Efesus teeb 2:2 - Yennu Gbounpaauŋ Mɔɔr

² I din waa tingbouŋ na narinbiit sɔnue ki sak tingbouŋ na bat Sintaanii nba dia niib nba ki saak Yennu mɔb na.

Yennu Gbouŋ Mɔɔr

² I din waa tingbouŋ na biit sɔnue, ki sak Sintaanii nba dia narinbiit nba bi sanpaapo, nan niib nba ki saak Yennu mɔb na.

Efesus teeb 2:2 ပူးပေါင်းရင်းမြစ်များ

Matiu 11:19

ki min nisaarik Bik mun tan baar ki di ki nyu, ŋaan ki i bia yaa a ‘Gotir jɔɔ na! u tee podaanɔ nan danyuruko, u bia tee lampogaarteeb nan biitdamm yɔɔke.’ Tɔn, Yennu nba tuun biaŋinbae want nan u mɔk yan nba ŋan.”

Matiu 13:22

Bonboorii nba baa kunkonii ni na mun tee kaman nan wunba gbat Yennu maan na, ŋaan ki tingbouŋ na fara nan mɔkint loomm nyakin maan maŋ u par ni, ki li kan nami.

Matiu 13:38

Tingbouŋ nae tee kpaab na; ki diboorŋanii na tee Yennu naan ni niib; ŋaan ki dinatimii na mun tee Sintaanii niib.

Barŋanii nba ki MAK din sɔb nae na 4:19

ŋaan tingbouŋ na fara, nan mɔkint loomm, nan bonbooru booru loomm tuu kɔɔ ki nyakin maan maŋ ki li kan nami.

Barŋanii nba ki LUK din sɔb nae na 16:8

Tɔn, yoo nba ki chanbaa na gbat u karachi fobidiirɔ na nba tun biaŋinba na, ki u pakɔ, a u tun nan yame.” Ki Yisa ŋamm yetib a “Binba waa tingbouŋ na sɔnue mɔk yan bi mɔŋ niib sinsuuk ni ki gar binba waa yentu sɔnu nba mɔk biaŋinba.

Barŋanii nba ki LUK din sɔb nae na 22:31

Ki Yisa yet Simon Piita a “Simon, Simon, gbiintir, Sintaanii barin a wun la yaak nba ki u sa bikin i kur ki lenni kaman nan dii nba ki bi tuu leenn fouŋ na, ki laan i tee dii amii fouŋo.

Jɔɔnn 12:31

Yoo nba ki Yennu yaa wun tan bu tingbouŋ na ŋaateeb buut na, li yoo baat; ki u bia sa biir tingbouŋ na yudaanɔ Sintaanii paŋ.

Jɔɔnn 13:2

Li yoo na ki ŋɔɔ nan u poorpoweiteeb din di jeet; ki Sintaanii poŋ din dɔŋ ki te ki Judas Iskariot wunba tee Simon bik na dukin a u sa nyi Yisa poor.

Jɔɔnn 13:27

Judas nba din gaar boroboro maŋ yoonba na, ki Sintaanii kɔɔ u ni. Ki Yisa ji betɔ, “Teent fa yaa a teen linba yian yian.”

Jɔɔnn 14:30

N kan pak nani ki yukiri, kimaan tingbouŋ na yudaanɔ Sintaanii baat, ŋaan u ki mɔk n yaaki.

Jɔɔnn 15:19

Li-i bo-i tee ki i tee tingbouŋ na ŋaaniibie, tingbouŋ na ŋaateeb bo sii looni kaman nan ba loon bi mɔŋ niib biaŋinba nee. Ŋaan n ganni ki nyinni tingbouŋ na niib niwa, ki i ji ki tee tingbouŋ na ŋaateeb yabi; li paake teen ki bi nami.

Jɔɔnn 16:11

Ki bia jenna, u sa wannib Yennu barbuut nba tan sii tee biaŋinba, kimaan u poŋ bu tingbouŋ na teeb yudaanɔ Sintaanii buut ki biirɔwa.

Jɔɔnn 7:7

kimaan tingbouŋ na ŋaateeb ki namiini, ŋaan min ŋarin bi namin, kimaan ma beerib a bi sɔnii ki ŋan na paak.

Jɔɔnn 8:23

Ki Yisa jiin a “Yimm tee tiŋ nna yabe, ŋaan min tee sanpaapo yɔɔe; yimm nyii tingbouŋ na nie, ŋaan min ki nyii tingbouŋ na ni kaa.

