Filipi teeb 3:10 - Yennu Gbounpaauŋ Mɔɔr

¹⁰ Linba kur ki n ji loon tee ki n bann Masia, ki bann u kuun fiiru paŋ, ki di fara nanɔ, ki n binbenkperik-n gbenn kaman nan wa din kpo biaŋinba na,

Yennu Gbouŋ Mɔɔr

¹⁰ Linba kur ki n ji loon tee ki n bann Masia-e, ki bann u kuun fiiru paŋ, ki di biak nanɔ, ki n binbenkperik na n kpo nan waa din kpo biaŋinba na,

Filipi teeb 3:10 ပူးပေါင်းရင်းမြစ်များ

Matiu 20:23

Ki Yisa betib a “Tɔn, i set sa jii n jikpiatir nawa; ŋaan n ki mɔk yaak nba sa gann wunba tan sa kar n diitu po amii n niigaŋ po, kimaan n Baa Yennu mɔŋ mɔŋe gann binba tan sa kar li kinkaanii paak.”

Jɔɔnn 10:18

Sɔɔ kaa ki sa nyinn n manfoor maŋi, ŋaan n mɔŋ mɔŋe yaa n nyinnir, kimaan n mɔk yikoo ki sa nyinnir, ki bia mɔk yikoo ki tan sa lar. Nnee ki n Baa betin a n tun.”

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Rom Teeb 8:17

Ta set tee u waas na paak, ti sa la u bonŋann nba ki u bir ki guun u niib nawa; ti bia sa lakin nan Masia ki gaarira. Kimaan ti-i di fara Masia paak, u tan sa donnit u peŋa.

Rom Teeb 8:29

U poŋ din senn nan binba ki u yiimm na a bi binbeŋ-ii tee kaman nan u Bija binbeŋ nee, ki Bija na-n teen Bikperik, waas bonchiann sinsuuk ni.

Rom Teeb 8:36

Li teen ki turit kaman nan la sɔb biaŋinba Yennu gbouŋ ni na a “A paake ki ti be kuun fara ni sanyiɔk niwa ki tan tuu dajouk, ki ti tee kaman nan peeuk nba ki bi tuu tee siir a bin kpiu nee.”

2 Korint teeb 1:10

ŋɔɔe din nyinnit kuun dangbeŋŋir na ni. U sa tinnita, ki ti mɔk dindann nan u bia tan sa tinnita.

2 Korint teeb 1:5

Ti fara dinu Masia sann paak nba yab biaŋinba, nnee ki ti parmaann mun bia yab kimaan ŋɔɔ Masia sann paak.

2 Korint teeb 13:4

U din jii u paŋ maŋe ki bakin bir ŋaan din sak ki bi kpaau dapunpunn paak. Mɔtana, Yennu paŋ paak ki u be u manfoor ni. Mɔtana, timm nba lakin be u ni na, ti ki mɔk paŋi, ŋaan ta lakin taan nanɔ na paak, ti mun mɔk manfoor Yennu paŋ paake, ki fit jii li paŋ ki wanni.

Galasia teeb 2:20

Li paak, li ji ki tee min nba fo na kaa, ŋaan li tee Masia nba fo ki be n ni nee. Mɔtana, ma mɔk manfoor ki be n gbanant ni na, n be ki teen Yennu Bija Masia yada; ŋɔɔe loonin ki din gaar n paak ki kpo.

Galasia teeb 6:17

I mi man ki sɔɔ-n ji turin farsiar, kimaan n poŋ mɔk fara dɔkit n gbanant paak, ki li want nan n tee Yisa daabire.

Efesus teeb 4:13

Li paak, ti sa taan teen Yennu Bija yada ki bannɔ, kii tee niib nba yaa binbeŋ ŋan ki jaŋ nan ŋɔɔ Masia yar na.

Filipi teeb 3:8

Li ki tee li kuukɔɔ kaa ki mɔk nyɔɔt turimi; min yiin bonsiar kura linba kaa nyɔɔte; kimaan ma bann n Yomdaanɔ Yisa Masia ki li bannu nyɔɔt yab bonchiann na paak, kimaan u paake ki n fok bonsiar kur ki lu; min yi li kur tanpenn paak mɔɔte ma n tan la Masia nan n ninbinn,

Kolosa teeb 1:24

Ki mɔtana n mɔk parpeenn n fara dinu ni i paak, kimaan ma di fara maŋ biaŋinba na, n tontir fara dinu nba ki Masia din senn ma n di u gbanant nba tee u weira na paak na.

Kolosa teeb 2:13

I din tee kpeemme sianyoo, kimaan i toonbiit paak nan ya din ki tee Juu teeb, ki bia din ki mɔk sennu na paak. Ŋaan mɔtana Yennu nyik chab i toonbiite, ki turi manfoor Masia ni.

Kolosa teeb 3:1

I din fiir nan Masia kuun ni, li paak yi jii i para gaan nan sanpaapo bona, siaminba ki Masia kar Yennu niidiitu po na.

1 Piita 1:3

Pakin man Yennu nba tee ti Yomdaanɔ Yisa Masia Baa na, kimaan u tint ninbaauk bonchiann ki turit manfopaann Yisa Masia kuun fiiru paak. Linba nee te ki ti mɔk dindann nan ti tan sii mɔk manfoor,

2 Piita 1:13

ŋaan n dukin nan li ŋan ki n ŋamm tiari ki fiin i dudukit ma daa be n manfoor ni na.

1 Jɔɔnn 2:3

Ti-i dia Yennu sennii, ŋanne sa wann nan ti set miu,

1 Jɔɔnn 2:5

Ki bia jenna, wunba dia u maan, ŋɔɔe set loon Yennu nan u yan kur. Ki bia jenna, daanɔ nba yaa a u gaa u paak, see ki u binbeŋ-ii tee kaman nan Yisa binbeŋ nba din tee biaŋinba na. Ŋanne ki u sa bann nan u gaa Yennu paak.

Fiitu 1:18

ki bia tee footɔɔ na, ki din kpo, ŋaan mɔtana n fiira ki sii fo yoo nba kaa gbennu, ki bia mɔk kuun nan kpeentiŋ paŋ;