2 Timoti 3:3 - Yennu Gbounpaauŋ Mɔɔr

³ bi tan kii mɔk loomm nan niibi, bi tan sii tee mɔlanfikdamme, ki kan soor bi mɔŋi, ki sii tee kpikpiruk damm; ki sii naan bonsosoot; bi tan sii nan toonŋanae,

Yennu Gbouŋ Mɔɔr

³ Bi tan kii mɔk lomm nan niibi. Bi tan sii tee mɔlanfikdamme, ki kan soor bi mɔŋi, ki sii tee kpikpiruk damm; ki naan bonsusoot; bi tan kii loon toonŋanae,

2 Timoti 3:3 ပူးပေါင်းရင်းမြစ်များ

Matiu 10:21

“Li yoo maŋ, nirɔ tuu tan sa fikis u mɔŋ mɔŋ ninja ki bin kpiu; ki baanba mun tan sa fikis bi waas ki bin kpib; ki waas mun bia tan sa kɔn nan bi damm ki chabib nan kuun.

Matiu 4:1

Ki Yennu Seyeeŋ din te ki Yisa kɔɔ muuk ni a Sintaanii-n saa jammɔ.

Barŋanii nba ki LUK din sɔb nae na 10:16

Li yoo na ki u din bet u poorpoweiteeb a “Wunba gbia i maan, u gbia mine; ŋaan wunba yêti, u yêt mine; ŋaan wunba yêt min, u yêt Yennu wunba tumin nee mun biak.”

Barŋanii nba ki LUK din sɔb nae na 16:14

Yoo nba ki Farisiinba din gbat linba na, ki bi ji din daan Yisa nyatuk, kimaan bi din tee liklonnae.

Jɔɔnn 6:70

Ki Yisa yetib, “Yimm jab piik nan bannlee na, mine ganni, ŋaan ki i ni yenɔ tee Sintaanii yɔɔ.”

Rom Teeb 1:29

Ki biit kur din be bi ni, ki bi gbee nan biit nan nianchiauŋ nan yanbɔmm nan funfunbiit nan nikpinu nan kunkɔna nan fai nan dudukbiit, ki bia tee sanjanjanna;

Rom Teeb 1:31

Bi bia ki mɔk yansian bi ni; bi ki waa bi mɔsona biaki; bi ki mɔk loomm nan ninbatinu bi leeb po.

1 Korint teeb 7:5

I daa yêen leeb i gbanant loomm nakira yoo nba ki i tan taan mɔyemmkɔɔ a yin miar Yennu; ki li poorpo ki yii bia taan nan leeb, ki Sintaanii daa fit ki bikinti ki nyanti ya kan fit soor i mɔŋ na paak.

1 Korint teeb 7:9

Ŋaan bi-i kii fit so bi mɔŋi, ŋann nna bin kɔɔn poob, ki poob mun-n kun jab; li sɔ nan ya sii mɔk li niauŋ ŋaan kan fit maakiri.

1 Tesalonika teeb 4:8

Li paak, wunba ki sak wannu nba na, li ki tee nisaarik yar kaa ki u yêeni, ŋaan u yêen Yennu nba teeni u Seyeeŋ na mɔŋ mɔŋe.

1 Timoti 3:11

Li kpaa talas ki bi poob-ii munii mɔk binbenŋaŋ, ŋaan daa tee sanjanjanna. Li kpaa talas ki bii tee subindamm kii tuun bi toona kur fanu.

Taitus 1:8

Li kpaa talas ki wuu mi saamm gaaru, kii loon toonŋana tumu, kii sub, kii be fanu, kii tee popeendaanɔ, kii mi mɔŋdianu.

Taitus 2:3

A bia kpaan poosaakab ki bii tee popeendamm. Bi daa tee sanjanjanna, ki daa nyu daan ki yibi. Li kpaa talas ki bii want linba ŋan,

Jeems 2:6

Ŋaan yimme yisin nandamm. Mɔkita nee mukisiri ki so-i ki saa nani buut boor. Nna kaa-aa?

2 Piita 2:14

Bi-i la poochonchonn, bi ki nyikit u bandakiri, ki bia kan nyik bi biiti. Bi kpann niib nba ki mi Yennu sɔnu fanue ki boontib. Bi para ni, bi tumii nianchiauŋo, ki te ki Yennu mɔtomm be bi paak.

2 Piita 2:19

ki beerib a bi tan sa la mɔŋ-fatu, ŋaan ki bi mɔŋ tee biit daaba, kimaan bonsiar nba nyann nirɔ, li bont tuu dia nirɔ maŋ daabsin ni.

2 Piita 3:3

Sinsinn, n loon ki yii tian nan nisiab nba waa bi para loonbiit tan sii be dajoontii ni, ki tan sii sarikiti,

Juud 1:16

Bi tee bunburimii damme; bi numm ki mi gboo; ki bi tuun bi mɔŋ loonbiit, ki mɔk parbifaant bonchiann, ki korin niib a bin la siar.

Juud 1:18

Bi din yet a “Dajoontii daa maŋ ni, niib nba waa bi mɔŋ gbanant loonbiit na tan sa fiir ki sarikiti.”

Fiitu 13:15

Ki Yennu chab muuk ni bonkobuk nba pukin bannlee na yaak ki u foont ki teen patir nba naan nan muuk ni bonkobsinsinn na, ki patir maŋ tan fit piak ki te ki bi kpi binba ki sak a bin jiantɔ na.

Fiitu 13:17

li-i tee ki dɔk na kaa nirɔ paaki, u kan fit daa siar amii ki kɔi siari; ki dɔk na tee muuk ni bonkobuk na sann amii u sann kann.

Fiitu 16:6

kimaan niib kpii a niib nan a sɔkiniinba, ki a jii sɔn ki turib a bin nyu. Ŋanne jaŋ namm.”

Fiitu 17:6

Ki n la ki poo na nyuu popeendamm sɔn nan Yisaweira nba ki bi kpiib na sɔn ki yib. Ma lau nna maŋ ki li bakitin bonchiann.