Filipi teeb 1:27 - Yennu Gbounpaauŋ Mɔɔr

²⁷ Mɔtana, linba kpaa talas tee a yi ŋaan ki i binbeŋ sɔnu-ii tee nan Masia barŋanii nba loon lii tee biaŋinba na, ki mi-i lekii fit saan lai amii mi-i kii fit laini, ŋaan n sa gbat a i see fanu nan dudukyennkɔɔ, ki taan mɔtaauk ki yabii i mɔŋ ki barŋanii maŋ-ii saa tɔɔnn.

Yennu Gbouŋ Mɔɔr

²⁷ Tɔn, linba kpaa talas tee i ŋaan ki i binbeŋ-ii tee nan Masia barŋanii nba wann biaŋinba na, ki mi-i lekii fit baar lai, koo mi-i kii laini, ŋaan n saa gbat a i see fanu nan dudukyennkɔɔ, ki taa mɔb ki yiab i mɔŋ ki barŋanii maŋ saa tɔɔnn.

Filipi teeb 1:27 ပူးပေါင်းရင်းမြစ်များ

Matiu 12:25

Ki Yisa din bann ba dukii linba, ki betib a “Naan niib-i ŋmat kɔn ki tookit bi leebi, bi naan maŋ sa biira. Ki doyennkɔɔ niib amii ŋayeŋkɔɔ niib-i ŋmat kɔn nan leebi, li kan seti.

Toona 2:46

Daar kur bi bia lek tuu taan leebe Yennu jiantu ŋasaakak ni ki jiantir Yennu, ŋaan ji nyi ki lakint baa jedikpaguur bi mɔŋ ŋei ni, ki saa di jeet nan leeb nan parpeenn, ki ninfɔksai kaa nan bi leebi.

Toona 24:24

Ŋanne ki daa ŋaŋŋa nna tan gar, ki Fiiliks tan baar u buut boor nan u ŋaapoo Drusila, wunba din tee Juu nirɔ na, ŋaan te ki bi yiin Pɔɔl ki baar nanɔ. Ki ŋɔɔ Fiiliks gbiintir, ki Pɔɔl piak biaŋinba ki nirɔ sa teen Yisa Masia yada.

Toona 4:32

Li yoo na ki Yisaweira maŋ kura taan leeb nan dudukyent kuukɔɔ, ki chentir bi bona ki teen bi leeb. Bi sɔɔ din ki yaa a u yen siar nan u mɔŋi.

Rom Teeb 1:16

Fei ki mɔkin nan ki n mɔɔnt barŋanii maŋ, kimaan li tee Yennu paŋ nba tint wunba kur teen Yisa yada nee; sinsinn li tee Juu teeb yare, ki mun bia tee nibooru kur yar.

Rom Teeb 1:5

Ŋɔɔ paake ki Yennu ninbatinu be n paak ki te ki n tee u toomii, ki n jii u sann ki saan nibooru kur boor ni, ki te ki bi teenɔ yada ki saak u mɔb;

Rom Teeb 1:9

Yennu tee n siara daanɔ nan n ki mi nyik Yenmiaru i kura paaki. Ŋɔɔ maŋe ki n waau nan n par kura ki mɔɔntir u Bija barŋanii na, ŋɔɔe tee n siara daanɔ.

Rom Teeb 10:8

Yennu gbouŋ nba want biaŋinba na tee a “Yennu barŋanii na perawa; li be a mɔb ni nan a par ni.” Barŋanii maŋ tee yada labaar nba ki ti mɔɔntir na.

Rom Teeb 15:16

ki te ki n tee Yisa Masia toontunnɔ, a n mɔɔnt u barŋanii ki tur binba ki tee Juu teebi, a ki bi sii tee piinii ki teenɔ, ki u Seyeeŋ na sa te ki bin teen nifoŋamm ki penn u par.

Rom Teeb 15:29

N mi nan mi-i baar i boor, Masia sommir sii be ti ni bonchiann.

1 Korint teeb 1:10

N naa waas, n barimiie ti Yomdaanɔ Yisa Masia sann ni a yin taan mɔb, ki mɔniɔk daa be i sinsuuk ni, ki yii taa mɔyemmkɔɔ nan dudukyennkɔɔ.

1 Korint teeb 15:58

Li paak, n naa waas, i be man fanu ki daa baa Masiaweiu ni. Yii jii i mɔŋ kii tuun ti Yomdaanɔ toona yoo kur, kimaan i mi nan toona nba ki i tuun ki teen ti Yomdaanɔ na, li tan kan baa yanni.

2 Korint teeb 13:11

N naa waas, linba ji biar tee min chabie. Ŋammit i sɔnu man, kii saak n kpaanii man, kii mɔk mɔtaauk, nan parmaasir; ki Yennu nba loonit ki teent parmaasir na sii be nani.

2 Korint teeb 4:4

Bi ki teen Masia yada, kimaan Sintaanii nba ki tingbouŋ na niib jiantirɔ na dɔkint bi dudukite. Ŋɔɔe dɔkint bi nunii po a bi daa laat yentu nba dɔkit bi paak na. Li yentu nyi barŋanii nba want Masia paŋ na boor nie; ŋɔɔe tee Yennu naauŋ.

2 Korint teeb 9:13

Li-i tee ki i sommitib, ŋanne sa wannib nan i set gaar Masia barŋanii ki sakira, ki i nuu tian ki i chentir namm nan niib kur ya mɔk linba. Ŋanne sa te ki bin dont Yennu sann,

Galasia teeb 1:7

Nisiab be ki yabii bi mɔŋ a bin lebit Masia barŋanii na ki ŋmat i dudukit; ŋaan barmɔniie, barŋansiar ji kaa.

