Filipi teeb 1:15 - Yennu Gbounpaauŋ Mɔɔr

¹⁵ Ŋaan siab mɔɔntir Masia maan maŋ kimaan bi tee punpondamm nan kunkɔnkɔnnae, ŋaan ki siab mun mɔɔntir nan bi para ni nan barmɔnii loomm.

Yennu Gbouŋ Mɔɔr

¹⁵ Siab mɔɔntir Masia maan maŋ kimaan bi tee punpondamm nan kunkɔnkɔnnae, ŋaan ki siab mun mɔɔntir nan barmɔnii lomm.

Filipi teeb 1:15 ပူးပေါင်းရင်းမြစ်များ

Matiu 23:5

Linba kur ki bi tuun na, bi tuun a niib-n la ki pakibe. Gotir ba jii Yennu sennu waaminna nba sɔb gbanbis paak na ki lor lor bi gbanant paak ki li gbeŋ gbeŋ biaŋinba; bia gotir bi liatbaant mɔgbana nba fɔk fɔk ki yarin yarin biaŋinba.

Toona 10:36

I mi nan Yennu din tur Israel teeb u maan nba want barŋanii na po, a Yisa Masia nie ki timm nan Yennu maŋ nan leeb; ŋɔɔ Yisa Masiae tee ti kur Yomdaanɔ.

Toona 11:20

Ŋaan Yisaweira siab nba din tee Saiprus teeb, nan Sairene teeb na, saan Antiok, ki saa mɔɔntir ti Yomdaanɔ Yisa barŋanii ki teen binba ki tee Juu teebi;

Toona 5:42

Ki daar kur ki bi saa Yennu jiantu ŋasaakak ni, ŋaan bia lin niib ŋei ni, ki want niib a Yisa tee Yennu Niganntɔɔ Masiae, ki bia mɔɔntir u barŋanii na, ki ki nyikiti.

Toona 8:35

Ki Filip piin siaminba ki jatɔɔkir maŋ karin na ki saa, ki piak Yisa barŋanii.

Toona 8:5

ki Filip nyii ki sik Samaria doo ni, ki saa mɔɔnt Yennu Niganntɔɔ Masia po ki tur leŋ niib.

Toona 9:20

ki din saan yiama Yenjiantu diit ni, ki mɔɔntir Yisa po, a Yisa kpan set tee Yennu Bijae.

Rom Teeb 2:8

Ŋaan binba mɔk kunkɔna, ki ki sak linba tee barmɔnii na, ŋaan tuun toonbiit, Yennu wutoor sa do bi paak.

1 Korint teeb 1:23

timm ŋanin mɔɔntir ki wantib biaŋinba ki Masia kpo dapunpunn paak nee, ki maan maŋ dont Juu teeb wutoa, ki bia tee jatmaan ki teen binba ki tee Juu teebi.

1 Korint teeb 13:3

Mi-i jii n mɔkint kur ki tur tatimm, ki lek jii n gbanant chab ki bi joo muu gbaa Masia paak, ŋaan ki ki mɔk loommi, n ki mɔk nyɔɔti.

2 Korint teeb 1:19

Kimaan Yisa Masia nba tee Yennu Bija na, wunba ki min nan Sailas nan Timoti din mɔɔnt u po ki turi na, u ki tee “Nn” nan “Aaii” kaa, ŋaan u mɔlora kur ni tee “Mme.”

2 Korint teeb 11:13

Li nibooru kpanniie a bi tee Masia toomiinba, ŋaan bi ki tee u toomiinba kaa. Ba tuun biaŋinba na, bi kpanniie.

2 Korint teeb 12:20

N yan put i paake nan ma tan sa baar i boor ni ki kan lai ki i be kaman nan ma loon yii be biaŋinba na; ki i mun kan la min ki n be kaman nan ya loon mii be biaŋinba na: n mɔk jijeet nan n sa lai ki i kɔn nan i leeb, ki mɔk funfunn nan i leeb, ki dont wutoor i leeb paak, ki lukitir i leeb, ki sukii i leeb, ki biir i leeb, ki mɔk karinbaanii, ki tee kpirkpir;

2 Korint teeb 4:5

Ti ki mɔɔntir ti mɔŋ mɔŋ po kaa, ŋaan ti mɔɔntir Yisa Masia poe, a ŋɔɔe tee ti Yomdaanɔ na, ŋaan want nan timme tee u toontunna ki teeni, u sann paak.

Galasia teeb 2:4

Binba be ki fa faak bi mɔŋ paak a bi mun tee Masiaweira na ŋanin din loon ki Taitus-n tun nnawa. Li niib din kɔɔ ti sinsuuk ni woonin ni, a bin bann ta mɔk yentinmɔŋ nba Yisa Masia ni na. Bi loon tii tee Moses sennu daabae,

Filipi teeb 2:3

I daa tuun bonsiar ki li nyi i funfunn nan i karinbaanii loomm ni, ŋaan yii be soonna nan i leeb man, kii dukii i leeb po ki gar ya dukii i mɔŋ po biaŋinba.

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.