3 Jɔɔnn 1:11 - Yennu Gbounpaauŋ Mɔɔr

¹¹ N yɔɔk, daa tokii sɔɔ biiti, ŋaan kii tuun linba ŋan. Wunba tuun bonŋann, u tee Yennu yɔɔe; ŋaan wunba tuun biit, u ki bann Yennu.

Yennu Gbouŋ Mɔɔr

¹¹ N yɔɔk, daa tokii sɔɔ toonbiiti, ŋaan kii tuun linba ŋan. Wunba tuun bonŋann, u tee Yennu yɔɔe; ŋaan wunba tuun toonbiit, u ki bann Yennu.

3 Jɔɔnn 1:11 ပူးပေါင်းရင်းမြစ်များ

Jɔɔnn 10:27

N pei saak n mɔb, ki n mib, ki bi waan,

Jɔɔnn 12:26

Daanɔ nba loon wuu tuun n toonn, see ki wuu waan, ki ma tan sii be siaminba, ki n toontunnɔ mun tan sii be leŋ. Ki bia jenna, daanɔ nba tuun n toonn, n Baa Yennu tan sa donnɔ.”

Jɔɔnn 3:20

kimaan daanɔ nba kur tuun toonbiit, u nân yentu maŋe, ki ki loon wuu nakiiɔ, kimaan u ki loon nan u toonbiit na-n tan nyi paanu.

1 Korint teeb 11:1

Li paak, i waa n binbeŋ kaman nan ma waa Masia binbeŋ biaŋinba na.

1 Korint teeb 4:16

N barimiie, yii waa n binbeŋ man.

Efesus teeb 5:1

Ya tee Yennu walonkai na, yii yabir i mɔŋ kii naan nan ŋɔɔ na,

Filipi teeb 3:17

N naa waas, yii biakii tokii min man. Yi jii i dudukit teen damm nba waa siarŋana nba ki ti din senn turi na ni.

1 Tesalonika teeb 1:6

I din tokii biaŋinba ki ti din waa ti Yomdaanɔ, ki din gaar barŋanii maŋ i farchiauŋ ni nan parpeenn nba nyi Seyeeŋ boor ni na.

1 Tesalonika teeb 2:14

Ti naa waas, li muksubooru nba baari na, li muksubooru mun din baar binba tee Yennu niib Yisa Masia paak na Judea tiŋ ni; yimm nan ŋamm dii muksuboor-yeŋkɔɔe. I mɔŋ mɔŋ niib nba mukisi biaŋinba na, li muksuboorue ki bi niib, Juu teeb, mun din mukisib.

2 Timoti 3:10

Ŋaan fin ŋanin poŋ wei n wannu nan n binbeŋ, nan n dudukita. A poŋ mi ma teen Masia yada biaŋinba, nan n sukuru, nan n loomm nan niib, nan n gbankur,

Hiibru teeb 6:12

Ti ki loon ki yii tee gbannyakdammi, ŋaan ti loon ki yii tee binba teen Masia yadae, kii mɔk sukuru, ki tan gaar linba ki Yennu din senn mɔsonn li po na.

1 Piita 3:11

ki nyik bonbiir tumu, ŋaan kii tuun toonŋana, ŋaan lon parmaasir sɔnu kii waa-r,

1 Piita 3:13

I numm-i mɔn nan toonŋana tumu, sɔɔ be ki sa teeni siarii?

1 Jɔɔnn 2:29

I mi nan Yisa Masia tee popeendaanɔe; li paake, ki i mun bann nan binba kur tuun popeenn toona, bi mun tee Yennu waase.

1 Jɔɔnn 3:10

Ŋaan binba kur ki tuun popeenn toona, bi ki tee Yennu waas kaa. Ki bia jenna, binba kur mun bia ki loon bi naa waasi, bi bia ki tee Yennu waas kaa. Ŋannii want binba tee Yennu waas nan binba tee Sintaanii waas.

1 Jɔɔnn 4:1

N walonkai, i daa tee nisiab kur nba yaa a bi mɔk Yennu Seyeeŋ na maan yada, ŋaan bikintib man, ki got laan bi sei maŋ nyii Yennu boor ni amii lee, kimaan faak sɔkiniinba bonchiann nba kpann niib na poŋ baar na ki yat lin niib ni.