Filipi teeb 1:17 - Yennu Gbounpaauŋ Mɔɔr

¹⁷ Nisiab ki mɔɔntir Masia po nan bi para kuri, ŋaan bi tuun nan funfunne; bi dukii nan bi sa pukin mine fara yoo nba ki n daa be dansarik nna.

Yennu Gbouŋ Mɔɔr

¹⁷ Nisiab ki mɔɔntir Masia po nan bi para, ŋaan bi tuun nan funfunne; ki dukii nan bi pukii mine biak, yoo nba ki n daa be dansarik ni na.

Filipi teeb 1:17 ပူးပေါင်းရင်းမြစ်များ

Barŋanii nba ki LUK din sɔb nae na 21:14

Li paak, i tan soor i mɔŋ man ki daa te ki li daamiini nan ya sa pak jiin biaŋinba buut maŋ yoo,

Toona 22:1

“Chanbaanba nan n naa waas, gbiintir man maan nba ki n yaa n pak ki turi na.”

Toona 26:1

Li yoo na ki Bat Agripa yet Pɔɔl a “N chaba mɔb. Pakin nyinn a mɔŋ.” Ki Pɔɔl donn u nuu sanpaapo a wun pak ki nyinn u mɔŋ, ki yet a

Toona 26:24

Pɔɔl nba din piak a wun nyinn u mɔŋ na, ŋanne ki Festus tian u paak ŋaan yet a “Pɔɔl, a waata! A bannchiauŋ paake te ki a waat.”

Rom Teeb 2:8

Ŋaan binba mɔk kunkɔna, ki ki sak linba tee barmɔnii na, ŋaan tuun toonbiit, Yennu wutoor sa do bi paak.

Filipi teeb 1:18

Ŋaan ŋann ki biiri. N mɔk parpeenn li paak, ŋamme sa fit ki mɔɔnt Masia maan maŋ sɔnbooru nba kur ni; bi-i mɔɔntir bi dudukŋant ni amii bi dudukbiit ni, min lek bia sii mɔk parpeenn li paak,

Filipi teeb 1:7

N yan be i ni. Ki mi-i dukii i po nna, li set ŋan, kimaan la nyii yoo nba ki n din be n yama ni ki gbaa barŋanii maŋ paak ma n sennir nawa, ki tan baar yoo nba ki n ji kɔɔ dansarik na, i kura mun lek mɔk li yaak booru nba ki Yennu turin na.

Filipi teeb 2:3

I daa tuun bonsiar ki li nyi i funfunn nan i karinbaanii loomm ni, ŋaan yii be soonna nan i leeb man, kii dukii i leeb po ki gar ya dukii i mɔŋ po biaŋinba.

1 Timoti 2:7

Li paak ki Yennu gannin ki n teen Masia toomii ki mɔɔntir barŋanii maŋ ki teen binba ki tee Juu teeb na, ki wannib ŋɔɔ Masia maan nba tee barmɔnii na, a bin teenɔ yada. Ma beeri linba na, n ki fa faak kaa, li tee barmɔniie.

2 Timoti 2:9

barŋanii maŋ paak, ki n be nan jarit ki di fara kaman nan biitdaanɔ na; Yennu barii maŋ ŋanin ki be jarit ni.

2 Timoti 4:16

Ma daan kɔn n mɔŋ paak sinsinn na, sɔɔ ki set n poorpo; bi kur nyikima; Yennu daa teemm biit li paaki.