teeb gbouŋ ni na kuukɔɔe sa kɔɔ doo maŋ ni.

Fiitu 3:5

Wunba nyann nyannu maŋ na, u tan sa lia tapeenii na, ki n tan kan kpeen u sann manfopaana damm gbouŋ na ni, ki n tan sa yet n Baa nan u malakanba na paanu ni a li daanɔ tee n yɔɔe.