Efesus teeb 2:3 - Yennu Gbounpaauŋ Mɔɔr

³ Barmɔnii, ti kura mun din naan kaman nan li nibooru nee, ki waa ti gbanant niauŋ, ki tuun ti gbanant nan ti dudukit loomm. Timm nan ŋamm toona din baat nan Yennu wutoore ti kura paak.

Yennu Gbouŋ Mɔɔr

³ Barmɔnii, ti kura mun din naan nan li nibooru nae, ki waa ti gbanant niɔŋ, ki tuun ti gbanant nan ti dudukit loomm. Timm nan ŋamm toona din baat nan Yennu wutoore ti kura paak.

Efesus teeb 2:3 ပူးပေါင်းရင်းမြစ်များ

Barŋanii nba ki MAK din sɔb nae na 4:19

ŋaan tingbouŋ na fara, nan mɔkint loomm, nan bonbooru booru loomm tuu kɔɔ ki nyakin maan maŋ ki li kan nami.

Jɔɔnn 1:13

Ba din teen Yennu waas na, ki Yennu ji turib u manfopaann. Li ki tee nisaarii kaa din turib li manfoor ba din marib yoonba na, ŋaan li din tee Yennue.

Jɔɔnn 8:44

I tee i baa Sintaanii waase, ki loon ki i tuun i baa maŋ yanbɔɔtoona. Sinsinn u poŋ din tee nikpiiruko, ki bia fɔk nan barmɔnii, kimaan barmɔnii kaa u ni nan waama. U-i faar faak yoonba, li poŋ tee u toonkpere, kimaan wa tee faak daanɔ na. Fai kur nyi u boore.

Toona 14:16

Yaayoo niewa ki u din ŋaan ki nibooru kur din tuun bi yama ni mɔkmɔk nan mɔtana,

Rom Teeb 1:24

Li paak, ki Yennu nyikib, ki bi tuun toonbiit nba ki bi para loon, ki bi dint bi mɔŋ fei bi gbanant toona ni nan bi leeb.

Rom Teeb 11:30

Yimm nba ki tee Juu teeb na, i din ki sak Yennu mɔb; ki mɔtana ki u ji tini ninbaauk, kimaan Juu teeb nba ki sakɔ na.

Rom Teeb 13:14

Yii tee man kaman nan ti Yomdaanɔ Yisa Masia nba tee biaŋinba na, ŋaan nyik i gbanant loonbiit, ki daa dukii li po jiki.

Rom Teeb 2:14

Binba ki tee Juu teeb na, bi ki mɔk sennu na, ŋaan bi-i tuun sennu na nba wann biaŋinba nan bi tiauŋ yamie, bi mɔk bi tiauŋ sennu bi para ni, nan ba lek ki mɔk sennu maŋ na.

Rom Teeb 5:10

Ti din tuu tee Yennu dataie, ŋaan mɔtana jik u teent u yɔɔsinbae kimaan u Bija nba din kpo na sɔn paak, ki ta tee u yɔɔs na, birsuk ji kaa nan u sa tinnit u manfoor paaki.

Rom Teeb 5:9

U sɔn paak, ki Yennu yet a ti tee niŋamme; li paak mun u kpan sa nyinnit tubdatu nba baat ti paak na ni.

Rom Teeb 6:12

Li paak, i daa te ki biit-n yent i gbanant ki te ki i tuun biit loommu.

Rom Teeb 7:18

N mi nan bonŋansiar kaa n par ni; n loon ki n tun linba ŋan, ŋaan n kan fit ki tuumiri;

Rom Teeb 9:22

Nnee ki Yennu tun ki loon wun wann u wutoor ki niib kura-n bann u paŋ. Li paak ki u mɔk mintir nan binba ki u wutoor sa baar bi paak ki li bo jaŋ nan wun biirib na;

1 Korint teeb 4:7

Ŋmee tura saakatuk a leeb ni? Yennu kaa tura linba kur ki a mɔk na-aa? ki bee teen ki a dont a mɔŋ, ki li tee nan linba ki a mɔk maŋ ki tee piinii kaa na?

2 Korint teeb 7:1

N naa walonkai, Yennu nba senn mɔsona ki turit na paak, yi ŋaan ki ti nyik linba kur tee toonbiit, nan linba kur tee dudukbiit, ŋaan tiin Yennu, kii tee popeendamm nan barmɔnii.

Galasia teeb 3:22

Ŋaan li sɔb Yennu gbouŋ ni a sɔɔ kur saaka mɔk biite, a Yennu-n tur binba teen Yisa Masia yada na piinii nba ki u din senn mɔsonn a u sa turib na; bi yada maŋ paake ki u sa turib.

Efesus teeb 2:2

I din waa tingbouŋ na narinbiit sɔnue ki sak tingbouŋ na bat Sintaanii nba dia niib nba ki saak Yennu mɔb na.

Efesus teeb 4:22

Li paak, yabit i mɔŋ man ki nyann niauŋ nba be i binbekperik nba na ni.

Kolosa teeb 1:21

Sianyoo, i dudukbiit nan i toonbiit din te ki i tee Yennu dataie, ki fɔk nanɔ,

1 Tesalonika teeb 4:13

Ti naa waas, ti loon ki yin bann barmɔniie ki jikit saa Masiaweira nba kpo na po, ki daa mɔk parbiir kaman nan binba ki mɔk dindann na.

1 Tesalonika teeb 5:6

Li paak, ti daa dɔɔ gɔɔnt kaman nan nisiab nba tuun biaŋinba na, ŋaan tii nyɔi kii sub man,

1 Timoti 6:9

ŋaan binba loon bii tee mɔkita, ŋamme baa jinjammii ni, nan barit ni, nan jatii nan pobiir nba biir niib ki baantib yann na ni,

Taitus 3:3

kimaan sianyoo ti mɔŋ din ki mɔk yami, ti din tee mɔyêtdamme, ki waa sɔnu nba ki tooki, ki waa nianbiit sɔnbooru booru. Ti din tuu ki mi dudukit nba ŋan; ti din tee funfunn damme, ki din nan ti leebe ki bi mun namit.

1 Piita 1:14

I sak Yennu mɔb man, ki ji daa waa loonbiit nba ki i din waa yoo nba ki i din ki mi Yisa Masia na.

2 Piita 2:14

Bi-i la poochonchonn, bi ki nyikit u bandakiri, ki bia kan nyik bi biiti. Bi kpann niib nba ki mi Yennu sɔnu fanue ki boontib. Bi para ni, bi tumii nianchiauŋo, ki te ki Yennu mɔtomm be bi paak.

2 Piita 2:18

Bi piak karinbaanii barii nba ki mɔk nyɔɔte a bin kpann niib nba yabit bi mɔŋ a bin nyik biitdamm, ki kpannib a bii tuun gbanant loonbiit kii tuun bonchonchonn toona,

1 Jɔɔnn 2:16

Niib mɔk niauŋ nan bin tun bi mɔŋ loomm, ki bia nian bona nba ki bi laat na paak, ki bia mɔk parbifaant, ŋaan linba na kur lek tee tingbouŋ na ŋaateeb niauŋo; li ki nyii ti Baa Yennu boor ni kaa.

1 Jɔɔnn 2:8

Ŋaan mɔtana li bia daa tee kaman nan sennpaann nee ki n sɔbin ki teeni, kimaan yoo kpintire, ki bunbɔnn yentir, ki niib nunii po piint yentir nan Yisa barŋanii. Sennu nee ki Yisa binbeŋ ni din want nan mɔnii, ki i binbeŋ ni mun bia want nnee.