Efesus teeb 5:3 - Yennu Gbounpaauŋ Mɔɔr

³ Ya tee Yennu waas na paak, li poŋ ki ŋan niib-ii gbia bonchonchonn toona barii, amii jakint barii, amii nianchiauŋ barii i sinsuuk ni.

Yennu Gbouŋ Mɔɔr

³ Yaa tee Yennu waas na paak, li poŋ ki ŋan nan bonchonchonsin, koo jakint toona, koo nianchiɔŋ toona-ii be i sinsuuk ni.

Efesus teeb 5:3 ပူးပေါင်းရင်းမြစ်များ

Matiu 15:19

Kimaan nirɔ par nie ki dudukbiit nyi, nan nikpinu, nan bonchonchonn toona, nan nanyukin, nan faak siara, nan sanjaauŋ.

Barŋanii nba ki LUK din sɔb nae na 12:15

Ŋanne ki Yisa ŋamm pak nibur na a “I mi man mɔkint loomm po. Mɔkint bonchiann kaa sa te ki nirɔ-ii mɔk manfoori.”

Barŋanii nba ki LUK din sɔb nae na 16:14

Yoo nba ki Farisiinba din gbat linba na, ki bi ji din daan Yisa nyatuk, kimaan bi din tee liklonnae.

Toona 15:20

Ki la sii tee biaŋinba, li ŋan ki tin sɔb gbouŋo, ki betib ki bi daa di linba ki bi poŋ mann pata, ŋaan betib ki bii so bi mɔŋ nan bonchonchonn toona, ki bia daa ŋman bonkobuk nba ki bi ŋmakir kpii, ki bia daa di sɔmi.

Toona 20:33

I mɔŋ bia mi nan n ki nian sɔɔ likirii amii tiati.

Rom Teeb 1:29

Ki biit kur din be bi ni, ki bi gbee nan biit nan nianchiauŋ nan yanbɔmm nan funfunbiit nan nikpinu nan kunkɔna nan fai nan dudukbiit, ki bia tee sanjanjanna;

Rom Teeb 16:2

yin gaarɔ ti Yomdaanɔ Masia sann paak kaman nan Yennu niib nba bo sii gaan bi leeb biaŋinba na, ki sommɔ wa loon linba i boor, kimaan u mun tuu sommit niib bonchiann, nan n mɔŋ gbaa.

Rom Teeb 6:13

Daa teen i gbanant siar po yaak ki li tuun toonbiit, ŋaan jii i mɔŋ ki tur Yennu, ŋaan kii tee kaman nan i nyii kuun nie ki kɔɔ manfoor ni na; jiin i mɔŋ kur ki tur Yennu ki wun jii-i ki tun yentinu toona.

1 Korint teeb 10:8

Ti daa tuun bonchonchonsin kaman nan bi siab nba din tuu tuun, ki dayennkɔɔ ki niib tusa piinnlee nan ŋanntaa kpo.

1 Korint teeb 5:1

Li set tee mɔniie ki bi yeen a bonchonchonsin be i sinsuuk ni, linba ki binba ki waa Yisa Masia na mɔŋ kan tumi. N gbat a sɔɔ be i sinsuuk ni ki dɔɔ nan u baa poo;

1 Korint teeb 6:13

I siab yeen a “Jeet tee poor yare, ki poor mun tee jeet yar.” Mɔniie; ŋaan Yennu sa gɔɔr li ŋannlee na kur. Yennu ki nan ti gbanant a ti jiir kii chommi, ŋaan a ti jiir ki lii tee ti Yomdaanɔ yar. Ti Yomdaanɔe yen ti gbanant na.

1 Korint teeb 6:18

Yi nyinn i mɔŋ man bonchonchonsin ni. Toonbiit kur nba biar, li ki tuun gbanant ni; ŋaan wunba chomm ŋanin biir u mɔŋ gbanante.

2 Korint teeb 12:21

n bia mɔk jijeet nan Yennu sa te ki n di fei i paak; ki n par sa biir i siab bonchiann paak, kimaan bi poŋ tun toonbiit, nan jakint toona, nan bonchonchonn toona, ki ji ki tiin fei, ki bia ki nyik bi biit maŋi.

Efesus teeb 5:12

Linba ki bi tuun bunbɔnn ni na mɔk fei bonchiann gbaa nan tii piak li po.

Efesus teeb 5:5

Li ŋan yii mi nan wunba tee bonchonchonn amii jakint daanɔ amii nianchiauŋ daanɔ, ŋamme kan la yiar Masia nan Yennu naan ni; ki nianchiauŋ tee kaman nan patmannu nee.

Filipi teeb 1:27

Mɔtana, linba kpaa talas tee a yi ŋaan ki i binbeŋ sɔnu-ii tee nan Masia barŋanii nba loon lii tee biaŋinba na, ki mi-i lekii fit saan lai amii mi-i kii fit laini, ŋaan n sa gbat a i see fanu nan dudukyennkɔɔ, ki taan mɔtaauk ki yabii i mɔŋ ki barŋanii maŋ-ii saa tɔɔnn.

