Filipi teeb 2:16 - Yennu Gbounpaauŋ Mɔɔr

¹⁶ ŋaan yetib manfoor labaar. Li-i tee ki i tuun nna, n tan sii mɔk yaak nan mii mɔk yuugontir i paak Masia daar maŋ, kimaan li tan sa wann nan n fara nan n toona ki tee yanni.

Yennu Gbouŋ Mɔɔr

¹⁶ ŋaan yetib manfoor labaar. Li-i tee ki i tuun nna, n tan sii mɔk yaak nan mii mɔk yuugontir i paak Masia daar maŋ, kimaan li tan saa wann nan n fara nan n toona ki teen yanni.

Filipi teeb 2:16 ပူးပေါင်းရင်းမြစ်များ

Matiu 10:27

Linba ki n beeri bunbɔnn ni na, ŋaan nyintir man yeenin ni; ki linba ki n lɔkinii na, nyintir man paanu ni.

Barŋanii nba ki LUK din sɔb nae na 12:8

“Wunba nyint u mɔŋ paanu ni niib boor ni nan u tee n weirɔe, min nisaarik Bik mun tan sa nyinnɔ paanu ni Yennu malakanba boor ni;

Jɔɔnn 6:63

Yennu Seyeeŋ kuukɔɔe teen niib manfoor; ŋaan gbanant na tee yanne. Mɔmaan nba ki n pak ki turi nae baat nan Yennu Seyeeŋ nba teen niib manfoor maŋ.

Jɔɔnn 6:68

Ki Simon Piita jiin yetɔ a “Ti Yomdaanɔ, ki ti mun ji sa nyika ŋaan saan ŋmee boori? Fine mɔk manfoor nba kaa gbennu wannu.

Toona 13:26

Ŋanne ki Pɔɔl bia yaa a “N naa waas, a yimm nba tee Abraham yaaboona, nan i kur nba be nna ki jiantir Yennu na, maan nba ki Yennu turit ki li want tinnu maŋ po na, li tee ti yare.

1 Korint teeb 1:8

U sii guui nan ti Yomdaanɔ Yisa Masia jenu daar maŋ ki i tan daa mɔk biiti.

1 Korint teeb 9:26

Ŋannii teen ki n tiin a n sa baar li paak; ŋannii teen ki n ki gbaa yanni.

2 Korint teeb 1:14

kaman nan ya poŋ bann waaminna biaŋinba na, nan i tan sa fit kii mɔk yuugontir ti paak, kaman nan ta mun sii mɔk yuugontir i paak, ti Yomdaanɔ Yisa jenu daar na.

Galasia teeb 2:2

Yennue din fiit li sɔnu saanu paanu ni ki wannin, li paake te ki n saan. Leŋe ki n yiin saakab na, ti kuukɔɔ, ki wannib ma mɔɔntir barŋanii mɔɔntii maŋ biaŋinba ki teen binba ki tee Juu teeb na, kimaan n ki loon ma poŋ tun linba, nan ma sa tun linba na-n tan biar yann ki nyɔɔt kaa.

Galasia teeb 4:11

Ŋanne te ki n mɔk jijeet i paak nan ma tun linba kur turi na biar yanne na.

Filipi teeb 1:10

ki yin fit gann linba mantik ŋan, ki li poorpo ki i be ki tan daa mɔk jakint nan biit Masia daar maŋ ni,

Filipi teeb 1:6

Li paak, n ki mɔk birsuk nan Yennu nba din piin toonŋann i ni na, u sii diar nna mɔkmɔk nan yoo nba ki u tan sa gbenn toonŋann maŋ Yisa Masia daar maŋ.

1 Tesalonika teeb 2:19

Ti Yomdaanɔ Yisa-i jen yoonba, yimme sii tee ti dindann nan ti nyɔɔt, ki i paake ki ti tan sa set u boor nan parpeenn nan yuugontir.

1 Tesalonika teeb 3:5

Li paak, la daan tan paak n nii yoonba, ki n daan tun Timoti, a wun saa bann a i nyik Masia sɔnu amii, ki laan Sintaanii bikini, ki ti toona fara kur teen yannee?

Hiibru teeb 4:12

Kimaan Yennu mɔmaan maŋ tee barii nba foe, ki mɔk paŋ, ki bia di ki gar jukbanjiak nba kur ŋma mɔi ŋannlee. Yennu mɔmaan fit ŋma ki kɔɔ baat nisaarik seek nan u manfoor boor ni, ki kɔɔ baat u tukita nan u kpaba beesin ni, ki kɔɔ bɔkitir u dudukit nan u par ni bibikit.

1 Piita 1:23

I la manfopaanna; li manfoor ki nyii bonboorik nba kpenn ni kaa, ŋaan li nyii bonboorik nba ki kpenn boore; Yennu maan nba mɔk manfoor ki sii be mɔkmɔk nan yoo nba kaa gbennu na turi manfoor maŋ.

1 Jɔɔnn 1:1

N sɔbin gbouŋ na ki teeni a n wanni wunba ki bi yiu Yennu Mɔb nba teen niib manfoa na poe. Yoo nba ki dunia din tan piint namu na, ŋaan sɔɔ ki Mɔb maŋ poŋ bee. Mɔmaan maŋ nba din sik tingbouŋ na ni yoonba, ki ti gbiintir u pinpauk, ki bia laatɔ nan ti ninbina ki goriiɔ, ki ti nii bia siitɔ,

Fiitu 22:17

Tɔn, Yennu Seyeeŋ nan Pebik na pooyookir na yet a “Baat.” Ki wunba gbatir mun-n yet a “Baat.” Ki wunba kur ki nyunyukiru soorɔ, wun baar; ki wunba loon nyun maŋ, wun gaar yann.