Filipi teeb 2:7 - Yennu Gbounpaauŋ Mɔɔr

⁷ ŋaan din sak nan u mɔŋ mɔŋ loomm ni ki nyik wa din mɔk linba na, ki kpint u mɔŋ ki teen kaman nan daabir na ki teen nisaarik, ki tan dɔkit ki teen nisaarik.

Yennu Gbouŋ Mɔɔr

⁷ ŋaan sak nan u mɔŋ mɔŋ loomm ni ki nyik waa mɔk linba na, ki kpint u mɔŋ ki teen nan daabir na, ki teen nisaarik, ki tan dɔkit ki tee nisaarik.

Filipi teeb 2:7 ပူးပေါင်းရင်းမြစ်များ

Matiu 12:18

“Gotir, ma gann n bik nbae na ŋɔɔe ki n mantik loonɔ na; n numm mantik gboouwa. N sa jii n Seyeeŋ ki teen u ni. U tan sa mɔɔnt buut bunu nba took ki tur binba ki tee Juu teebi.

Matiu 20:28

kaman nan min nisaarik Bik nba tee biaŋinba na, kimaan n ki baar ma niib-n tun turin kaa, ŋaan n baar ma n tun ki tur niibe, ki bia kpo a n te ki niib bonchiann-n la tinnu.”

Barŋanii nba ki MAK din sɔb nae na 9:12

Ki Yisa betib a “Elaija set baar sinsinn na a wun tan ŋamm bonsiar kur fanu. Ŋaan li bia sɔb nlee Yennu gbouŋ ni? Li sɔb a see min nisaarik Bik lek tan dii fara bonchiann, ki niib bia tan sa siannin.

Barŋanii nba ki LUK din sɔb nae na 22:27

Tɔn, ŋmee tee nijaann ki gar u lɔɔ, wunba di jeet, amii wunba teene? Li ki tee wunba di na kaa-aa? Ŋaan min ŋanin be i sinsuuk ni kaman nan toontunnɔ nee.

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Rom Teeb 1:3

Barŋanii maŋ want u Bija poe; ŋɔɔe tee ti Yomdaanɔ Yisa Masia; wa teen nisaarik na, bi marɔ ki u tee David yaaboonne,

Rom Teeb 15:3

Ŋɔɔ Masia din ki loon wun tun u mɔŋ loommi. Li sɔb Yennu gbouŋ ni a “Binba sukii Yennu na, bi sukii mine.”

Rom Teeb 15:8

Ma yeen linba na paak tee a Masia din kpint u mɔŋ ki tee Juu teeb na toontunnɔe, ki wann nan Yennu set tee mɔmɔmm daanɔe, ki gbeen Yennu mɔsona nba ki u din senn ki tur bi yejamm nba din tee nijaana na,

Rom Teeb 8:3

Yennue tun u mɔŋ Bija tingbouŋ na ni, a wun gaar gbanant nba naan nan timm biitdamm gbanant na, ki tan gaar ti paak ki kpo ti biit paak. Ki u kuun maŋ paak, Yennu biir biit nba be timm nisaarii para ni na paŋ. Sennu na ki fit tun nna, kimaan timm nisaarii ki fit diar fanu.

2 Korint teeb 13:4

U din jii u paŋ maŋe ki bakin bir ŋaan din sak ki bi kpaau dapunpunn paak. Mɔtana, Yennu paŋ paak ki u be u manfoor ni. Mɔtana, timm nba lakin be u ni na, ti ki mɔk paŋi, ŋaan ta lakin taan nanɔ na paak, ti mun mɔk manfoor Yennu paŋ paake, ki fit jii li paŋ ki wanni.

2 Korint teeb 8:9

I mi ti Yomdaanɔ Yisa Masia nuu nba yaa biaŋinba. U tee mɔkitɔɔe, ŋaan ki i paak ki u din kpant tarik, ki u tarik kpantu maŋ paak te ki yimm ji teen mɔkita.

Galasia teeb 4:4

Ŋaan yoo nba din tan jaŋ na, ki Yennu tun u mɔŋ mɔŋ Bija, ki poo din marɔ, ki u din be Juu teeb sennu ni,

Filipi teeb 2:6

U din tuu yɔɔ be kaman nan Yennu nee, ŋaan u din ki mi dukin a u sa jii u mɔŋ ki yekin nan Yennu,

Hiibru teeb 12:2

Ŋaant ki tin kpan kpaa ti ninbina Yisa paak; ŋɔɔe ki ti yada gaa u paak li pinpiik niwa nan li joontu ni na. Dapunpunn na din ki te ki u nyik u yabiru, kimaan parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak u nuudiitu po mɔtana.

Hiibru teeb 13:3

Yii tian nisiab nba be dansarii ni na po kaman nan yimm nan ŋamme lakin be li ni; kii tian nisiab nba laat muksuk na po, kimaan i mun daa be tingbouŋ na ni nan i gbanante.

Hiibru teeb 4:15

Ti mantɔyudaanɔ maŋ ki tee wunba kan fit tint ninbaauk ti butuŋ paak kaa, ŋaan u mɔŋ din la bikinu sɔnii booru kur ni kaman nan ta mun laat biaŋinba na, ŋaan u lek din ki tun biiti.