Filipi teeb 2:15 - Yennu Gbounpaauŋ Mɔɔr

¹⁵ ŋanne sa te ki i daa mɔk biit, ŋaan kii mɔk popeenn, kii tee Yennu waas nba ki mɔk daŋ, kimaan i be nijakina nan biitdamm sinsuuk nie na. Li kpaa talas ki yii nyirii bi sinsuuk ni kaman nan ŋmaajara nba nyirii sanpaapo biaŋinba na,

Yennu Gbouŋ Mɔɔr

¹⁵ ki lin te ki i daa mɔk biit, ŋaan kii tee popeenn damm, kii tee Yennu waas nba ki mɔk daŋ, kimaan i be niyoona nan biitdamm sinsuuk nie na. Li kpaa talas ki yii nyirii bi sinsuuk ni, nan ŋmaajara nba nyirii sanpaapo biaŋinba na,

Filipi teeb 2:15 ပူးပေါင်းရင်းမြစ်များ

Matiu 10:16

“Gotir man, n tuumi ki i sii tee kaman nan pei nba be kinkata sinsuuk ni. Yii sub man kaman nan walabirii na, ŋaan kii be soonna kaman nan ŋmana na.

Matiu 17:17

Ki Yisa jiin boib a “Yimm mɔtana niib nba mantik kaa yada, ki bia ki waa Yennu fanu, n sa yukir nani nlee? yoo nlee ki n sa di sukuru nani mantiki? Baat nan bik maŋ nna.” Ki bi baar nanɔ.

Matiu 5:45

Ŋanne sa te ki i set kii tee ti Baa Yennu nba be sanpaapo na waas, kimaan ŋɔɔe te ki yennu do nifobiit nan nifoŋamm paak, ki bia te ki saak baa nifobiit nan nifoŋamm doi ni.

Matiu 5:48

Li paak, yii be man fanu kaman nan i Baa Yennu nba be sanpaapo na nba be fanu biaŋinba na.

Barŋanii nba ki LUK din sɔb nae na 1:6

Bi bannlee maŋ binbeŋ din ŋan Yennu boor ni, ki bi din saak u mɔb sennu kur nyiknyik;

Barŋanii nba ki LUK din sɔb nae na 6:35

“Li paak, yii mɔk loomm nan i datai man, kii tuun linba ŋan kii teemm. Li-i tee ki i kpent nirɔ ki li yukir, ya daa biir i para li paaki, kimaan i nyɔɔt tan sii yab, ki i bia tan sii tee Yabint Yennu waas, kimaan ŋɔɔe tuun linba ŋan ki teen binba ki teenɔ niipoouk, nan biitdamm.

Jɔɔnn 5:35

Jɔɔnn maŋ daan tee kaman nan fitir nba ki bi tuu joo, ki li yentu nyɔkit nee, ki i daan jii yoo waaminna ki nian u yentu maŋ.

Toona 2:40

Li poorpoe ki Piita pak mɔmaan bonchiann ki nyinn siara, ŋaan bia kpaamm a “Hei! Nyint i mɔŋ man nan Yennu tubdatu nba baat mɔtana nibiit na paak na.”

Toona 20:30

Ki yoo bia baat ki nisiab tan sa nyi i mɔŋ mɔŋ sinsuuk ni, ki fa fai Yennu barmɔnii wannu po, ki biir Yisaweira, ki tunnii bi yan ki te ki bii waa ŋamme.

Rom Teeb 16:19

Tɔn, sɔɔ kur gbat ya gaar Masia barŋanii biaŋinba, linba na paake ki n mɔk parpeenn nani. N loon ki yii mɔk yan ki saan jiin linba ŋan paak, ŋaan daa saak bonbiiri.

1 Korint teeb 1:8

U sii guui nan ti Yomdaanɔ Yisa Masia jenu daar maŋ ki i tan daa mɔk biiti.

2 Korint teeb 6:17

Li paak ki ti Yomdaanɔ Yennu bia yet a “Bɔkitir i mɔŋ man, ki nyi tingbouŋ na niib sinsuuk ni man, ki nyik biit kur, ki n sa gaari.

Efesus teeb 5:27

ki jiin teemm u mɔŋ nuu ni nan fant, a bi fant na daa mɔk dansiari, ki bia tee popeendamm ki daa mɔk biit nan waaminnawa.

