Filipi teeb 3:14 - Yennu Gbounpaauŋ Mɔɔr

¹⁴ Li paake te ki n tɔkin poot sɔnu maŋ ki tiin sunsonn saa nyannu bɔɔnu maŋ peŋ ma n sa gaar paauk nba tee sanpaapo manfoor ki Yennu din yiinin li paak Yisa Masia ni na.

Yennu Gbouŋ Mɔɔr

¹⁴ Li paake ki n tɔk poot sɔnu maŋ ki tiin sunsonn ki saa nyannu bɔɔnu maŋ peŋ, maa n saa gaar paauk nba tee sanpaapo manfoor, ki Yennu yiinin li paak, Yiisa Masia ni na.

Filipi teeb 3:14 ပူးပေါင်းရင်းမြစ်များ

Barŋanii nba ki LUK din sɔb nae na 16:16

“Moses sennu nan Yennu sɔkiniinba sɔbu din mɔk yaak mɔkmɔk nan Jɔɔnn nba din tan baar. La nyii Jɔɔnn baaru yoo niewa ki bi mɔɔntir Yennu barŋanii ki jikit saa Yennu naan po, ki sɔɔ kur mukisir u mɔŋ a wun kɔɔ Yennu naan maŋ ni.

Rom Teeb 11:29

kimaan Yennu-i gann niib ki turib piinii, u ji ki lebitir u pari.

1 Korint teeb 9:24

Li-i tee nantaar, nantatinna kur tuu tiine, ŋaan yenɔkɔɔe tuu tan di ki gaar piinii. Li paak, yabit ki tin di ki gaar piinii maŋ.

2 Korint teeb 4:17

Li paak, farmintik nba ki ti di ki li kan yukiri, li tan sa baar nan parpeenn nba yab ki kaa gbennu ki turit, ki parpeenn maŋ tan sii yab ki gar ti fardinu na bonchiann,

Filipi teeb 3:3

Timm jiantir Yennu u Seyeeŋ nie, ki mɔk yuugontir Yisa Masia paak; linba na gar punpotuwa. Timm ki teen nifosaarik yar yada kaa.

Kolosa teeb 2:18

Sɔɔ-i yaa ŋɔɔe gar leeb ki laat yerintii ki loon a yi sikin i mɔŋ kii jiantir malakanba, i daa saak man; nna sa biiriwa. Li daanɔ dont u mɔŋ u dudukbiit ni, ŋaan ki li kaa paaki;

1 Tesalonika teeb 2:12

ki maant i para, ki lek tun kpaani a yii be binbensiak nba sa gboo Yennu numm. Ŋɔɔe yiini a wun kɔɔni u tiauŋ naan ni nan yentchiauŋ.

2 Timoti 1:9

Ŋɔɔ Yennue tinnit ki yiinit a tii tee popeendamm; wa yiinit biaŋinba, li ki tee ti toonŋana paak kaa, ŋaan u mɔŋ din senn a u sa tint ninbaauk Yisa Masia paak; u din senn nnee yoo nba ki u daa ki nan dunia na.

Hiibru teeb 3:1

N naa waas nba tee Yennu niib nba ki u din ganni na, yii dukii Yisa po, wunba ki Yennu din tumɔ a wun tan teen mantɔyudaanɔ ti Yenjiantu sɔnu ni.

Hiibru teeb 6:1

Li paak, ŋaant man ki tii dia saakayan kii tumii Masia barii ki saan tɔɔnn po; ŋaan ŋamm ki tumii u barii bonchiann ki pukin pinpiik ni wannu po; li ji ki kpaa talas a bin ŋamm wanni a Nyikin toonbiit nan kuun sɔnu, ki teen Yennu yada,

1 Piita 1:13

Li paak, yi teen i dudukit siir nan yan, ki soor i mɔŋ, kii mɔk dindann nan barmɔnii a i sa di mant bonchiann yoo nba ki Yisa Masia tan sa nyi paanu na.

1 Piita 5:10

Ŋaan li-i tee ki i di fara yoo waaminna, ki Yennu nba mɔk ninbatinu kur na sa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u mant nba kaa gbennu na.

2 Piita 1:3

Yennu paŋ yab bonchiann; ki u teent linba kur tee manfoor nan yentinu yar kimaan ta miu na paak; ŋɔɔe din yiinit u yentsaakar nan u binbenŋaŋ ni.

Fiitu 3:21

Wunba nyann nyannu na, n sa turɔ yaak ki wun tan lakin kar nanin n naangbouŋ na paak, kaman nan ma nyann nyannu kur ki lakin kar nan n Baa Yennu u naangbouŋ na paak biaŋinba na.