2 Timoti 4:5 - Yennu Gbounpaauŋ Mɔɔr

⁵ Ŋaan fii tee subindaanɔ yoo kur, kii saak fardinu, kii mɔɔntir Yisa Masia barŋanii, kii tuun toona kur nba ki Yennu tura na.

Yennu Gbouŋ Mɔɔr

⁵ Ŋaan fin-ii tee subindaanɔ yoo kur, kii saak biakdinu, kii mɔɔntir Yiisa Masia barŋanii, kii tuun toona kur nba ki Yennu tura na.

2 Timoti 4:5 ပူးပေါင်းရင်းမြစ်များ

Matiu 25:16

Ki wunba din gaar pɔŋ tusa ŋaŋŋmu na nyii nan u likirii yiama ki piin kpinkpouŋ, ki la nyɔɔt pɔŋ tusa ŋaŋŋmu ki pukin li paak biak.

Barŋanii nba ki MAK din sɔb nae na 13:34

Li tan sii tee kaman nan jasɔɔ nba yaa wun nyi u ŋaak ni ki yaatir saa sɔnbanfɔkir, ki chab u ŋaajab yaak a bii dia u ŋaak, ki bia chent bi kura toona, ŋaan bet u ŋaguurɔɔ a wun guu, ŋaan saan.

Barŋanii nba ki MAK din sɔb nae na 13:37

Li paak, ma beeri linba na, n beer sɔɔ kure, i guu man.”

Barŋanii nba ki LUK din sɔb nae na 12:37

Daaba nba ki bi chanbaa kpen ki lab ki bi guu u kpenu na, parpeenn tee bi yare. Barmɔniie ki n beeri na, bi chanbaa na sa te ki u daaba-n kar ki wun baar nan jeet ki turib ki bin di.

Toona 21:8

Ki li yent sanyiɔk ki ti nyii Tolemais ki baar Siisarea ki saan kɔɔ Filip ŋaak ni, wunba mɔɔntir Yisa barŋanii na, ki be. U din tee jab bannlore nba ki bi din gannib Jerusalem a bii tee jetorteeb yudamm na yenɔe.

Rom Teeb 15:19

Yennu Seyeeŋ paŋ nee te ki n tuun bakitnauŋ toona na, ki ŋanne te ki bi bann paŋ nba ki u mɔk. Ki n nyii Jerusalem ki bia lin doi ni ki tan baar Ilirikum tiŋ ni ki mɔɔntir Masia barŋanii kura.

Efesus teeb 4:11

Ŋɔɔe tur nisaarik piinii, ki gann nisiab ki teemm toomiinba, ki leeb mun tee sɔkiniinba, ki yemm mun bia teen barŋanimɔɔnt teeb, ki siab mun lek tee Masia niguuteeb nan wannteeb.

Efesus teeb 4:12

U tun linba na a binba tee Yennu niib kura-n fit jaŋ u toona maŋe, ki chee Masiaweira.

Kolosa teeb 1:25

Ki Yennu nba turin toonn maŋ a n tun na, ŋɔɔe teenin Masia niib maŋ daabir i sommir paak, a niib-n bann Yennu barii maŋ mun.

Kolosa teeb 4:17

Yi bet Akipus a wun yabir u mɔŋ kii tuun toona nba ki ti Yomdaanɔ din turɔ na fanu.

1 Tesalonika teeb 5:6

Li paak, ti daa dɔɔ gɔɔnt kaman nan nisiab nba tuun biaŋinba na, ŋaan tii nyɔi kii sub man,

1 Timoti 4:12

Daa te ki sɔɔ-n sianna kimaan fa pɔ na paaki. A te ki a pinpauk nan a binbenŋaŋ, nan a loomm, nan a yada, nan a binbenyeeŋ-n wann Masiaweira nba bo sii be biaŋinba.

1 Timoti 4:15

I tuun linba na nan ninmɔnn, ki sɔɔ kur-n la a pukinu.

2 Timoti 1:8

Li paak, mɔɔntir ti Yomdaanɔ labaar ki daa tiin fei. A bia daa tiin fei nan ma kɔɔ dansarik u paak na, ŋaan sak nan fardinu u barŋanii maŋ paak, kaman nan Yennu nba tura paŋ biaŋinba na.

2 Timoti 2:10

Ŋaan Yennu nigannkab na paak ki n lek di sukuru fara kura ni, a bin mun la tinnu Yisa Masia paak, kii mɔk parpeenn nba kaa gbennu na.

2 Timoti 2:3

A sak nan fardinu Yisa Masia paak kaman nan lanjiŋanɔ na.

2 Timoti 4:17

Ŋaan ti Yomdaanɔ daan be nanin ki turin paŋ ki n daan fit mɔn barŋanii maŋ kur ki tur binba ki tee Juu teeb na kura a bin gbat. Ŋɔɔe daan nyinnin yambɔr mɔb ni.

Hiibru teeb 13:17

Yii saak i yudamm mɔi ki sikin i mɔŋ ki turib, kimaan bi baka be i benu ni, kimaan bi tan sa wann Yennu bi toona nba ki bi din tuun. Ŋaant ki bin tan wannɔ nan parpeenn, ŋaan tan daa wantɔ nan parbiiri. Nna tan kii mɔk nyɔɔt ki turiini.

1 Piita 1:13

Li paak, yi teen i dudukit siir nan yan, ki soor i mɔŋ, kii mɔk dindann nan barmɔnii a i sa di mant bonchiann yoo nba ki Yisa Masia tan sa nyi paanu na.

Fiitu 3:2

Li paak, fiit man ki yabir i binbeŋ nba biar na a li daa kpenn ki gbenti, kimaan toona nba ki i tuun na, li ki gboot Yennu ninbina.