Filipi teeb 1:6 - Yennu Gbounpaauŋ Mɔɔr

⁶ Li paak, n ki mɔk birsuk nan Yennu nba din piin toonŋann i ni na, u sii diar nna mɔkmɔk nan yoo nba ki u tan sa gbenn toonŋann maŋ Yisa Masia daar maŋ.

Yennu Gbouŋ Mɔɔr

⁶ Li paak, n ki mɔk birsuku, Yennu nba din piin toonŋann na i para ni na sii diar nna, mɔkmɔk nan yoo nba ki u tan saa gbenn toonŋann maŋ, Yiisa Masia daar na.

Filipi teeb 1:6 ပူးပေါင်းရင်းမြစ်များ

Jɔɔnn 6:29

Ki Yisa jiimm a “Toonn nee ki Yennu loon ki yii tuun, a yin teen wunba ki u tumɔ na yada.”

Toona 11:18

Ba din gbat nna maŋ yoonba, ki bi ji nyik bi kpayakit na, ŋaan donn Yennu sann, ki yeen a “Yennu chab binba ki tee Juu teeb mun a bin nyik bi biit ki teen Yisaweira ki la manfoor nba kaa gbennu.”

Toona 16:14

Poob nba din gbat ti maan maŋ, bi yenɔ sann din tee Lidia. U din nyii Tiatairae, ki din tee chinchenmuŋ nba ki li daauk paar na kɔɔtitɔɔ, ki bia din tee wunba jiantir Yennu. Ki Yennu din loot u par ni a wun sak Pɔɔl maan nba ki u piak na.

1 Korint teeb 1:8

U sii guui nan ti Yomdaanɔ Yisa Masia jenu daar maŋ ki i tan daa mɔk biiti.

2 Korint teeb 1:15

Ma bann linba na paake te ki n daan lor ma n poŋ jen i boor ni, ki yin la sommir taar munnlee,

2 Korint teeb 2:3

Li paake te ki n din sɔbi gbouŋ, ma n ki loon ki n baar ki tan la parbiir yimm nba bo sa penn n par ni na paak. Kimaan n teen yada nan n parpeenn tee i parpeenn nee.

2 Korint teeb 7:16

N mi nan i lek bia sii ŋammit tuun linba kur fane. Li paake te ki n mɔk parpeenn bonchiann.

2 Korint teeb 9:4

Nna-i kaa, ki Masedonia tiŋ ni niib maŋ tan wein ki baar i boor ni, ki sɔɔ ki i daa ki teen siiri, li sa dinnin feiwa; ki li kii tee min kuukɔɔ kaa sa di fei, ti kurae sa di fei, kimaan ti daan paki bi boor niwa.

Galasia teeb 5:10

Ŋaan ti Yomdaanɔ paak, n bia mɔk yada a i sii mɔk dudukyenn nanin; ki li-i tee nirɔ nbae ŋmat i dudukit, Yennu sa dat daanɔ maŋ tubira.

Efesus teeb 4:12

U tun linba na a binba tee Yennu niib kura-n fit jaŋ u toona maŋe, ki chee Masiaweira.

Filipi teeb 1:10

ki yin fit gann linba mantik ŋan, ki li poorpo ki i be ki tan daa mɔk jakint nan biit Masia daar maŋ ni,

Filipi teeb 1:29

Ya poŋ mɔk yaak nan yin tun ki tur Masia na paak, ki li ki tee ya teenɔ yada na paak kuukɔɔ kaa, ŋaan ya bia di fara u paak na,

Filipi teeb 2:12

N naa walonkai, ma din be i boor ni ki i sak n mɔb biaŋinba na, ki mi-i lekii kaa i boor ni, li kpaa talas ki yin sak n mɔb. Yii biakii tuun i toona nan yentinu nan gbananjekint man, ki tont i tinnu,

Filipi teeb 2:13

kimaan Yennu yɔɔ tuun nanie, a yii loon yii tuun u loomm kii biakii tuun u loomm maŋ.

Filipi teeb 2:16

ŋaan yetib manfoor labaar. Li-i tee ki i tuun nna, n tan sii mɔk yaak nan mii mɔk yuugontir i paak Masia daar maŋ, kimaan li tan sa wann nan n fara nan n toona ki tee yanni.

Kolosa teeb 2:12

kimaan ba din wuri Yennu nyunwuru yoonba na i din pukin Masia poe ki bi pii-i, ki i bia fiir nanɔ nyunwuru maŋ ni, i yada nba be Yennu paŋ toona nba din fiin Masia kuun ni na paak.

1 Tesalonika teeb 1:3

kimaan Yennu nba tee ti Baa na tɔɔnn po, ti tian biaŋinba ki i teenɔ yada ki tuun toonŋana, nan i loomm nba te ki i tuun nan nunmɔnn biaŋinba, ki i dindann be ti Yomdaanɔ Yisa Masia ni chib chib biaŋinba.

2 Tesalonika teeb 1:11

Li paake ki ti mei Yennu yoo kur ki teeni. Ti meiɔ a wun te ki yin jaŋ nan manfoor nba ki u din ganni a i taŋŋi be leŋ na nie. Ti meiɔ a wun jii u paŋ ki te ki yii tuun toonŋana kur nba ki i loon a i tuun na, ki gbenn toona kur nba ki i tuun i yada paak na.

2 Tesalonika teeb 3:4

Ti Yomdaanɔ paak ki ti teen yada nan i tuun ta din beti linba na, kii bia sii tuun nna yoo kura.

Filemonn 1:21

N sɔbin gbouŋ maŋ ki teena, ki ki mɔk birsuk nan a sa sak tun ki lin gar ma beta linba na kura.

Hiibru teeb 10:35

Li paak, i daa nyikit yabiru mani, kimaan i yabiru na baat nan nyɔchiauŋo.

Hiibru teeb 12:2

Ŋaant ki tin kpan kpaa ti ninbina Yisa paak; ŋɔɔe ki ti yada gaa u paak li pinpiik niwa nan li joontu ni na. Dapunpunn na din ki te ki u nyik u yabiru, kimaan parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak u nuudiitu po mɔtana.

1 Piita 5:10

Ŋaan li-i tee ki i di fara yoo waaminna, ki Yennu nba mɔk ninbatinu kur na sa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u mant nba kaa gbennu na.

2 Piita 3:10

Ti Yomdaanɔ daar maŋ baaru tan sii tee kaman nan nanyukɔɔ baaru nee. Li daar maŋ, ki sanpaapo sa gbenn nan fujaann; ki muu nba di bonchiann tan sa di sanpaapo bonsiar kur, ki tingbouŋ na nan bonsiar kur nba be leŋ tan sa di muue ki gbenn.