2 Timoti 4:16 - Yennu Gbounpaauŋ Mɔɔr

¹⁶ Ma daan kɔn n mɔŋ paak sinsinn na, sɔɔ ki set n poorpo; bi kur nyikima; Yennu daa teemm biit li paaki.

Yennu Gbouŋ Mɔɔr

¹⁶ Maa daan piin n mɔŋ paak kɔnn na, sɔɔ ki set n poorpo; bi kur daan nyikimi. Yennu daa teemm biit li paaki.

2 Timoti 4:16 ပူးပေါင်းရင်းမြစ်များ

Barŋanii nba ki MAK din sɔb nae na 14:50

Ki u poorpoweiteeb na kur ji chiar ŋaan nyikɔ.

Barŋanii nba ki LUK din sɔb nae na 12:11

“Bi-i soori ki baar nani Yenjiantu diit ni amii kpanbara boor amii tiŋ yudamm boor, i daa te ki li daamiini nan ya sa pak jiin biaŋinba, amii ya sa pak linba,

Jɔɔnn 16:32

Yoo baat, ki li poŋ baar gbenna, ki i kur tan sa yat kun, ŋaan ki n tan sa biar n kuukɔɔ. Ŋaan li set ki tee n tan sii kpan be n kuukɔɔ kaa, kimaan min nan n Baa Yennue tan sii be.

Toona 22:1

“Chanbaanba nan n naa waas, gbiintir man maan nba ki n yaa n pak ki turi na.”

Toona 25:16

Ki n mun jiin ki betib a ‘Timm Rom teeb yaa boor ni ŋarin, li ki tee ti kaar kaa ki tin chab nirɔ nba ki bi yaa a u tee biirtɔɔ ki bin kpiu, ŋaan u madamm daa ki baar buut boori, ki ŋɔɔ nan u biirteeb daa ki took leeb ki u pak ki yaa wun nyinn u mɔŋi.’

Toona 7:60

ŋaan gbaan ki yikin sanpaapowa a “N Yomdaanɔ, daa jikit bi biit na ki biiribi.” U yet nnee ŋaan ji kpo.

1 Korint teeb 13:5

U ki mɔk nyatuku; u mantik ki loon u mɔŋ nyɔɔt kuukɔɔ kaa; u ki dont wutoor yann yanni; u bia ki dukii bonbiir ki jiint biit biit paaki.

1 Korint teeb 9:3

Niib-i piak ki biir n sann, n sa jii nnee ki nyi leŋ.

2 Korint teeb 7:11

Yennu nba te ki i la parbiir na, i mɔŋ la biaŋinba ki li turi nyɔɔta; i baka be Yennu labaar ni, ki i bia loon ki i wann nan i ki mɔk biiti; i bia tiin Yennu; i loon ki i bia lan; i bia loon ki i tun Yennu loomm; i poŋ dat biitdaanɔ na tubira. Ya tun nna maŋ na, li set want nan i ki mɔk bisiat labaar maŋ ni.

Filipi teeb 1:17

Nisiab ki mɔɔntir Masia po nan bi para kuri, ŋaan bi tuun nan funfunne; bi dukii nan bi sa pukin mine fara yoo nba ki n daa be dansarik nna.

Filipi teeb 1:7

N yan be i ni. Ki mi-i dukii i po nna, li set ŋan, kimaan la nyii yoo nba ki n din be n yama ni ki gbaa barŋanii maŋ paak ma n sennir nawa, ki tan baar yoo nba ki n ji kɔɔ dansarik na, i kura mun lek mɔk li yaak booru nba ki Yennu turin na.

2 Timoti 1:15

A poŋ mi nan sɔɔ kur nba be Asia na nyikima; bi siabe tee Fijelus nan Hemojenes.

2 Timoti 4:10

Demas mantik loon tingbouŋ na bona bonchiann, li paak u nyikin ki mun saan Tesalonikawa.

2 Timoti 4:15

I mi a mɔŋ nanɔ, kimaan u kɔn nan barŋanii nba ki ti mɔɔntir na bonchiann.

1 Piita 3:15

Tinin ti Yomdaanɔ Masia i para ni; yoo kur, i teen siir ki jiin wunba boi-i ya mɔk dindann biaŋinba na po.