3 Jɔɔnn 1:5 - Yennu Gbounpaauŋ Mɔɔr

⁵ N yɔɔk, fa sommit ti naa waas nba tee saamm gbaa biaŋinba na, a tuun linba ŋan.

Yennu Gbouŋ Mɔɔr

⁵ N yɔɔk, faa sommit ti naa waas, nan binba lek tee saamm na, a tuun linba ŋane.

3 Jɔɔnn 1:5 ပူးပေါင်းရင်းမြစ်များ

Matiu 24:45

“Daabilannɔe tee yandaanɔ ki tuun u yomdaanɔ nba wantɔ biaŋinba? Ŋɔɔe tee wunba ki u yomdaanɔ sa teenɔ daabiyudaanɔ a wuu gorii u daabileeb, kii teemm mann nan li sɔnu.

Matiu 25:16

Ki wunba din gaar pɔŋ tusa ŋaŋŋmu na nyii nan u likirii yiama ki piin kpinkpouŋ, ki la nyɔɔt pɔŋ tusa ŋaŋŋmu ki pukin li paak biak.

Barŋanii nba ki LUK din sɔb nae na 12:42

Ki ti Yomdaanɔ Yisa jiin ki yetɔ a “Daabilannɔe tee yandaanɔ ki tuun u chanbaa nba wantɔ biaŋinba? ŋɔɔe tee wunba ki u chanbaa sa teenɔ daabiyudaanɔ a wuu gorii daaba kur nba be u ŋaak ni, kii teemm mann yoo kur nba jaŋ.

Toona 1:15

Ŋanne ki daa ŋannlee nna tan gar, ki Yisaweira kaman nan kobik nan piinnlee na taan tikir kar, ki Piita tan fiir ki set

Rom Teeb 12:13

ŋaan paat linba ki i mɔk na ki tur Yennu niib nba ki mɔki, ŋaan kii gaan saamm kii chantirib i ŋei ni.

Galasia teeb 6:10

Li paak, ti-i la yaak, ŋaant ki tin tun linba ŋan ki tur sɔɔ kura; ŋaan mantik kii tuun kii teen binba teen Masia yada ki tee u weira na.

Kolosa teeb 3:17

Li paak, ya tuun linba, amii ya yeen linba, yii tuun nan ti Yomdaanɔ Yisa sann ni, kii teen ti Baa Yennu niipoouk u sann ni.

Hiibru teeb 13:2

I daa tammit saamm gaaru po, kimaan nisiab din tan gaar malakanba saauŋ, ŋaan ki mi a bi tee malakanbae.

3 Jɔɔnn 1:10

Li paak, mi-i taŋŋi baar, n sa fiit linba kur ki u tun, nan bonbisiar nan faak nba ki u pak ki biirit na. Ŋaan biit nba ki u tuun maŋ na, li lek daa ki gboo u numm gbaa. Ti naa waas nba tuu tan baar u boor ni, u bia tuu ki gaanibi, ki damm nba tuu loon bin gaar ti naa waas maŋ saantuk, u bia tuu ber nyinnib Masiaweira lakinu maŋ nie.

3 Jɔɔnn 1:3

N mɔk parpeenn bonchiann nan ti naa wasiat nba daan baar nna, ki tan betin a po na, nan biaŋinba ki a waa Yennu barmɔnii wannu na, ki a benu nee bia want li sɔnu nan mɔnii.