Filipi teeb 3:19 - Yennu Gbounpaauŋ Mɔɔr

¹⁹ Bi tan sa joont nan tubdatu nba kaa gbennue, kimaan bi poore tee bi yennu. Bi mɔk yuugontir nan linba dintib fei nee. Bi dukii linba tee tingbouŋ na bona kuukɔɔ poe.

Yennu Gbouŋ Mɔɔr

¹⁹ Bi tan saa joont nan tubdatu nba kaa gbennue, kimaan bi poore tee bi yennu. Bi mɔk yuugontir nan linba dintib fei nae. Bi dukii linba tee tingbouŋ na bona kuukɔɔ poe.

Filipi teeb 3:19 ပူးပေါင်းရင်းမြစ်များ

Matiu 16:23

Ŋanne ki Yisa jiant bet Piita a “Sintaanii na, seetir nna na. A tee tangbiatkare n sɔnu ni, kimaan a ki dukii linba tee Yennu yar po, ŋaan dukii linba tee nisaarii yar po,”

Matiu 25:41

“Li poorpo, n tan sa jiant ki bet binba see n nuugaŋ po na a ‘Yimm nibiit nba ŋan nan tubdatu na, seetir nna man. I saa man ki saa kɔɔ muu nba di ki kaa kpeenu nba ki Yennu din ŋamm ki guun Sintaanii nan u niib na ni,

Barŋanii nba ki LUK din sɔb nae na 12:19

ki n bia sa yet n mɔŋ a: N mɔk jeet nba sa jaŋ nan bina saama; n ji sii foi ki di ki nyu ki mɔk parpeenn.’

Barŋanii nba ki LUK din sɔb nae na 16:19

Ki Yisa bia yetib a “Mɔkitsɔɔ din be, ki daaryejaŋaakur u lia taŋante, ki be u yama ni nan parpeenn.

Barŋanii nba ki LUK din sɔb nae na 18:4

Ŋaan ki u tuu yêt. Li poorpo ki u tan dukin dudukit a ‘N poŋ taan ki tiin Yennu, ki bia ki baakit nirɔ gbaa,

Rom Teeb 16:18

li nibooru ki waa ti Yomdaanɔ Masia, ŋaan waa bi mɔŋ niauŋo. Bi jikit mɔmante ki kpann binba yaa dudukit ki chee na.

Rom Teeb 6:21

Toona nba ki i din tuun ki li mɔki fei mɔtana na, li mɔk nyɔlante ki turiini? Li toonbooru baat nan kuume.

1 Korint teeb 3:3

kimaan i binbeŋ bia daa be kaman nan tingbouŋ na niib binbeŋ nee; kimaan funfunn nan mɔniɔk-i be i sinsuuk ni, i ki waa tingbouŋ na teeb binbeŋ kaa-aa?

1 Korint teeb 5:2

ŋaan ki i mɔk dontinmɔŋ ki ki tiin fei li paaki. Li ki jaŋ nan i para-n biirii? Li ŋan ki yin nyinn li nibooru i sinsuuk ni.

1 Korint teeb 5:6

I dontinmɔŋ maŋ ki ŋani. I ki mi a datiŋ waaminnae te ki boroboro yon kur fuutir piirii?

2 Korint teeb 11:12

N lek bia sii beeri Yennu mɔmaan na, ŋaan n kan mi ki boi-i li paatii po. Li paak, kpinkpannii damm maŋ nba gaan paatii na kan fit donn bi mɔŋ ki yet a bi mun tee kaman nan timm na.

2 Korint teeb 11:15

Li paak, Sintaanii toontunna-i kpann a bi tee Yennu yabe, ya daa te ki li teei yaarlituk mani. Yennue tan sa dat bi tuba kaman nan bi toona nba jaŋib biaŋinba.

Galasia teeb 6:13

Binba porii bi puna na mɔŋ ki waa Yennu sennu, ŋaan bi loon ki yin pote ki bii faa japaat i punpotu maŋ paak;

Filipi teeb 2:21

Sɔɔ kur nba ji biar gbaa nan bi mɔŋ mɔŋ yarae jiak jiak, bi ki fiin linba tee Yisa Masia yar na po.

Kolosa teeb 3:2

Yii lor i dudukit nan leŋ bona na, ŋaan daa lorinn nan tingbouŋ na bona kaa,

2 Tesalonika teeb 1:9

ki ti yabint Yomdaanɔ nba be yentchiauŋ ni tan sa nyinnib u boor ni, ki bi sa la biiru nba kaa gbennu;

2 Tesalonika teeb 2:12

Yennu tan sa biir binba ki teen barmɔnii maŋ yada ŋaan loon toonbiit tumu na.