Filipi teeb 1:10

ki yin fit gann linba mantik ŋan, ki li poorpo ki i be ki tan daa mɔk jakint nan biit Masia daar maŋ ni,

Filipi teeb 3:6

ki din tan mukis Masia niib gbaa. Nirɔ-i sa sak sennue ki fit kii tee yentinɔ, min din be ki kaa bisiat jiin li po.

1 Tesalonika teeb 5:23

Yennu nba teent parmaasir na tiauŋ-n teeni popeendamm ki gbenn, ki dia i sei nan i manfoa nan i gbanant mun, ki li daa mɔk biit ti Yomdaanɔ Yisa Masia jenu maŋ po.

1 Timoti 3:10

Li kpaa talas ki bin bikimm sinsinn; bi-i kii mɔk biit bi bikinu maŋ ni, tɔn, bi sii fit tuun sommteeb toona.

1 Timoti 3:2

Li ki ŋan ki Masiaweira yudaanɔ-ii mɔk bisiati. Li kpaa talase ki wuu mɔk poo yenɔkɔɔ, kii tee subindaanɔ, kii dia u mɔŋ fanu, kii gaan saamm u ŋaak ni kii chantirib, kii tee wunba sa fit wann niib Yennu maan,

1 Timoti 5:14

Li paak, min bo sii loon ki pakɔi nba tee poobis na-n kun jabe ki mar waas, ki got bi ŋei fanu, ki ti datai daa laat yaak ki piak biit jiint ti po,

1 Timoti 5:20

Binba tuun toonbiit na, i yakii namm, niib ni, ki binba biar na-n tin jaŋmaanii.

1 Timoti 5:7

Sent sennu na ki bii waa ki daa mɔk biiti.

Taitus 1:6

li kpaa talas ki Masiaweira saakɔɔ daa mɔk biiti; li kpaa talas ki u mɔk poo yenɔkɔɔ; li kpaa talas ki u waas-n teen Masia yada, bi daa tee waabiit nan tubkangbata;

Taitus 2:10

ki daa jaan bi siari. Ŋaan li kpaa talas ki bin wann bi mɔŋ nan bi be fanu nan barmɔnii yoo kura; ŋanne ki bi binbeŋ kur sa wann nan ti Tinntɔɔ Yennu wannue ŋan bonchiann.

Taitus 2:15

Wantib linba na kura, kii cheen bi para, kii kpaanib Yennu nba tura yudant biaŋinba na; sɔɔ daa goriia yanni.

Hiibru teeb 7:26

Li paak, Yisae tee ti mantɔɔ nba jaŋ nan ti sommir. Ŋɔɔe tee popeendaanɔ, ki ki mɔk bisiati; u be u kɔɔe nan biitdamm, ki Yennu donnɔ ki gar Yendɔuŋ ni teeb kura.

1 Piita 2:12

ŋaan kii be fanu tingbouŋ na niib sinsuuk ni, ki li-i tee ki bi sukii-i a i tee biitdamm, bi sa la i toonŋana ki dont Yennu, daar nba ki u tan sa baar na.

1 Piita 2:9

Ŋaan yimm ŋanin tee Yennu nigannkabe, ki bia tee u naan ni niib binba jiantirɔ, ki bia tee nibooru nba tee popeendamm, ki bia tee u tiauŋ niib, ki yii mɔɔntir u burchintuk po, ŋɔɔ nba nyinni bunbɔnn ni, ki baar nani u bakitnauŋ yentu ni.

2 Piita 3:14

N naa walonkai, ya guu bona maŋ na paak, yii yabir i mɔŋ paak kii mɔk parmaasir, nan binbenyeeŋ, ki daa mɔk biit Yennu boori.

Fiitu 2:5

Tiat man ya din tuu be biaŋinba na ŋaan ji tan lebit ki nyikir na. Nyikin man i biit maŋ ŋaan kii tuun ya poŋ tuu tuun biaŋinba sinsinn ki li ŋan na; li-i tee ki i kan nyik i biiti, n sa baar i boor ki jii i fitir na li boor, ŋaan beri.

Fiitu 3:9

Nnara, binba tee Sintaanii niib, faidamm nba yaa a bi tee Juu teeb ŋaan ki ki tee na, n sa te ki bin baar ki tan gbaan i tɔɔnn po ki bann nan n set looni.