Filipi teeb 3:8 - Yennu Gbounpaauŋ Mɔɔr

⁸ Li ki tee li kuukɔɔ kaa ki mɔk nyɔɔt turimi; min yiin bonsiar kura linba kaa nyɔɔte; kimaan ma bann n Yomdaanɔ Yisa Masia ki li bannu nyɔɔt yab bonchiann na paak, kimaan u paake ki n fok bonsiar kur ki lu; min yi li kur tanpenn paak mɔɔte ma n tan la Masia nan n ninbinn,

Yennu Gbouŋ Mɔɔr

⁸ Li ki tee li kuukɔɔ kaa ki mɔk nyɔɔt turimi; min yiin bonsiar kura linba kaa nyɔɔte; kimaan maa bann n Yomdaanɔ Yiisa Masia, ki li bannu nyɔɔt yab bonchiann na paak, kimaan u paake ki n fok bonsiar kur ki lu; min yi li kur tanpenn paak mɔɔte, maa n tan la Masia nan n ninbinn,

Filipi teeb 3:8 ပူးပေါင်းရင်းမြစ်များ

Barŋanii nba ki LUK din sɔb nae na 1:43

Li teenin nlee na ki n Yomdaanɔ naa tan baar n boor nna?

Barŋanii nba ki LUK din sɔb nae na 11:20

Tɔn, min ŋanin, Yennu paŋ paake ki n nyint narinbiit niib ni; ŋanne mun bia want nan Yennu naan poŋ baar i boor niwa.

Jɔɔnn 14:20

Ki bia jenna, mi-i tei jen n manfoor ni yoonba, i tan sa bann nan n be n Baa Yennu nie, ki i mun bia be n ni, ki n mun be i ni.

Jɔɔnn 14:7

Li-i bo-i tee ki i min, i bia bo sii mi n Baa nawa; ŋaan mɔtana ki jikit saa, i ji miu ki bia laatɔ.”

Jɔɔnn 16:3

Bi tan sa tun linba na ki turiiwa, kimaan bi ki mimi, ki bia ki mi n Baa.

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Jɔɔnn 17:8

kimaan n pakib maan nba ki a turin nawa, ki bi mun gaara, ki mɔtana bi ji bann nan n set nyii a peŋe nan mɔnii, ki bi teen yada nan fine tumin.

Jɔɔnn 20:13

Ki bi boiɔ a “Poo na, bee ki a mɔ?” Ki u jiin a “Kimaan bi piit n Yomdaanɔe, ki n ki mi ba teenɔ siami.”

Jɔɔnn 20:28

Ki Tomas yetɔ a “Fine tee n Yomdaanɔ ki bia tee n Yennu.”

Toona 20:24

Ŋaan n ki yi n manfoor ki li tee siari, kimaan min ŋarin loon ki n tun toona nba ki ti Yomdaanɔ Yisa turin nee ki gbenn, ki li toona tee ki mii mɔɔntir barŋanii nba want Yennu ninbatinu poe.

Rom Teeb 8:18

N mi nan fara nba ki ti di mɔtana na, li kan fit yekin nan parpeenn nba ki ti tan sa la Yendɔuŋ ni na.

Rom Teeb 8:39

linba be sanpaapo amii tinpɔɔr ni amii; siar kaa naauŋ kur ni ki sa fit bɔkit timm nan Yennu loomm ni, loomm nba nyii ti Yomdaanɔ Yisa Masia ni na.

1 Korint teeb 2:2

Ŋaan ma din be nani na, n din ki mɔk duduksiat ki pukin Yisa Masia po, nan u dapunpunn paak kuun na po.

1 Korint teeb 9:10

amii u ki mantik yeen timm kaa-aa? Mɔmɔmm, li sɔb ki teen timme. Wunba ko nan wunba jaan tun nnee ki mɔk dindann ki bi tan sa chent dii maŋ.

2 Korint teeb 4:4

Bi ki teen Masia yada, kimaan Sintaanii nba ki tingbouŋ na niib jiantirɔ na dɔkint bi dudukite. Ŋɔɔe dɔkint bi nunii po a bi daa laat yentu nba dɔkit bi paak na. Li yentu nyi barŋanii nba want Masia paŋ na boor nie; ŋɔɔe tee Yennu naauŋ.

