3 Jɔɔnn 1:10 - Yennu Gbounpaauŋ Mɔɔr

¹⁰ Li paak, mi-i taŋŋi baar, n sa fiit linba kur ki u tun, nan bonbisiar nan faak nba ki u pak ki biirit na. Ŋaan biit nba ki u tuun maŋ na, li lek daa ki gboo u numm gbaa. Ti naa waas nba tuu tan baar u boor ni, u bia tuu ki gaanibi, ki damm nba tuu loon bin gaar ti naa waas maŋ saantuk, u bia tuu ber nyinnib Masiaweira lakinu maŋ nie.

Yennu Gbouŋ Mɔɔr

¹⁰ Li paak, mi-i taŋi baar, n saa fiit linba kur ki u tun, ki li tee bonbiir nan faak nba ki u pak biirit na. Ŋaan biit nba ki u tuun maŋ, li lek daa ki gboo u nummu. Ti naa waas nba tuu baar u boor na, u tuu ki gaanibi, ki damm nba tuu loon bin gaar ti naa waas maŋ saauŋ, u bia tuu ber nyinnib Masiaweira lakinu maŋ nie.

3 Jɔɔnn 1:10 ပူးပေါင်းရင်းမြစ်များ

Barŋanii nba ki LUK din sɔb nae na 6:22

“Niib-i nami ki bɔkitiri ki sukii-i ki biir i sana, kimaan ya waa min nisaarik Bik na paak, parpeenn tee i yare.

Jɔɔnn 9:22

U damm din yet nna maŋ, kimaan bi tiin Juu teeb yudamm na jaŋmaanii, kimaan yudamm maŋ poŋ taan mɔb ki yet a wunba yaa a Yisae tee Yennu Niganntɔɔ Masia, see ki bi nyinnɔ bi Yenjiantu ni.

Toona 1:15

Ŋanne ki daa ŋannlee nna tan gar, ki Yisaweira kaman nan kobik nan piinnlee na taan tikir kar, ki Piita tan fiir ki set

2 Korint teeb 13:2

Ma din baar i boor taar munnlee ni na, n din kpaan i kur nba poŋ tun toonbiit na, nan i leeb kura. Ma ji ki be i boor ni na, ŋaan n lek kpaani kaman nan ma din poŋ kpaani biaŋinba sinsinn na; mi-i taŋŋi baar, n sa dat bi tubawa.

Galasia teeb 6:10

Li paak, ti-i la yaak, ŋaant ki tin tun linba ŋan ki tur sɔɔ kura; ŋaan mantik kii tuun kii teen binba teen Masia yada ki tee u weira na.

1 Timoti 5:13

Linba pukin, bi bia biir bi yoo ki ki loon toona, ŋaan lin lɔɔn ŋei ki tumii sanjaauŋ, nan niib barkpeena ni kɔɔnu, ki lin piak linba ki ŋan nan bii piaki.

2 Jɔɔnn 1:10

Li-i tee ki daansɔɔ nba baar i boor ni, ŋaan ki want Yisa Masia wannu maŋ nba tooki, i daa gaanɔ i ŋei ni, ki bia taan daa foontɔ gbaa,

2 Jɔɔnn 1:12

N mɔk mɔbona bonchiann ki loon ki n sɔb ki turi, ŋaan n ki loon ki n sɔb gbouŋ ni kaa ki turiini, ŋaan n mɔk dindann nan n sa baar ki gɔni, ki tin pak nan leeb mɔi ni, ki li-i tee ki li fit teen nna, li sa maŋ ti para ni bonchiann.

3 Jɔɔnn 1:3

N mɔk parpeenn bonchiann nan ti naa wasiat nba daan baar nna, ki tan betin a po na, nan biaŋinba ki a waa Yennu barmɔnii wannu na, ki a benu nee bia want li sɔnu nan mɔnii.

3 Jɔɔnn 1:5

N yɔɔk, fa sommit ti naa waas nba tee saamm gbaa biaŋinba na, a tuun linba ŋan.