Jɔɔnn 8:44

I tee i baa Sintaanii waase, ki loon ki i tuun i baa maŋ yanbɔɔtoona. Sinsinn u poŋ din tee nikpiiruko, ki bia fɔk nan barmɔnii, kimaan barmɔnii kaa u ni nan waama. U-i faar faak yoonba, li poŋ tee u toonkpere, kimaan wa tee faak daanɔ na. Fai kur nyi u boore.

Toona 19:35

Li joontu ki doo maŋ saakɔɔ te ki nibur na ŋmin, ŋaan ki u betib a “Yimm Efesus teeb, sɔɔ kaa tingbouŋ na ni ki ki mi nan Efesus teebe guu ki gorii yabint Diana pochianfeeki, ŋaan mun guu ki gorii tanŋann nba nyii sanpaapo ki tan baa na.

Toona 5:3

Ki Piita boiɔ a “Ananias, bee ki a ŋaan ki Sintaanii kɔɔ ki yent a par ni, ki a faar faak ki loon ki a kpann Yennu Seyeeŋ, ki paat likirii nba ki a daan kɔi a kpaab na paaki?

Rom Teeb 12:2

I daa te ki i binbeŋ tee kaman nan tingbouŋ na niib binbeŋ na, ŋaan ŋaant ki Yennu-n lebit i dudukit nan barmɔnii, kii ŋamm i binbeŋ fanu; ŋanne ki i sa bann Yennu yanbɔɔt nba ŋan ki bia tee fanu ki gbenn.

1 Korint teeb 5:10

Li ki tee a n yaa a i nyinn i mɔŋ nan tingbouŋ na bonchonchona, amii nianchiauŋ damm, amii nanyukii, amii patmann teeb kaa; li-i tee nna ŋanimi, see ki i nyii tingbouŋ na ni.

1 Korint teeb 6:11

I siab din tuu tee nnee; ŋaan ki Yennu wuur i biit na ki i ji tee u niib ki bia tee popeendamm u peŋ, ti Yomdaanɔ Yisa Masia nan Yennu Seyeeŋ na paak.

2 Korint teeb 4:4

Bi ki teen Masia yada, kimaan Sintaanii nba ki tingbouŋ na niib jiantirɔ na dɔkint bi dudukite. Ŋɔɔe dɔkint bi nunii po a bi daa laat yentu nba dɔkit bi paak na. Li yentu nyi barŋanii nba want Masia paŋ na boor nie; ŋɔɔe tee Yennu naauŋ.

Galasia teeb 1:4

Yisa Masiae din sak ti Baa Yennu loomm ki din kpo ti biit paak a wun fatit tingbouŋ na biit daabsin ni.

Efesus teeb 1:21

Masiae yen sanpaapo yent damm, nan yikoo damm, nan paŋ damm, nan yomdamm kur; ŋɔɔe mɔk sann nba gar yikoo kur sana nba be dunia na ni nan dunia nba baat na ni.

Efesus teeb 2:11

Yimm nba ki tee Juu teeb na, Juu teeb yi yimm ŋanin punjoote, ŋaan yi bi mɔŋ sankpanna; yi tian man ya din tee nibooru nba sianyoo nba gar na.

Efesus teeb 2:13

ŋaan mɔtana i ji be Yisa Masia nie, li paak yimm nba din tuu be banfɔkira maŋ ji nyat nakinɔɔe u kuun paak,

Efesus teeb 2:3

Barmɔnii, ti kura mun din naan kaman nan li nibooru nee, ki waa ti gbanant niauŋ, ki tuun ti gbanant nan ti dudukit loomm. Timm nan ŋamm toona din baat nan Yennu wutoore ti kura paak.

Efesus teeb 4:17

Ti Yomdaanɔ sann paak, n kpaaniie, i ji daa be kaman nan binba ki mi Yennu, ki bi dudukit be bunbɔnn ni, ki li ki mɔk nyɔɔt biaŋinba na.

Efesus teeb 4:22

Li paak, yabit i mɔŋ man ki nyann niauŋ nba be i binbekperik nba na ni.

Efesus teeb 5:6

Kimaan li toonbiit tumu paake te ki Yennu wutoor baat mɔyêtdamm paak. I daa te ki sɔɔ-n jii u jat wannu ki kpanniini.

Efesus teeb 5:8

I ji tee Yennu waase, ki be yentu nie; i ki be bunbɔnn ni kaa kaman nan ya din tuu be na; li ŋan ki yi tee yentu na waas,

Efesus teeb 6:12

Kimaan ti ki kɔn nan wunba mɔk gbanant nan sɔn kaa, ŋaan ti kɔn nan narinbiite nan bi yikodamm, nan mɔtana dunia bunbɔnn ni yudamm, nan sanpagbann ni narinbiit.

