Filipi teeb 2:2 - Yennu Gbounpaauŋ Mɔɔr

² ŋanne te ki n beeri ma yii mɔk dudukit yennkɔɔ ki pukin n parpeenn na, kii mɔk loomm yennkɔɔ ki i dudukit kura-ii tee yennkɔɔ.

Yennu Gbouŋ Mɔɔr

² ŋanne te ki n beeri maa yii mɔk dudukyennkɔɔ ki pukinin parpeenn na, kii mɔk lomm yennkɔɔ, ki i dudukit kura-ii tee yomm.

Filipi teeb 2:2 ပူးပေါင်းရင်းမြစ်များ

Jɔɔnn 3:29

Poosɔrɔe tee wunba yen pooyookir na. Wunba tee poosɔrɔ na yɔɔk ki be u boor ki gbiintirɔ, ŋɔɔe mɔk parpeenn poosɔrɔ na kunkɔr paak. Nnee ki n mun set mɔk parpeenn bonchiann Masia na paak.

Toona 1:14

ki bi kura tuu yɔɔ lakint nan bi leeb ki din pukin poosiab nan Yisa naa, Mari, nan Yisa waarii, ki bi pik mei Yennu nan dudukyent kuukɔɔ ki ki naki.

Toona 2:1

Tɔn, jaamm nba ki bi yir Pentekost daare baar; daar maŋe ki Yisaweira kura lakin taan leeb boyennkɔɔ ni.

Toona 2:46

Daar kur bi bia lek tuu taan leebe Yennu jiantu ŋasaakak ni ki jiantir Yennu, ŋaan ji nyi ki lakint baa jedikpaguur bi mɔŋ ŋei ni, ki saa di jeet nan leeb nan parpeenn, ki ninfɔksai kaa nan bi leebi.

Toona 5:12

Li yoo na ki toomiinba na tuun bakitnauŋ toonjaana niib na ni bonchiann. Ki Yisaweira kura tuu taan leeb Yennu Yennu ŋasaakak, Solomon barintir boor.

Rom Teeb 12:16

Yii mɔk man dudukyennkɔɔ ki daa mɔk dontinmɔŋ; ŋaan kii saak toona nba ki mɔk dontinmɔŋi, ki daa dukii nan i mɔk ninyentiri.

1 Korint teeb 1:10

N naa waas, n barimiie ti Yomdaanɔ Yisa Masia sann ni a yin taan mɔb, ki mɔniɔk daa be i sinsuuk ni, ki yii taa mɔyemmkɔɔ nan dudukyennkɔɔ.

2 Korint teeb 13:11

N naa waas, linba ji biar tee min chabie. Ŋammit i sɔnu man, kii saak n kpaanii man, kii mɔk mɔtaauk, nan parmaasir; ki Yennu nba loonit ki teent parmaasir na sii be nani.

2 Korint teeb 2:3

Li paake te ki n din sɔbi gbouŋ, ma n ki loon ki n baar ki tan la parbiir yimm nba bo sa penn n par ni na paak. Kimaan n teen yada nan n parpeenn tee i parpeenn nee.

2 Korint teeb 7:7

Ŋann kuukɔɔ kaa daan maak ti para, ŋaan u bia daan betit i binbeŋ nba tee biaŋinba; ŋanne mun daan te ki ti para maak. U daan betit a i nunbinn mɔn nan ki i bia lan, a i mɔk parbiir i toonbiit paak, a ki i nunbinn mɔn nan ki i saak n mɔb. Linba na te ki n mantik mɔk parpeenn.

Filipi teeb 1:4

Yoo kura, mi-i mei Yennu teeni, n tuu mei nan parpeenne,

Filipi teeb 2:16

ŋaan yetib manfoor labaar. Li-i tee ki i tuun nna, n tan sii mɔk yaak nan mii mɔk yuugontir i paak Masia daar maŋ, kimaan li tan sa wann nan n fara nan n toona ki tee yanni.

Filipi teeb 2:20

Ŋɔɔ kuukɔɔe fiin i po nan barmɔnii kaman nan ma fiin i po biaŋinba na.

Filipi teeb 4:2

N niipoob Yuodia nan Sintike, n barimiie, yii yabir kii be nan parmaasir nan i leeb ti Yomdaanɔ paak.

Kolosa teeb 2:5

kimaan ma lek ki be i peŋ nan n gbanant na, ŋaan n seek be nani, ki n par peen i paak ma la ya be fanu biaŋinba na, nan ya teen Masia yada nan barmɔnii biaŋinba na.

2 Tesalonika teeb 2:13

Ti naa waas, yimm nba ki ti Yomdaanɔ looni na, li kpaa talas ki ti pak Yennu yoo kur i paak, kimaan Yennu din ganni pinpiik neewa a yin la tinnu. I din teen barmɔnii barŋanii yada, ki u Seyeeŋ bia ŋammi ki teeni popeendamm, li paak te ki i la tinnu na.

2 Timoti 1:4

N tian a ninnyuut po, ki lek loon ki n la-a kii mɔk parpeenn bonchiann.

Filemonn 1:20

Li paak, n naa bik, sommitin ti Yomdaanɔ paak, ki dɔɔn n par, kimaan ti set tee weinanleebe Masia ni.

2 Jɔɔnn 1:4

N daan mɔk parpeenn bonchiann nan ma daan la a wasiat nba ki bi waa barmɔnii wannu nba ki ti Baa Yennu sennit sennu na.

3 Jɔɔnn 1:4

Siar ki penn n par ni ki mantik baar ma gbat a n waas waa wannu nba took na.