2 Korint teeb 4:6

Yennu nba din yet a “Yentu-n yent bunbɔnn ni” ŋɔɔe te ki u yentu na yentir ti para ni, a ti bann u yentsaakar nba tee biaŋinba; ki li yentu yeen Yisa Masia numm po.

Galasia teeb 1:16

Ki wa din dukin ki nyinn u Bik maŋ paanu ni ki wannin a n mɔɔnt u barŋanii ki tur binba ki tee Juu teeb yoonba, n din ki saan nisaarik boor ni ki saa faa sɔɔ baani.

Efesus teeb 4:13

Li paak, ti sa taan teen Yennu Bija yada ki bannɔ, kii tee niib nba yaa binbeŋ ŋan ki jaŋ nan ŋɔɔ Masia yar na.

Filipi teeb 1:1

Min Pɔɔl nan Timoti, timm nba tee Yisa Masia toontunna nee sɔb gbouŋ na ki teen Yennu niŋamm kur nba tee Yisa Masiaweira nba be Filipi na, nan bi yudamm nan bi sommteeb na.

Filipi teeb 3:10

Linba kur ki n ji loon tee ki n bann Masia, ki bann u kuun fiiru paŋ, ki di fara nanɔ, ki n binbenkperik-n gbenn kaman nan wa din kpo biaŋinba na,

Filipi teeb 3:12

N ki yaa a n poŋ nyann ki yent binbeŋ maŋ amii n poŋ ji be fanu kaa; n gbaae ma n nyann ki yent binbeŋ maŋ; kimaan Yisa Masia din fatima, ki n ji tee u yɔɔe.

Filipi teeb 3:7

Ki n din bo sa fit kan linba na kur kaman nan li mɔk nyɔɔte, ŋaan min yiin linba kaa nyɔɔte Masia paak.

2 Timoti 4:6

Kimaan min ŋanin, yoo baar na nan man lu n miar na; yoo baar nan man nyi tingbouŋ na niwa.

Hiibru teeb 3:14

Kimaan ti-i dia ti sinsinn yada na chib ki saa baar ti manfoor joontu, timm nan Masia tee bonyenne.

1 Piita 2:7

Yimm nba teenɔ yada na mi nan u ŋan bonchiann ki turi; ŋaan binba ki teenɔ yada, bii mi nan li sɔb Yennu gbouŋ ni a “Tann nba ki tanmaara yêtɔ na, ŋanne set tee lɔtik ni tanŋann.”

2 Piita 1:2

Ya bann Yennu nan ti Yomdaanɔ Yisa na paak, ninbatinu nan parmaasir-n ŋamm pukini.

2 Piita 1:3

Yennu paŋ yab bonchiann; ki u teent linba kur tee manfoor nan yentinu yar kimaan ta miu na paak; ŋɔɔe din yiinit u yentsaakar nan u binbenŋaŋ ni.

2 Piita 1:8

I binbeŋ-i be nnaie, li sa te ki i ŋamm bann ti Yomdaanɔ Yisa Masia yoo kur, kii mɔk nyɔɔt bonchiann ki turɔ.

2 Piita 3:18

Yi ŋamm gaar ti Yomdaanɔ Yisa Masia wunba tee ti Tinntɔɔ na sommir ki pukin man, kii tumii u mɔmaan na. Ŋɔɔe yen dontir ki jikit saa nan yoo nba kaa gbennu. Mɔmɔmm.

1 Jɔɔnn 1:3

Linba ki ti la ki bia gbate, ki ti mɔɔntir ki teeni na, a yin fit lian taan nant mɔtaauk ni. Barmɔniie setik, ti mɔtaauk ni, ti taant nan ti Baa Yennu nan u Bija Yisa Masia,

1 Jɔɔnn 2:19

Masia datai maŋe nyii ti ni; ŋaan bi ki tee ti yabi. Bi-i bo-i tee ti yabie, timm nan ŋammii bo sii lakin be; ŋaan bi nyikita, ki li want nan bi kur ki tee ti yab setik nan mɔnii.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.