Kolosa teeb 1:21

Sianyoo, i dudukbiit nan i toonbiit din te ki i tee Yennu dataie, ki fɔk nanɔ,

2 Timoti 4:10

Demas mantik loon tingbouŋ na bona bonchiann, li paak u nyikin ki mun saan Tesalonikawa.

Jeems 1:27

Wunba sommit kpeebii nan pakɔi bi fara ni, ki bia nyinn u mɔŋ tingbouŋ na biit ni, ŋɔɔe set tee Yisaweirɔ nan barmɔnii, ki ki mɔk biit ti Baa Yennu boori.

Jeems 1:7

Li nibooru daa dukii nan u sa la siar Yennu boori,

Jeems 4:4

I nyik Yennuwa, ki waa bonliae. Li-i tee ki i tee tingbouŋ na yɔɔsinbaie, i tee Yennu dataie; I ki mi nnee-ee? Wunba loon wuu tee tingbouŋ na yɔɔk, li yɔɔ teen u mɔŋ Yennu dataake.

1 Piita 1:14

I sak Yennu mɔb man, ki ji daa waa loonbiit nba ki i din waa yoo nba ki i din ki mi Yisa Masia na.

1 Piita 4:3

Yoo nba gar, i din jii i yoo ki tuun toonbiit bonchiann; i din tuun i mɔŋ loonbiite, ki nyu daan ki yib, ki di diina ki mɔk fuut, ki tikii leeb danyuboa, ki mann pata, ki tuun kaman nan binba ki tee Masiaweira na nba loon bii tuun biaŋinba.

2 Piita 2:14

Bi-i la poochonchonn, bi ki nyikit u bandakiri, ki bia kan nyik bi biiti. Bi kpann niib nba ki mi Yennu sɔnu fanue ki boontib. Bi para ni, bi tumii nianchiauŋo, ki te ki Yennu mɔtomm be bi paak.

1 Jɔɔnn 3:10

Ŋaan binba kur ki tuun popeenn toona, bi ki tee Yennu waas kaa. Ki bia jenna, binba kur mun bia ki loon bi naa waasi, bi bia ki tee Yennu waas kaa. Ŋannii want binba tee Yennu waas nan binba tee Sintaanii waas.

1 Jɔɔnn 3:8

Sintaanii poŋ tee biitdaanɔe piinu niwa nan mɔtana, ki daanɔ nba tuun biit, ŋɔɔe tee Sintaanii yɔɔ. Ŋaan ki Yennu Bija Yisa sik baar a wun biir Sintaanii toona.

1 Jɔɔnn 4:4

N waas, yimm tee Yennu yabe, ki Yennu Seyeeŋ be i ni, ki u mɔk paŋ ki gar Sintaanii wunba be tingbouŋ na ni. Ŋanne te ki i nyann faak sɔkiniinba maŋ.

1 Jɔɔnn 5:19

Ki ti bia mi nan timm Masiaweira tee Yennu yabe, ŋaan tingbouŋ na ŋaateeb kur nba ki tee Masiaweira na be Sintaanii nuu ni.

1 Jɔɔnn 5:4

kimaan binba kur tee Yennu waas, ŋammii fit nyant tingbouŋ na ni jinjammii. Linba te ki ti nyant tingbouŋ na jinjammii na tee ti yada teenue.

Fiitu 12:9

bi jii waakperbiiuk na ki nyinnɔ; u poŋ tuu tee waauk nba tuu beewa, ki u sann yi Sanbiirtɔɔ amii Sintaanii, ki tuu kpann tingbouŋ na teeb kur na. Ki bi nyinn ŋɔɔ nan u malakanba ki lub tingbouŋ na ni.

Fiitu 13:14

Ki Yennu nba chabɔ ki u tuun bakitnauŋ nyina na muuk ni bonkobsinsinn tɔɔnn na, ki u kpann tingbouŋ na teeb, ki betib a bin maa patir ki lii naan muuk ni bonkobuk nba la jukbanjiak daŋ ŋaan tan ki kpo na.

Fiitu 13:8

Niib kur nba be tingbouŋ na ni, ki bi sana ki sɔb manfoor gbouŋ ni yoo nba ki dunia daa din kaa na, bi sa jiant muuk ni bonkobuk na. Manfoor gbouŋ na tee Pebik nba ki bi din kpiiu na yare.

Fiitu 16:17

Ki malaka nba pukin bannlore na mun kpaar linba be u seŋ ni na ki mɔɔn wan ni; ki kunkɔsaakar nyii naangbouŋ nba be Yenjiantu diiuk ni na ki yet a “Li tuma.”

Fiitu 20:2

ki soor waakperbiiuk nba din tuu be nawa, ki tuu tee Sanbiirtɔɔ amii Sintaanii na, ki lorɔ,