Efesus teeb 1:3 - Yennu Gbounpaauŋ Mɔɔr

³ Ŋaant ki ti tur Yennu wunba tee ti Yomdaanɔ Yisa Masia Baa na niipoouk man, kimaan ta be Yisa Masia ni na paak ki ŋɔɔ Yennu turit Seyeeŋ piinii kur nba be sanpaapo.

Yennu Gbouŋ Mɔɔr

³ Ŋaant ki ti tur Yennu, wunba tee ti Yomdaanɔ Yiisa Masia Baa na niipoouk man, kimaan taa be Yiisa Masia ni na paak ki ŋɔɔ Yennu turit Seyeeŋ piinii kur nba be sanpaapo.

Efesus teeb 1:3 ပူးပေါင်းရင်းမြစ်များ

Barŋanii nba ki LUK din sɔb nae na 2:28

Ki Simeon din gaar bik maŋ ŋaan pak Yennu ki yet a:

Jɔɔnn 14:20

Ki bia jenna, mi-i tei jen n manfoor ni yoonba, i tan sa bann nan n be n Baa Yennu nie, ki i mun bia be n ni, ki n mun be i ni.

Jɔɔnn 17:21

N bia meia ma bi kura-n taan mɔyomme. N Baa, fa be n ni, ki n mun be a ni biaŋinba na, ŋaant ki bi mun-n taan nant mɔyomm ti ni nna; ŋannii sa te ki tingbouŋ na ŋaateeb-n teen yada nan fine tumin.

Jɔɔnn 20:17

Ki Yisa betɔ “Ji daa siitimi, kimaan n daa ki do sanpaapo n Baa boor ni; ŋaan i saa n naa waas peŋ, ki saa betib a n sa do sanpaapo, wunba tee n Baa nan i Baa na peŋa; ŋɔɔe bia tee n Yennu nan i Yennu na.”

Rom Teeb 12:5

Li mun bia tee nnee nan ta yab bonchiann, ŋaan timm nan Masia lakin tee gbananyennkɔɔ, ki ti kura na gbanant taan ki tukin ki ji teen gbananyenn.

Rom Teeb 15:6

ki i kura sii mɔk dudukyennkɔɔ ki dont Yennu wunba tee ti Yomdaanɔ Yisa Masia Baa na.

1 Korint teeb 1:30

Ŋɔɔ Yennue taan timm nan Yisa Masia ki u tee ti yan. U paake ki Yennu nyinnit daabsin ni, ki yet a ti tee niŋamm u boor, ki ji tee u niib.

1 Korint teeb 12:12

Masia tee kaman nan gbanant nee; gbanant tee gbananyennkɔɔ nee, ŋaan ki li ji bɔkit bɔkit, ŋaan lek tee gbananyenn, nan la lek bɔkit bɔkit na gbaa.

2 Korint teeb 1:3

Ŋaant ki ti tur Yennu nba tee ti Yomdaanɔ Yisa Masia Baa na niipoouk; ŋɔɔe tinit ninbaauk; u boor nie ki ti parmaann kur nyi.

2 Korint teeb 11:31

Ti Yomdaanɔ Yisa Baa Yennu, wunba yen paku nan yoo nba kaa gbennu na, ŋɔɔe mi nan n piak barmɔniie;

2 Korint teeb 5:17

Li paak, nirɔ nba be Masia ni, li yɔɔ ji tee nipaamɔɔe; u binbenkper kur ji gara; gotir man, binbenpaaŋ ji dɔkit li yɔɔ niwa.

2 Korint teeb 5:21

Kimaan ti paake ki Yennu din te ki Masia wunba ki mi tun biit na din set timm biitdamm seenu ni, a tin la yentinu binbeŋ ŋɔɔ Masia ni.

Galasia teeb 3:9

Li paak, Yennu tee mɔsonŋann binba teenɔ yada na paak, kaman nan wa din teen mɔsonŋann Abraham nba din teenɔ yada na paak.

Efesus teeb 1:10

Yoo maŋ-i taŋŋi jaŋ chib, ki u ji sa tun gbenn u lora maŋ, ki lakin u naamii kur sanpaapo nan tiŋ ni ki Masia-ii tee yudaanɔ.

Efesus teeb 1:17

ki lek mei ti Baa Yennu wunba tee paŋ daanɔ ki bia tee ti Yomdaanɔ Yisa Masia Yennu, a wun turi Seyeeŋ nba sa turi yan ki fiit Yennu wanni kii ŋamm bannɔ.

Efesus teeb 1:20

U panchiauŋ toonbooru nba ki u din jii ki fiin Masia kuun ni ki kaanɔ Yendɔuŋ ni u niidiitu po nee, ki u bia tuun ti ni na.

Efesus teeb 2:6

Ta be Yisa Masia ni na paak ki Yennu din lakin fiin timm nan ŋɔɔ, ki ti lakin dii naan nanɔ Yendɔuŋ ni.

Efesus teeb 3:10

a Masia niib paak malakanba yent damm nan Yendɔuŋ ni yikoo damm-n tan tumii mɔtana u subinbooru booru.

Efesus teeb 6:12

Kimaan ti ki kɔn nan wunba mɔk gbanant nan sɔn kaa, ŋaan ti kɔn nan narinbiite nan bi yikodamm, nan mɔtana dunia bunbɔnn ni yudamm, nan sanpagbann ni narinbiit.

Filipi teeb 2:11

ki sɔɔ kura tan sa yet a ŋɔɔ Yisa Masia tee Yomdaanɔ kii dont ti Baa Yennu sann.

Hiibru teeb 8:5

Ba tuun linba na tee Yendɔuŋ ni diiuk toona siara ninnauŋo; Moses nba din tun linba na din naan nnee; kimaan Moses nba din yaa wun faa Yenjiantu lanbouŋ yoonba na, Yennu din kpaanɔ ki yet a “A tun bonsiar kur kaman nan ma wanna jɔɔr na paak biaŋinba na.”

Hiibru teeb 9:23

Li paak, li din tuu kpaa talase ki bin mann marouŋ ki ŋamm bona nba tee Yendɔuŋ ni bona ninnauŋ na; ŋaan marouŋ nba chee sa ŋamm Yendɔuŋ ni bona tiauŋ.

1 Piita 1:3

Pakin man Yennu nba tee ti Yomdaanɔ Yisa Masia Baa na, kimaan u tint ninbaauk bonchiann ki turit manfopaann Yisa Masia kuun fiiru paak. Linba nee te ki ti mɔk dindann nan ti tan sii mɔk manfoor,