Kolosa teeb 3:5

Li paak, yi nyik tingbouŋ na ni niauŋ nba tuun toona i ni na; li yenninbae tee bonchonchonsin, nan linba tee jakint toona, nan kunkɔmaasu, nan nianbiiuk, nan nianchiauŋ, linba tee patmannu booru.

1 Tesalonika teeb 4:3

Kimaan Yennu loon ki yii tee popeendamm ki daa tuun bonchonchonn toona.

1 Tesalonika teeb 4:7

Yennu ki yiint a tii tee biitdamm kaa, ŋaan u yaa tii tee popeendamme.

1 Timoti 2:10

linba sa turib fant tee binbenŋaŋ kaman nan pooyentina nba bo sii be biaŋinba na.

1 Timoti 3:3

ki daa nyu daan ki yibi, ki daa loon fuut nan kunkɔna, ŋaan kii be soonna nan parmaasir, ki daa loon likirii bonchianni.

1 Timoti 6:10

kimaan likirii loomme tee bonbiir kur jiinn. Nisiab poŋ jii bi mɔŋ ki teen likiloonbiiuk na ni; li paak, ki bi ji ki teen Masia yada. Ŋanne te ki bi laat parbibooru booru.

2 Timoti 3:2

Niib tan sii tee jawudamme, nan likilonna, nan karinbaanii damm, nan garukdamm, nan binba sukii niib, nan binba ki saak bi damm mɔi, nan binba ki tian ŋamm po, nan binba ki tiin Yennu;

Taitus 1:11

Li kpaa talas ki fin gɔɔr bi barii, kimaan bi likilonbiiuk paak ki bi lin want niib linba ki ŋan nan bii want, ki ŋmat ŋasai niib kur dudukit.

Taitus 1:7

kimaan Masiaweira yudaanɔ yen Yennu toona; li paak, li kpaa talas ki u daa mɔk biiti; u daa tee bongann, amii wunba dont wutoor yann yanni, amii wunba nyu daan ki yibi, amii wunba loon kunkɔna, amii wunba mantik mɔk likilonchiauŋi.

Taitus 2:3

A bia kpaan poosaakab ki bii tee popeendamm. Bi daa tee sanjanjanna, ki daa nyu daan ki yibi. Li kpaa talas ki bii want linba ŋan,

Hiibru teeb 12:16

I sɔɔ daa tuun bonchonchonn toona amii ki gorii Yennu barii yann kaman nan Esɔ wunba din jii u saakatuk ki daa jeet ki dii taar yomm na.

1 Piita 5:2

n kpaaniie, yii guu Yennu niib nba be i nuu ni na, ki li daa tee miar kaa, ŋaan ki lii tee i yanbɔɔte, Yennu nba loon biaŋinba; ki li bia daa tee likirii paaki; ŋaan ki lii tee i kpan koor a i tume.

2 Piita 2:10

Niib nba waa bi gbanant loonbiit ki tuun bonchonchonn toona, ki sian yudamm, Yennu tan sa dat li damm tuba ki gar wa tan sa dat nileeb tuba biaŋinba nawa. Faak wannteeb maŋ nba be i sinsuuk ni na, bi tee tubkangbata damme, bi ki tiin sɔɔ. Bi sukii malakanbae ki ki mɔk jaŋmaanii.

2 Piita 2:14

Bi-i la poochonchonn, bi ki nyikit u bandakiri, ki bia kan nyik bi biiti. Bi kpann niib nba ki mi Yennu sɔnu fanue ki boontib. Bi para ni, bi tumii nianchiauŋo, ki te ki Yennu mɔtomm be bi paak.

2 Piita 2:3

Bi sii mɔk nianchiauŋ, ki sii kpanni ki ŋmabi. Yoo nba din gar na Yennu poŋ din yet a bi tee biitdamme, ŋaan li ji kan yukir ki u sa dat bi tuba.

Fiitu 2:14

Ŋaan mɔmɔmm, i mɔk biit ŋannlee nnae ki n sa wanni: siab be i sinsuuk ni ki dia Balaam sennu; ŋɔɔe din wann Balak wa sa teen biaŋinba ki te ki Israel teeb-n tun biit na. U din te ki bi dii pata nant, ki bia te ki bi chomm nan leeb.

Fiitu 2:21

N turɔ yoo a wun lebit u binbeŋ na, ŋaan ki u ki saak a wun nyik u chonchonsin na.

Fiitu 21:8

Ŋaan jaŋmaanii damm, nan yadakanpɔɔna damm, nan biitdamm, nan nikpiirit, nan joonbaarit, nan jabaabura, nan patjiantdamm, nan fai damm kur, bi binbeboor tee bootuk nba gbee nan muu ki sarwuutaa di nann nee; ŋanne tee kuun munnlee na.”

Fiitu 22:15

Ki nibiit, nan binba dia jabaat na ki bu ki kpann niib, nan binba tuun jakint toona na, nan nikpiira, nan patjiantdamm, nan binba tee fai damm ki kpann niib na, bi kur tan sii be doo maŋ nanyer poe.

Fiitu 9:21

Niib maŋ bia ki nyik bi nikpinu, nan bi jabaa bunu, nan bi bonchonchonn toona, nan bi nanyuk toona.