2 Tesalonika teeb 2:8

Ki yoo maŋ ki nifobiiuk maŋ tan sa nyi paanu ni, ki ti Yomdaanɔ Yisa tan sa kpiu nan ŋɔɔ Yisa tiauŋ mɔmaan, ki ŋɔɔ Yisa baaru nan u yentchiauŋ tan sa biirɔ.

1 Timoti 6:5

nan mɔniɔk yoo kura nibiit boor ni; ŋamm yaa dudukit ki somm fanu, ki ji ki mɔk barmɔnii; bi dukii nan Yennu sɔnu tee sɔnu nba sa te nirɔ-n teen mɔkitɔɔe.

2 Timoti 3:4

bi tan sii nyi leeb poae, ki tee nikaatkaatdamm, ki dont bi mɔŋ; bi tan sii loon bi mɔŋ mɔŋ loomme ki gar Yennu,

Jeems 4:16

Ŋaan i mɔk karinbaanii ki nyu bara. Ya nyu bara biaŋinba na, li ki ŋani.

2 Piita 2:1

Faak sɔkiniinba nba din be Juu teeb sinsuuk ni sianyoo biaŋinba na, nnee ki faak wannteeb mun bia sii be i sinsuuk ni, ki wanti faak wannu woonin ni, linba sa biiri. Bi sa yêt ti Yomdaanɔ Yisa wunba din daab na gbaa; ki Yennu sa dat bi tuba yiama.

2 Piita 2:13

bi toonbiit nyɔɔt sii tee biite. Bi lek tuun bi gbanant loonbiit yeenin ni. Bi-i be i ni yoonba, bi tee kaman nan jakint nba tuu taab chinchenn paak biaŋinba nee. Bi-i di jeet nani yoonba, ŋaan bi lek dukii bi toonbiit poe.

2 Piita 2:3

Bi sii mɔk nianchiauŋ, ki sii kpanni ki ŋmabi. Yoo nba din gar na Yennu poŋ din yet a bi tee biitdamme, ŋaan li ji kan yukir ki u sa dat bi tuba.

Juud 1:10

Ŋaan niib na ŋanin sukii bont kur nba ki bi ki bann li paake, ŋaan tuun linba kur ki bi loon kaman nan bonkobit nba ki mɔk dudukit na, ki biir bi mɔŋ.

Juud 1:16

Bi tee bunburimii damme; bi numm ki mi gboo; ki bi tuun bi mɔŋ loonbiit, ki mɔk parbifaant bonchiann, ki korin niib a bin la siar.

Juud 1:4

kimaan nisiab nba ki tiin Yennu na din kɔɔ i sinsuuk ni woonin nie, ki lebit ŋɔɔ Yennu ninbatinu labaar a bii tuun bi gbanant loonbiit; bi ki saak Yisa Masia mɔbi; ŋɔɔ kuukɔɔe tee ti yudaanɔ nan ti Yomdaanɔ. Li yukira ki biitdamm maŋ tubdatu poŋ sɔb Yennu gbouŋ ni na.

Fiitu 18:7

a ki te wun la muksuk nan parbiir a ki lin jaŋ nan wa din tuu be u yama ni ki dont u mɔŋ biaŋinba na, ki yeen u par ni a ŋɔɔ poobate kar na, a ki li ki tee a u tee pakɔɔki, a li paak a u kan mi la parbiiri.

Fiitu 19:20

Ki bi soor muuk ni bonkobuk na, nan u faak sɔkinii nba daan tuu tee bakitnauŋ nyina u tɔɔnn po ki kpann binba mɔk muuk ni bonkobuk maŋ dɔk na, nan binba daan jiantir u naauŋ na; bi soor muuk ni bonkobuk maŋ nan u faak sɔkinii maŋ na ki bi fo, ki lub bootuk nba gbee nan muu ki sarwuutaa di nann na ni.

Fiitu 21:8

Ŋaan jaŋmaanii damm, nan yadakanpɔɔna damm, nan biitdamm, nan nikpiirit, nan joonbaarit, nan jabaabura, nan patjiantdamm, nan fai damm kur, bi binbeboor tee bootuk nba gbee nan muu ki sarwuutaa di nann nee; ŋanne tee kuun munnlee na.”

Fiitu 22:15

Ki nibiit, nan binba dia jabaat na ki bu ki kpann niib, nan binba tuun jakint toona na, nan nikpiira, nan patjiantdamm, nan binba tee fai damm ki kpann niib na, bi kur tan sii be doo maŋ nanyer poe.