Filipi teeb 2:30 - Yennu Gbounpaauŋ Mɔɔr

³⁰ kimaan u daan ki kɔn u manfoor paak ki tan yaa wun kpo Masia toonn na paak, a wun turin sommir nba ki i daan ki fit turin na.

Yennu Gbouŋ Mɔɔr

³⁰ kimaan u daan ki kɔn u manfoor paak, ki tan yaa wun kpo Masia toonn na paak gbaa, a wun turin sommir nba ki i daan ki fit turin na.

Filipi teeb 2:30 ပူးပေါင်းရင်းမြစ်များ

Toona 20:24

Ŋaan n ki yi n manfoor ki li tee siari, kimaan min ŋarin loon ki n tun toona nba ki ti Yomdaanɔ Yisa turin nee ki gbenn, ki li toona tee ki mii mɔɔntir barŋanii nba want Yennu ninbatinu poe.

Rom Teeb 16:4

Bi din jii bi manfoa ki tinn n manfoor, li paak ki n teemm niipoouk; li ki tee n kuukɔɔ kaa teemm niipoouku, ŋaan min nan binba ki tee Juu teeb ŋaan tee Yisaweira na, bi mun bia teemm niipoouk bonchiann.

1 Korint teeb 15:53

Li kpaa talas nan gbanant nba pɔɔkit na tan sa kpant gbanant nba ki pɔɔkite, ki gbanant nba kpenn na tan sa kpant gbanant nba ki kpennie.

1 Korint teeb 16:10

Timoti-i taŋŋi baar i boor, i mi man ki yin kɔɔnɔ jaŋmaanii, kimaan u tuun ti Yomdaanɔ toonae kaman nan ma mun tuun biaŋinba na.

1 Korint teeb 16:17

N mɔk parpeenn Stefanas nan Fotunatus nan Akaikus baaru na paak, kimaan ya daan kaa n boor nna, n daan mɔk parbiir, ŋaan ba baar na, n ji ki mɔk parbiiri,

2 Korint teeb 12:15

li paake te ki li maŋin nan man jii n mɔŋ ki turi, ki tun nan nunmɔnn ki sommi. Ki mi-i looni bonchiann, yimm sii loonin waaminnee?

2 Korint teeb 4:12

Ki kuun dia ti nii, li paak ki yimme mɔk manfopaann.

Filipi teeb 2:17

Li-i tee ki n lu n miar na ki pukin fara nba ki n poŋ dii ma n te ki yin teen yada na, li bo sii manin, ki n bo sii mɔk parpeenn nan i kura.

Filipi teeb 2:27

Li set tee barmɔniie, u daan yiare ki per kuuma, ŋaan Yennu daan tinɔ ninbaauk, ki li ki tee u kuukɔɔ kaa, ŋaan bia tin n mɔŋ ninbaauk, ki nyinnin parbijaann ni.

Filipi teeb 4:10

N mɔk parpeenn bonchiann ti Yomdaanɔ ni nan la yukira ŋaan ki i fiin n po na paak; setik nan barmɔnii, i daan loonima, ŋaan i daan ki mɔk yaake.

Filipi teeb 4:18

N gaar i piinii na munna ki li jaŋŋima. Piinii nba ki i daan tun Epafrodaitus nann na te ki n gboowa. Li piinii naan nan mannu nba nubir mane ki teen Yennu, ki penn u par ni, ki u gaarir.

Filemonn 1:13

N bo loon ki mii diau n boor ni nna na ki wun gaar a paak ki sommin yoo nba ki n kɔɔ dansarik Masia barŋanii paak na.

Fiitu 12:11

a Pebik na sɔn nan u barŋanii nba ki bi mɔɔntir na paake ki bi nyann Sintanii na; ki bi ki tiin bi manfoor na ki sak nan kuum-i baarib, bi sa gaar.