2 Timoti 4:18 - Yennu Gbounpaauŋ Mɔɔr

¹⁸ Ŋɔɔe bia sa nyinnin bonbiit kura ni, ki kunnin ki kɔɔnin u naan nba be sanpaapo nan laafia. Ŋɔɔe yen dontir nan yoo nba kaa gbennu. Mɔmɔmm.

Yennu Gbouŋ Mɔɔr

¹⁸ Ŋɔɔe bia saa nyinnin bonbiir kur ni, ki kɔɔnin u naan nba be sanpaapo na ni nan laafia. Ŋɔɔe yen dontir mɔkmɔk nan mɔkmɔk. Mamɔmm.

2 Timoti 4:18 ပူးပေါင်းရင်းမြစ်များ

Matiu 13:43

Ŋaan li yoo maŋ, yentina kur tan sii be bi Baa Yennu naan niewa ki nyirii kaman nan yennu nba nyirii na. Wunba mɔk tuba, wun gbiint.

Matiu 25:34

Ki min, Bat na, sa yet binba see n nuudiitu po na a ‘Yimm nba ki n Baa Yennu senn mɔsonŋann i paak na, i saana man ki tan kɔɔ naan nba ki Yennu din ŋamm ki guuni dunia piinu niwa na,

Matiu 6:13

A daa te ki ti kɔɔ jinjammii ni, ŋaan nyinnit bonbiir ni.’

Barŋanii nba ki LUK din sɔb nae na 11:4

Nyikin chab ti biit kaman nan ta mun nyikit ki chabit binba tuumit biit na. A daa te ki ti kɔɔ jinjammii ni.”

Barŋanii nba ki LUK din sɔb nae na 12:32

“N niib nba ki yab na, i daa tiin jaŋmaanii, kimaan i Baa Yennu yaa wun turi naan maŋ, ki bia mɔk parpeenn nan wa sa turi na paak.

Barŋanii nba ki LUK din sɔb nae na 22:29

N Baa Yennu nba gannin ki dinnin naan biaŋinba na, nnee mun ki n mun yaa n ganni

Jɔɔnn 17:15

N ki meia ma a nyinnib tingbouŋ na ni kaa, ŋaan n meia ma i baak bi paake fanu, ki bonbiiuk daanɔ Sintaanii daa baat ki biiribi.

Rom Teeb 11:36

Yennue din nan bonsiar kur, ki dia li kura, ki u paake ki li kur be. Ŋaant ki wun la paku yoo nba kaa gbennu. Mɔmɔmm.

Rom Teeb 16:27

ŋɔɔ Yennu kuukɔɔe tee yandaanɔ na; niib kur-n pakɔ mɔkmɔk nan yoo nba kaa gbennu, Yisa Masia sann paak. Mɔmɔmm.

1 Korint teeb 1:21

Yennu nba mɔk yan na te ki tingbouŋ na teeb yan kan fit te ki niib-n bannɔ. Li paak, ki u te ki binba teen Yisa yada na tinn; jatii labaar nba ki ti mɔɔntir ki teen niib na paak ki bi tinn.

1 Korint teeb 10:13

Bikinu nba kur baar i boor ni, li tee linba yɔɔ baat niib boore; ŋaan Yennu tee barmɔnii daanɔ ki kan te ki bikinu-n baar i boor ki gar i paŋ teriki; ŋaan yoo nba ki bikinu baar i boor, u sa turi paŋ nba ki i sa nyannir ki nyi leŋ.

1 Korint teeb 15:50

N naa waas, n beerie nan gbanant nba tee nant nan sɔn na kan fit kɔɔ Yendɔuŋ ni; ki gbanant nba pɔɔk kan fit la manfoor nba kaa gbennu.

2 Korint teeb 1:10

ŋɔɔe din nyinnit kuun dangbeŋŋir na ni. U sa tinnita, ki ti mɔk dindann nan u bia tan sa tinnita.

Galasia teeb 1:5

Ŋɔɔ Yennu kuukɔɔe yen dontir nan yoo nba kaa gbennu. Mɔmɔmm.

