Efesus teeb 4:3 - Yennu Gbounpaauŋ Mɔɔr

³ Yennu Seyeeŋ nba din turi mɔtaauk nba na, yi yabir i mɔŋ kii be nan parmaasir.

Yennu Gbouŋ Mɔɔr

³ Yennu Seyeeŋ nba teeni mɔtaauk nba na, ii yabir i mɔŋ kii diar nan parmaasir nba taani na.

Efesus teeb 4:3 ပူးပေါင်းရင်းမြစ်များ

Barŋanii nba ki MAK din sɔb nae na 3:24

Naan niib-i ŋmat ki kɔn tookit bi leebi, bi naan maŋ kan fit seti.

Jɔɔnn 13:34

“Mɔtana n teenii sennpaanue; a yii loon i leeb man. Ma looni biaŋinba na, yii mun-ii loon i leeb nna.

1 Korint teeb 1:10

N naa waas, n barimiie ti Yomdaanɔ Yisa Masia sann ni a yin taan mɔb, ki mɔniɔk daa be i sinsuuk ni, ki yii taa mɔyemmkɔɔ nan dudukyennkɔɔ.

2 Korint teeb 13:11

N naa waas, linba ji biar tee min chabie. Ŋammit i sɔnu man, kii saak n kpaanii man, kii mɔk mɔtaauk, nan parmaasir; ki Yennu nba loonit ki teent parmaasir na sii be nani.

Efesus teeb 4:13

Li paak, ti sa taan teen Yennu Bija yada ki bannɔ, kii tee niib nba yaa binbeŋ ŋan ki jaŋ nan ŋɔɔ Masia yar na.

Efesus teeb 4:4

Masia niib tee gbananyenn, ki Yennu Seyeeŋ yenɔkɔɔe be, ki Yennu tinni ki turi dindann yennkɔɔ. Yomdaan-yenɔkɔɔe be, ki ti taan teenɔ yada, ki Yennu nyunwuru mun tee yennkɔɔ.

1 Tesalonika teeb 5:13

Yii teemm nibaakir nan loomm nba yab, kimaan bi toona nba ki bi tuun na paak. I mɔŋ-ii be nan i leeb nan parmaasir man.

Hiibru teeb 12:14

Yabit kii mɔk parmaasir i leeb sinsuuk ni, kii mɔk binbenyeeŋ, kimaan sɔɔ-i kii mɔk ŋann, li yɔɔ tan kan la ti Yomdaanɔ.