3 Jɔɔnn 1:2 - Yennu Gbounpaauŋ Mɔɔr

² N yɔɔk, n mei Yennu a paak nan fii mɔk laafia, ki a bont kur-n somm fanu kaman nan a seek nba be fanu Yennu boor biaŋinba na.

Yennu Gbouŋ Mɔɔr

² N yɔɔk, n mei Yennu a paak a fii mɔk laafia, ki a bont kur n somm fanu nan a seek nba be fanu Yennu boor biaŋinba na.

3 Jɔɔnn 1:2 ပူးပေါင်းရင်းမြစ်များ

Matiu 9:12

Ki Yisa din gbat bi pinpauk maŋ ki yetib a “Binba mɔk laafia ki loon tebtɔɔ; binba yiar, ŋamme loon tebtɔɔ.

Filipi teeb 2:27

Li set tee barmɔniie, u daan yiare ki per kuuma, ŋaan Yennu daan tinɔ ninbaauk, ki li ki tee u kuukɔɔ kaa, ŋaan bia tin n mɔŋ ninbaauk, ki nyinnin parbijaann ni.

Filipi teeb 2:4

I daa te ki i baka be i kuukɔɔ bona ni, ŋaan te ki i baka-ii be i leeb bona ni biak.

2 Tesalonika teeb 1:3

Ti naa waas, li kpaa talase nan tii teen Yennu niipoouk yoo kur i paak. Ti-i tun nna, li ŋan, kimaan i yada mantik pukii bonchiann, ki ya mɔk loomm nba ki teen i leeb na pukii.

2 Tesalonika teeb 2:13

Ti naa waas, yimm nba ki ti Yomdaanɔ looni na, li kpaa talas ki ti pak Yennu yoo kur i paak, kimaan Yennu din ganni pinpiik neewa a yin la tinnu. I din teen barmɔnii barŋanii yada, ki u Seyeeŋ bia ŋammi ki teeni popeendamm, li paak te ki i la tinnu na.

Jeems 5:12

N naa waas, linba kpaa talase tee nee: i daa poor mɔpora. I daa yi sanpaapo amii tiŋ ni bonsiar sann ki poor mɔpora. Ŋaant ki i nn-ii tee i nn, ki i aaii-ii tee aaii, ki Yennu tan daa dar i tuba.

1 Piita 4:8

Linba gar bont kur tee a yii loon i leeb man fanu, kimaan loomm dɔkint biit bonchiann.

2 Piita 3:18

Yi ŋamm gaar ti Yomdaanɔ Yisa Masia wunba tee ti Tinntɔɔ na sommir ki pukin man, kii tumii u mɔmaan na. Ŋɔɔe yen dontir ki jikit saa nan yoo nba kaa gbennu. Mɔmɔmm.

3 Jɔɔnn 1:1

Min Jɔɔnn nba tee Masiaweira saakɔɔ nee, sɔbin gbouŋ na ki teen n yɔɔk fin Gaius, fin nba ki n nian nan mɔnii.

Fiitu 2:9

ŋɔɔe yet a ‘N mi i fara po, ki bia mi nan i tee nandamme, ŋaan mɔmɔmm, Yennu boor ni, i tee mɔkitae; ki n mi nan nisiab piak ki biir i sana, ki bia yaa a bi tee Juu teebe, ŋaan ki ki tee nna; bi tee Sintaanii niibe.