Filipi teeb 3:1 - Yennu Gbounpaauŋ Mɔɔr

¹ Li gbennu nira, n naa waas, yii mɔk parpeenn yimm nan ti Yomdaanɔ benu ni. Min yaa baka kaa nan ma ŋamm sɔb linba ki n poŋ daan sɔb turi sinsinn na; mi-i tuun nna, li sii tee i yumanne.

Yennu Gbouŋ Mɔɔr

¹ N naa waas, linba biar tee, ii mɔk parpeenne, kimaan yaa tee ti Yomdaanɔ yab na. Min yaa baka kaa nan man ŋamm sɔb linba ki n poŋ daan sɔb turi sinsinn na; mi-i tuun nna, li sii tee i yumanne.

Filipi teeb 3:1 ပူးပေါင်းရင်းမြစ်များ

Matiu 5:12

Bi-i taŋŋi teei nna, yii mɔk parpeenn man bonchiann, kimaan i nyɔɔt tan sii yab Yendɔuŋ ni; nnee ki bi poŋ din mukis Yennu sɔkiniinba nba din be yaayoo ni na.

Barŋanii nba ki LUK din sɔb nae na 1:47

ki mɔk parpeenn Yennu wunba tee n Tinntɔɔ na paak,

Rom Teeb 5:11

Ŋaan li kur kaa na; ti bia mɔk parpeenn Yennu nba sommit bonchiann biaŋinba ti Yomdaanɔ Yisa Masia paak, kimaan u paake ki Yennu teent u yɔɔsinba mɔtana.

2 Korint teeb 13:11

N naa waas, linba ji biar tee min chabie. Ŋammit i sɔnu man, kii saak n kpaanii man, kii mɔk mɔtaauk, nan parmaasir; ki Yennu nba loonit ki teent parmaasir na sii be nani.

Efesus teeb 6:10

Linba joont tee nnee, yii chee i para ti Yomdaanɔ ni, kii mɔk yabint paŋ nba ki u turi na.

Filipi teeb 3:3

Timm jiantir Yennu u Seyeeŋ nie, ki mɔk yuugontir Yisa Masia paak; linba na gar punpotuwa. Timm ki teen nifosaarik yar yada kaa.

Filipi teeb 4:4

Yii mɔk parpeenn yoo kur, yimm nan ti Yomdaanɔ benu ni. N bia ŋammit beeri ma yii mɔk parpeenn man.

Filipi teeb 4:8

N naa waas, linba joont tee nnee, yi ŋaan ki i dudukit-n gbee nan linba tee barmɔnii, nan linba ŋan nan baakir, nan linba ŋan, nan linba mɔk burchint, nan linba took, nan linba yeen, nan linba mɔk fant, nan linba ŋan nan paku.

1 Tesalonika teeb 4:1

Ti naa waas, ya din tumii ti peŋ biaŋinba ki i sii tuun ki pent Yennu par ni na, nnee ki i poŋ din tuun. Mɔtana, ti barimiie ki kpaani ti Yomdaanɔ Yisa sann paak, yii ŋammit kii tuun nna man,

1 Tesalonika teeb 5:16

Yii mɔk parpeenn yoo kur man,

Jeems 1:2

N naa waas, yii mɔk man parpeenn yoo nba ki i di fara booru booru na,

1 Piita 3:8

Linba biar na tee nnee; i kur-ii mɔk man dudukyenn, ki i baka-ii be i leeb ni, kii mɔk loomm nan Masiaweira, kii tiin i leeb ninbaauk, kii sikint i mɔŋ.

1 Piita 4:13

Ya di fara Masia paak na, yii mɔk parpeenn man, ki yoo nba ki u tan sa nyi paanu nan yentsaakar ni, i sa la parpeenn bonchiann.

2 Piita 3:1

N naa walonkai, ma sɔbin gbouŋ nba ki teeni na ji pukii gbant ŋannlee na. Li gbant ŋannlee na kur ni, n poŋ tiari bont na po, ma n fiin i dudukŋant.