Efesus teeb 1:13

Ŋaan yimme mun din gbat tinnu barŋanii nba tee barmɔnii maŋ ki teen Yisa Masia niib. Ya teen Masia yada na paak ki Yennu jii u Seyeeŋ nba tee u yent dɔk na turi nan wa din lor biaŋinba na.

Efesus teeb 1:15

Li paak, yoo nba ki n din gbat ya teen ti Yomdaanɔ Yisa yada na nan ya loon Yennu niib biaŋinba na po mɔkmɔk nan dinna,

Efesus teeb 4:1

Min nba kɔɔ dansarik ti Yomdaanɔ toona paak na, n kpaaniie a yii ŋaan ki i binbeŋ-ii tee fanu kaman nan Yennu nba loon ki lii tee biaŋinba na.

Filipi teeb 1:5

kimaan ya sommitin biaŋinba barŋanii toona maŋ pinpiik niwa nan mɔtana na paak.

Filipi teeb 2:12

N naa walonkai, ma din be i boor ni ki i sak n mɔb biaŋinba na, ki mi-i lekii kaa i boor ni, li kpaa talas ki yin sak n mɔb. Yii biakii tuun i toona nan yentinu nan gbananjekint man, ki tont i tinnu,

Filipi teeb 2:24

Ti Yomdaanɔ paak, n mɔk yada nan n mɔŋ sa fit baar i boor ni mɔtana.

Filipi teeb 3:18

N poŋ din beti linba na po yoo nba gar nawa, ŋaan n bia ŋammit beerie mɔtana nan ninnyuut, nisiab be ki bi binbeŋ jiib teemm Masia dapunpunn paak kuun na dataie.

Filipi teeb 3:20

Ŋaan timm ŋanin tee Yendɔuŋ ni waase, ki jekir ki guu ti Tinntɔɔ, wunba tee ti Yomdaanɔ Yisa Masia, a wun nyi Yendɔuŋ ni baar.

Filipi teeb 4:1

Li paak, n naa waas, yimm nba ki n looni, ki loon ki n lai na, yimme te ki n mɔk parpeenn nan yuugontir. N naa walonkai, setir fanu man Yennu sɔnu ni, ti Yomdaanɔ tɔɔnn.

Kolosa teeb 1:10

ki yin fit kii be kaman nan ti Yomdaanɔ nba loon biaŋinba, ki bia fit kii tuun linba sii pent u par, ki yin fit kii tuun toonŋana kur, kii ŋammit bant Yennu.

Kolosa teeb 1:4

kimaan ti gbat ya teen Yisa Masia yada biaŋinba na, ki bia loon Yennu niib kura,

1 Tesalonika teeb 3:6

Mɔtana Timoti poŋ jenna, ki turit labaar nba penn ti para ni ki jikit saa i yada nan i loomm po. U betit a i kpan tun tian ti poe fanu, ki loon yin lat kaman nan ta loon tin lai biaŋinba na.

1 Tesalonika teeb 4:1

Ti naa waas, ya din tumii ti peŋ biaŋinba ki i sii tuun ki pent Yennu par ni na, nnee ki i poŋ din tuun. Mɔtana, ti barimiie ki kpaani ti Yomdaanɔ Yisa sann paak, yii ŋammit kii tuun nna man,

1 Timoti 1:11

ki Masia barŋanii nba wann Yennu nba ŋan bonchiann biaŋinba na mun wann nnee; ki ŋɔɔ Yennu din teen barŋanii maŋ n nuu ni ki n mɔɔntirir.

1 Timoti 1:19

ki teen barmɔnii wannu yada, kii tuun linba ki a mi nan li tee toonŋana. Nisiab ki sak nnee; li paak te ki bi yada biir gbenn.

2 Timoti 4:7

N gbaa gbigbaaŋana; n tun n toonn gbenna; n lek dia yada labaar.

Taitus 2:10

ki daa jaan bi siari. Ŋaan li kpaa talas ki bin wann bi mɔŋ nan bi be fanu nan barmɔnii yoo kura; ŋanne ki bi binbeŋ kur sa wann nan ti Tinntɔɔ Yennu wannue ŋan bonchiann.

Filemonn 1:5

kimaan n poŋ gbat fa teen ti Yomdaanɔ Yisa yada ki loon u yab kur biaŋinba.

Jeems 3:18

Binba mɔk parmaasir ki te ki parmaasir-n baar niib sinsuuk ni na, ŋamme te ki yentinu be.

2 Piita 3:11

Ki bont na kur nba tan sa di muu nna na, i dukin sɔɔ li ŋan ki yii tee niboor bee mani? Li ŋan ki yii mɔk binbenyeeŋ, kii tiin Yennu,

2 Piita 3:14

N naa walonkai, ya guu bona maŋ na paak, yii yabir i mɔŋ paak kii mɔk parmaasir, nan binbenyeeŋ, ki daa mɔk biit Yennu boori.

Juud 1:3

N walonkai, n ninbinn daan mɔnn nan ki n sɔb gbouŋ ki turi ki saan gaan tinnu nba tee ti kur yar na po; ŋaan mɔtana li ji kpaa talas ki n sɔb ki kpaani ki yin yabir i mɔŋ ki dia yada labaar nba ki Yennu din tur u niib na fanu, ŋaan daa saak ki sɔɔ-n lebitir,