Filipi teeb 3:3 - Yennu Gbounpaauŋ Mɔɔr

³ Timm jiantir Yennu u Seyeeŋ nie, ki mɔk yuugontir Yisa Masia paak; linba na gar punpotuwa. Timm ki teen nifosaarik yar yada kaa.

Yennu Gbouŋ Mɔɔr

³ Timm jiantir Yennu u Seyeeŋ nie, ki mɔk yuugontir Yiisa Masia paak; linba nae tee barmɔnii punpotu. Timm ki teen nisaarik yar kaa yada.

Filipi teeb 3:3 ပူးပေါင်းရင်းမြစ်များ

Rom Teeb 1:9

Yennu tee n siara daanɔ nan n ki mi nyik Yenmiaru i kura paaki. Ŋɔɔ maŋe ki n waau nan n par kura ki mɔɔntir u Bija barŋanii na, ŋɔɔe tee n siara daanɔ.

Rom Teeb 15:17

Yisa Masia paake ki n mɔk yuugontir Yennu toonn ni;

Rom Teeb 7:6

Mɔtana ŋanin, sennu na ki diati, kimaan ti din kpoe ki sennu na ji ki mɔk ti yaaki. Li paak, ti ji fit tuun ki teen Yennu nan manfopaann nba ki u Seyeeŋ turit; ti ji ki tuun nan sennkper nba ki bi din sɔb gbouŋ ni na kaa.

Rom Teeb 8:15

U Seyeeŋ nba ki u turi na, u ki te ki i tee daaba nan jaŋmaandamm kaa, ŋaan u te ki i tee Yennu waase ki yi Yennu a “Ti Baa.”

Rom Teeb 8:39

linba be sanpaapo amii tinpɔɔr ni amii; siar kaa naauŋ kur ni ki sa fit bɔkit timm nan Yennu loomm ni, loomm nba nyii ti Yomdaanɔ Yisa Masia ni na.

Rom Teeb 9:6

N ki yeen a Yennu mɔsonn na ji kan tun kaa, kimaan Israel yaaboona kur kaa tee Israel teeb nan barmɔnii.

2 Korint teeb 11:18

Niib bonchiann want bi mɔŋe; li paak, n mun sa wann n mɔŋa.

Galasia teeb 5:25

Yennu Seyeeŋ nba turit manfoor na, ŋɔɔe ki li ŋan tii waau.

Galasia teeb 6:16

Parmaasir nan ninbatinu-ii be binba kur waa wannu nba na paak; bi tee Yennu niibe.

Efesus teeb 6:18

Yii mei Yennu yoo kur nan ninmɔnn, u Seyeeŋ nba sommi biaŋinba na; ki yin chekin i mɔŋ nan gbankur ki pukin Yenmiaru kii teen Masiaweira kura,

Filipi teeb 1:1

Min Pɔɔl nan Timoti, timm nba tee Yisa Masia toontunna nee sɔb gbouŋ na ki teen Yennu niŋamm kur nba tee Yisa Masiaweira nba be Filipi na, nan bi yudamm nan bi sommteeb na.

Filipi teeb 3:12

N ki yaa a n poŋ nyann ki yent binbeŋ maŋ amii n poŋ ji be fanu kaa; n gbaae ma n nyann ki yent binbeŋ maŋ; kimaan Yisa Masia din fatima, ki n ji tee u yɔɔe.

Filipi teeb 3:14

Li paake te ki n tɔkin poot sɔnu maŋ ki tiin sunsonn saa nyannu bɔɔnu maŋ peŋ ma n sa gaar paauk nba tee sanpaapo manfoor ki Yennu din yiinin li paak Yisa Masia ni na.

Kolosa teeb 2:11

Yimm nan u benu nie ki i gaar punpotu; ŋaan li ki tee nisaarik nuu pot i gbananti; Masia punpotu na nee nyinnit biit ni,

Juud 1:20

N naa walonkai, yii chee i para man Masia labayeen nba ki i teenir yada na paak, kii mei Yennu u Seyeeŋ paŋ ni,