Filipi teeb 2:11 - Yennu Gbounpaauŋ Mɔɔr

¹¹ ki sɔɔ kura tan sa yet a ŋɔɔ Yisa Masia tee Yomdaanɔ kii dont ti Baa Yennu sann.

Yennu Gbouŋ Mɔɔr

¹¹ ki sɔɔ kura tan saa yet a ŋɔɔ Yiisa Masia-e tee Yomdaanɔ, ki lin dont ti Baa Yennu sann.

Filipi teeb 2:11 ပူးပေါင်းရင်းမြစ်များ

Matiu 10:32

“Wunba nyint u mɔŋ paanu ni niib boor ni nan u tee n weirɔe, nnee ki n mun tan sa nyinnɔ paanu ni n Baa Yennu nba be sanpaapo na boor ni.

Barŋanii nba ki LUK din sɔb nae na 2:11

Dinna nyiɔk na bi mar i Tinntɔɔ wunba tee Yennu Niganntɔɔ Masia, wunba tee ti Yomdaanɔ na; ki bi marɔ David doo ni.

Jɔɔnn 12:42

Tɔn, Juu teeb yudamm bonchiann gbaa din teen Yisa yada, ŋaan bi ki nyinn bi mɔŋ paanu ni a bi teenɔ yada, kimaan bi tiin jaŋmaanii a Farisiinba nee sa nyinnib bi Yenjiantu ni.

Jɔɔnn 13:13

I yin a n tee i Wanntɔɔe, a nan i Yomdaanɔ. Li set ŋan nan ya yin biaŋinba na, kimaan n set tee nnee.

Jɔɔnn 13:14

Tɔn, ki min nba tee i Yomdaanɔ nan i Wanntɔɔ, ŋaan tan fobit i taa na, li mun ŋan ki yii fobitir i leeb taa;

Jɔɔnn 14:13

Ki linba kur ki i sii meiɔ li po nan n sann ni, n sa tuma, ki ŋɔɔ Yennu-n la dontir n paak.

Jɔɔnn 14:23

Ki Yisa jiin betɔ a “Daanɔ nba loonin, u sii saak n maan, ki n Baa Yennu sii loonɔ, ki min nan n Baa Yennu sa baar u boor ki sii yɔɔ be u ni.

Jɔɔnn 17:1

Yisa nba din pak nna maŋ, ŋaan gokit got sanpaapo, ki yet a “N Baa, yoo maŋ baar na. Ŋaant ki min a Bija-n la dontir, ki fit lian te ki a mun-n la dontir,

Jɔɔnn 20:28

Ki Tomas yetɔ a “Fine tee n Yomdaanɔ ki bia tee n Yennu.”

Jɔɔnn 5:23

a ki sɔɔ kur-ii tee-n nibaakir kaman nan ba teen n Baa Yennu nibaakir biaŋinba na. Wunba ki tee-n nibaakir, li want nan u ki teen n Baa Yennu nba tumin na nibaakiri.

Jɔɔnn 9:22

U damm din yet nna maŋ, kimaan bi tiin Juu teeb yudamm na jaŋmaanii, kimaan yudamm maŋ poŋ taan mɔb ki yet a wunba yaa a Yisae tee Yennu Niganntɔɔ Masia, see ki bi nyinnɔ bi Yenjiantu ni.

Toona 10:36

I mi nan Yennu din tur Israel teeb u maan nba want barŋanii na po, a Yisa Masia nie ki timm nan Yennu maŋ nan leeb; ŋɔɔ Yisa Masiae tee ti kur Yomdaanɔ.

Toona 2:36

Ki Piita bia yet a “Tɔn, li ŋan ki yimm Israel teeb kur-n bann nan li tee Yisa nee, wunba ki i daan te ki bi kpaau dapunpunn paak ki kpiiu na, ŋɔɔe ki Yennu wann nan u tee u Niganntɔɔ Masia, ki bia tee ti Yomdaanɔ biak.”

Rom Teeb 14:11

Li sɔb Yennu gbouŋ ni a ti Yomdaanɔ Yennu yet a “Ma set be na, booru kur sa gbaan n tɔɔnn, ki sɔɔ kur sa yet a n set tee Yennu.”

Rom Teeb 14:9

Masia din kpo ki bia fiir kuun ni a wun teen footib nan kpeemm Yomdaanɔ.

Rom Teeb 15:9

ki te ki binba ki tee Juu teeb na-ii dont Yennu sann u ninbatinu paak. Li sɔb nnee Yennu gbouŋ ni a David yet a “N sa tura niipoouk binba ki tee Juu teeb na boor, ki yin yanii ki paka.”

1 Korint teeb 12:3

N loon ki yin bann nan Yennu Seyeeŋ na-i be wunba ni, li daanɔ kan fit yet mɔb ki biir Yisa; sɔɔ mun kan fit yet a Yisae tee ti Yomdaanɔ, see ki Yennu Seyeeŋ na be u ni ki te ki u yet nna.

1 Korint teeb 15:47

Sinsinn nirɔ na din nyii tant nie, ki nirɔ nba wei na nyii Yendɔuŋ ni.

1 Korint teeb 8:6

ŋaan timm yaa boor ni ŋanin, Yen-yenɔkɔɔe be; ŋɔɔe tee ti Baa Yennu nba din nan bonsiar kur, ki u nie ki ti fo; ki Yomdaan-yenɔkɔɔe be, wunba tee Yisa Masia. U paake ki bonsiar kur nan; u paake biak ki ti fo.

1 Piita 1:21

U paake ki i teen Yennu yada; ŋɔɔe din fiinɔ kuun ni ki turɔ paŋ; li paak, ki i mɔk yada nan dindann Yennu boor.

1 Jɔɔnn 4:15

Wunba yaa a u teen yada nan Yisa tee Yennu Bija, ŋɔɔe ki Yennu be u ni, ki u mun bia gaa Yennu paak.

1 Jɔɔnn 4:2

Wunba kur ki seek piak u ni, ki u yaa a u teen yada a bi din mar Yisa Masia nisaarike, ŋɔɔe mɔk Seek nba nyii Yennu peŋ. Li-i tee ki u yeen nna, ŋanne ki ti sa bann nan li tee Yennu Seyeeŋe.

2 Jɔɔnn 1:7

Tɔn, kpinkpannii damm bonchiann poŋ baar ki yat saan siar po kur tingbouŋ na niwa, binba yaa a ŋamm ki teen yada a bi mar Yisa ki u tee nisaarik na. Li nibooru tee kpinkpannii damme, ki bia tee Yisa datai.

Fiitu 3:5

Wunba nyann nyannu maŋ na, u tan sa lia tapeenii na, ki n tan kan kpeen u sann manfopaana damm gbouŋ na ni, ki n tan sa yet n Baa nan u malakanba na paanu ni a li daanɔ tee n yɔɔe.