Filipi teeb 1:23 - Yennu Gbounpaauŋ Mɔɔr

²³ Li bona ŋannlee nee daarin; n mantik bo loon man nyik manfosiar nba nee, ki saan kii sai be Masia boor ni, ŋanne bo sii tee linba chee ki gar.

Yennu Gbouŋ Mɔɔr

²³ Li bona ŋanlee nae daarin: n mantik bo loon man nyik manfosiar nba nae, ki saan kii sakii be Masia boor, ŋanne bo sii ŋan ki gar.

Filipi teeb 1:23 ပူးပေါင်းရင်းမြစ်များ

Barŋanii nba ki LUK din sɔb nae na 12:50

Bi sa te ki n sik nyun yiaka, ki li teenin parbiir bonchiann mɔkmɔk nan la tan sa teen ki gbenn.

Barŋanii nba ki LUK din sɔb nae na 23:43

Ki Yisa betɔ a “Barmɔniie ki n beeri, dinna min nan fin sii be Paradais ni.” ((Bi bia yi Yendɔuŋ Paradais, ki li paak tee siaminba ki parpeenn bonchiann be.))

Barŋanii nba ki LUK din sɔb nae na 8:38

ŋaan wa din yaa wun ŋmat yoonba na, ki jɔɔ nba ki narinbiit nyii u ni na barimɔ ki yeen a “Ŋaant ki min nan fin-n lakin saan.” Ŋaan ki Yisa din te ki u nyik ŋaan betɔ a,

Jɔɔnn 12:26

Daanɔ nba loon wuu tuun n toonn, see ki wuu waan, ki ma tan sii be siaminba, ki n toontunnɔ mun tan sii be leŋ. Ki bia jenna, daanɔ nba tuun n toonn, n Baa Yennu tan sa donnɔ.”

Jɔɔnn 13:1

Yoo nba ki yukitgar tiaru jaamm daa ki piin na, ki Yisa din mi nan yoo nee ki u sa nyi tingbouŋ na ni, ki ŋmat u Baa peŋ. U din loon u tiauŋ poorpoweiteeb nba be tingbouŋ na ni, ki ji yaa wun wannib biaŋinba ki u mantik loomm.

Jɔɔnn 14:3

Ki mi-i kun ki sa teen i diit na siir ki gbenn, n bia sa jenna ki tan jii-i, ki i mun tan sii be siaminba ki n tan sii be na.

Jɔɔnn 17:24

“N Baa, a turib mine, ki n loon ki bii taŋŋi be ma tan sii be siaminba, ki bin fit lian la fa dont n sann biaŋinba na, kimaan a din loonime yoo nba ki a daa din ki nan dunia na.

Toona 7:59

Bi din jaatɔe dik dik dik; ki u din tan yiin ti Yomdaanɔ a “N Yomdaanɔ Yisa, gaat n seek na;”

2 Korint teeb 5:8

Ti mɔk parcheenn ki summan tin nyi gbanant na nie ki kun ti Yomdaanɔ boor ni.

2 Korint teeb 6:12

li ki tee timm kaa ki looniini; yimme ki loon timm.

Filipi teeb 1:24

Ŋaan i paake te ki li mantik kpaa talas bonchiann nan mii be n manfoor ni.

1 Tesalonika teeb 2:1

Ti naa waas, i mɔŋ mi nan ta din baar foonti na, li tan ki teen yanni.

1 Tesalonika teeb 2:13

Linba yaa paak bia te ki ti piak Yennu yoo kura na tee nnee: ta din baar nan Yennu maan i boor ni, i din gbatir ki gaarir; i din ki gaarir kaman nan nisaarik yar na kaa, ŋaan i din gaarir kaman nan li tee Yennu yare. Ki li set tee ŋanne, kimaan yimm nba teenɔ yada na, maan maŋ tuun i para ni.

1 Tesalonika teeb 4:17

li yoo, damm nba tan sii be bi manfoa ni na nan ŋamm tan sa chet ti Yomdaanɔ sanpaapo; ki timm nan ti Yomdaanɔ ji tan sa taan leeb ki be nan yoo nba kaa gbennu.

2 Timoti 4:6

Kimaan min ŋanin, yoo baar na nan man lu n miar na; yoo baar nan man nyi tingbouŋ na niwa.

Fiitu 14:13

Ki n bia gbat kunkɔr ki li nyii Yendɔuŋ ni ki yeen a n sɔb maan na, a “Mɔtana ki jikit saa, parpeenn be damm nba kpo ti Yomdaanɔ sɔnu ni na paak.” Ki Yennu Seyeeŋ na sak a “Mɔmɔmm, bi sa la foon bi toongbeŋŋa paak, kimaan bi toona nyɔɔt nee waab.”