Tɔn, Pɔɔl nba ji bann nan tituk kaanu maŋ siab tee Sajusiinba, ki leeb mun tee Farisiinba na, ki u yet sanpaapowa niib na ni a “N naa waas, n tee Farisii nirɔe, Farisii bike teen. Ki n mɔk dindann nan kpeemm tan sa fiira. Li paake te ki bi bu n buut na.”
Li mɔsonn maŋ paake ki timm Juu teeb booru piik nan munnlee tuu mɔk dindann ki dukii nan ti tan sa la. Li paak te ki bi jiantir Yennu nan nunmɔnn yennu nan nyiɔk na. Chanbaa Agripa, li dindann maŋ paakera, ki Juu teeb paanin maan na.
Ŋaan ŋaruŋ maŋ nba din tuu see doo nba na din ki fan nan tin set leŋ fufuk yoo, li paak, bi bonchiann ji din yaa a bin ŋaan ki bin fiir leŋ ki saan, a li pasiar bi tan sa baar Fiiniks. Leŋ din tee Kreet tiŋ dooe, ki ŋaruŋ sinsee boor be leŋ ki took yenbaa po, ki bi loon bii be leŋ fufuk yoo.
Li paak, la daan tan paak n nii yoonba, ki n daan tun Timoti, a wun saa bann a i nyik Masia sɔnu amii, ki laan Sintaanii bikini, ki ti toona fara kur teen yannee?
I daa te ki sɔɔ kpanni gbaa, kimaan li daar kan baar see ki mɔyêtuk yoo baar sinsinn, yoo nba ki niib bonchiann tan sa yêt Yennu mɔb na; ki nifobiiuk bia tan sa nyi paanuwa; ki Yennu poŋ sennɔ a u sa biirɔ.
Li paak, ki nyɔɔt nba tee yentinu nyɔɔt dɔɔ guun sanpaapo; ki ti Yomdaanɔ wunba bu niib buut nan barmɔnii na tan sa turin nyɔɔt maŋ Daar maŋ daar. U tan kan tur min kuukɔɔ kaa, ŋaan u tan sa tur binba kur mun loon ki wun jen na.
Ki poosiab din la bi nikpiimm nba din kpo na fiir kuun ni. Ki siab nba din teen Yennu yada paak, ki niib boob ki kpiib, ki bi ki yêt Yennu weiu a bin nyi kuun maŋ ni, kimaan bi loon bin fiir kuun ni ki la manfoor nba chee.