1 Tesalonika teeb 5:23

Yennu nba teent parmaasir na tiauŋ-n teeni popeendamm ki gbenn, ki dia i sei nan i manfoa nan i gbanant mun, ki li daa mɔk biit ti Yomdaanɔ Yisa Masia jenu maŋ po.

2 Tesalonika teeb 3:3

Ŋaan ti Yomdaanɔ tee barmɔnii daanɔe, ki sa turi paŋ kii guui ki biitdaanɔ Sintaanii kan fit teeni siari.

1 Timoti 1:17

Dont Yennu ki turɔ nibaakir yoo nba kaa gbennu. Ŋɔɔe tee kpanbar nba kan mi kpo ki sii be yoo nba kaa gbennu; ki sɔɔ ki laatɔ; ki u tee Yen-yemmir na. Mɔmɔmm.

1 Timoti 6:16

ŋɔɔ kuukɔɔe kan kpo; u be yentchiauŋ nba ki nirɔ kan fit nakin ni; ŋɔɔe ki nisɔɔ daa ki mi lau amii ki sa fit lau; ŋɔɔe yen paku nan paŋ yoo nba kaa gbennu. Mɔmɔmm.

2 Timoti 1:12

Li paake te ki n di fara dansarik ni; ŋaan ki n ki tiin fei, kimaan n mi ma jii n mɔŋ ki teen wunba nuu ni, n mi ki birsuk kaa nan u sa fit dia linba ki n jii ki teen u nuu ni na fanu mɔkmɔk nan Daar maŋ daar.

2 Timoti 4:1

Yisa Masia nba tan sa bu footib nan kpeemm buut, wunba tan sa jen ki di naan na, ŋɔɔ nan Yennu tɔɔnn po ki n beera,

Hiibru teeb 11:16

Ŋaan bi baka din be Yendɔuŋ ni digbann nba chee na poe. Ki li paak Yennu mɔk yuugontir nan bin yiinɔ bi Yennu, kimaan u poŋ din ŋamm dosaue ki guumm.

Hiibru teeb 12:22

Ŋaan yimm ŋanin baar jɔɔr nba yaa sann yi Sion, linba tee manfodaanɔ Yennu doo nba tee Yendɔuŋ ni Jerusalem, siaminba ki malakanba tusa tusa lakin nan parpeenn.

Hiibru teeb 13:21

li Yennu-n ŋamm i binbeŋ fanu a yii tuun u loomm, kii tuun toonŋana kur; Yisa Masia paak wun te ki tii tee binba sii pent u par. Ŋɔɔe yen dontir nan yoo nba kaa gbennu. Mɔmɔmm.

Jeems 2:5

N naa walonkai, gbiintir man, Yennue gann binba tee nandamm tingbouŋ na niib boor, a bin teen mɔkita u boor, kimaan bi teenɔ yada, ki teen u waas nba sa di naan nba ki u din senn mɔsonn a u sa tur binba loonɔ na.

1 Piita 1:5

ki guu yimm nba ki Yennu paŋ dia-i i yada paak, a yin la i tinnu nyɔɔt nba teen siir ki sa nyi paanu dajoontii na.

1 Piita 5:11

Ŋɔɔe sii mɔk paŋ kura mɔkmɔk nan yoo nba kaa gbennu. Mɔmɔmm.

2 Piita 1:11

ki Yennu sa te ki yin tan kɔɔ ti Yomdaanɔ Yisa Masia nba tee ti Tinntɔɔ na naan ni; u naan maŋe yɔɔ be ki ki mɔk gbennu.

2 Piita 3:18

Yi ŋamm gaar ti Yomdaanɔ Yisa Masia wunba tee ti Tinntɔɔ na sommir ki pukin man, kii tumii u mɔmaan na. Ŋɔɔe yen dontir ki jikit saa nan yoo nba kaa gbennu. Mɔmɔmm.

Juud 1:1

Min Juud wunba tee Yisa Masia toontunnɔ, ki bia tee Jems naa bik nee sɔbin gbouŋ na ki teen niib nba ki ti Baa Yennu gannib ki loomm, ki Yisa Masia guub na.