Filipi teeb 1:13 - Yennu Gbounpaauŋ Mɔɔr

¹³ Li paak, kpanbar gbanjot nan nileeb nba be nna na kur bann nan ma tee Masia toontunnɔ na paake ki n kɔɔ dansarik na.

Yennu Gbouŋ Mɔɔr

¹³ Li paak, kpanbar gbanjot nan nileeb nba be nna na kur bann nan maa tee Masia toontunnɔ na paake ki n be dansarik ni na.

Filipi teeb 1:13 ပူးပေါင်းရင်းမြစ်များ

Toona 26:29

Ki Pɔɔl jiin a “N pinpauk-i fɔk amii la ki fɔki, min yaa Yenmiaru tee ki fin nan niib kura nba gbiintir n maan na dinna na, see ki fin nan ŋamm-n teen Yisaweira kaman nan ma tee biaŋinba na, ŋaan jarit nba na kuukɔɔe ki i kii mɔki.”

Toona 26:31

Ba yaa bin jii yat yoonba, ki bi ji beer bi leeb a “Jɔɔ na taan ki tun biit ki li ŋan nan bin kpiu, amii ki kɔɔnɔ dansariki.”

Toona 28:17

Tɔn, li daa ŋanntaa daare ki Pɔɔl yiin Juu teeb yudamm lakinu. Ba tikir leeb yoonba, ki u yetib a “N naa waas, n lek ki tun bonbisiar ki biir ti niib amii ti yejamm sennu, ŋaan bi din soorin ki kɔɔnin dansarik Jerusaleme, ŋaan jiin ki kubinin Rom teeb nuu ni.

Toona 28:20

“Li paake te ki n yiini ma n tan lai ŋaan beti labaar na po. Ma mɔɔntir Yennu Niganntɔɔ po na, wunba ki Juu teeb daan dindann na poe, ŋanne te ki bi baanin jarit na.”

Toona 28:30

Pɔɔl nba din be ŋaak nba na ni, u din pa likirii ŋaak maŋ paak, ŋaan din be leŋ bina ŋannlee. Nirɔ nba kur tan baar u boor, u tuu gaarɔ bonŋann.

Efesus teeb 3:1

Linba na paake te ki min Pɔɔl wunba kɔɔ dansarik Yisa Masia toona paak na, n lek mei Yennu yimm nba ki tee Juu teeb na paak.

Efesus teeb 4:1

Min nba kɔɔ dansarik ti Yomdaanɔ toona paak na, n kpaaniie a yii ŋaan ki i binbeŋ-ii tee fanu kaman nan Yennu nba loon ki lii tee biaŋinba na.

Efesus teeb 6:20

kimaan li paake ki n tee toomii ki kɔɔ dansarik ni. Yii mei Yennu ki turin ki man mɔn barŋanii maŋ nan parcheenn kaman nan la kpaa talas nan man pak biaŋinba na.

Filipi teeb 1:30

ki gbaa kaman nan ya poŋ din la ma lek gbaa biaŋinba na, ki mɔtana i bia gbat nan n daa gbaa nna.

Filipi teeb 1:7

N yan be i ni. Ki mi-i dukii i po nna, li set ŋan, kimaan la nyii yoo nba ki n din be n yama ni ki gbaa barŋanii maŋ paak ma n sennir nawa, ki tan baar yoo nba ki n ji kɔɔ dansarik na, i kura mun lek mɔk li yaak booru nba ki Yennu turin na.

Filipi teeb 4:22

U popeendamm na kur foonti, ki mantik tee binba tee Kpanbar Siisa ŋaak toontunna na.

2 Timoti 2:9

barŋanii maŋ paak, ki n be nan jarit ki di fara kaman nan biitdaanɔ na; Yennu barii maŋ ŋanin ki be jarit ni.