2 Timoti 3:2 - Yennu Gbounpaauŋ Mɔɔr

² Niib tan sii tee jawudamme, nan likilonna, nan karinbaanii damm, nan garukdamm, nan binba sukii niib, nan binba ki saak bi damm mɔi, nan binba ki tian ŋamm po, nan binba ki tiin Yennu;

Yennu Gbouŋ Mɔɔr

² Niib tan sii tee jawudamme, nan liklonbiiuk damm, nan karinbaandamm, nan want-n-mɔŋ damm, nan binba sukii niib, nan binba ki saak bi damm mɔi, nan binba ki tian ŋamm po, nan binba ki tiin Yennu.

2 Timoti 3:2 ပူးပေါင်းရင်းမြစ်များ

Matiu 15:6

Ya tuun biaŋinba na, i dia Yennu sennu yanne, kimaan i yejamm kaar maŋ weiu paak.

Barŋanii nba ki LUK din sɔb nae na 12:15

Ŋanne ki Yisa ŋamm pak nibur na a “I mi man mɔkint loomm po. Mɔkint bonchiann kaa sa te ki nirɔ-ii mɔk manfoori.”

Barŋanii nba ki LUK din sɔb nae na 16:14

Yoo nba ki Farisiinba din gbat linba na, ki bi ji din daan Yisa nyatuk, kimaan bi din tee liklonnae.

Barŋanii nba ki LUK din sɔb nae na 6:35

“Li paak, yii mɔk loomm nan i datai man, kii tuun linba ŋan kii teemm. Li-i tee ki i kpent nirɔ ki li yukir, ya daa biir i para li paaki, kimaan i nyɔɔt tan sii yab, ki i bia tan sii tee Yabint Yennu waas, kimaan ŋɔɔe tuun linba ŋan ki teen binba ki teenɔ niipoouk, nan biitdamm.

Toona 5:36

Sianyoo nba din gar, ki Tiudas din want u mɔŋ nan u tee nijaansɔɔe, ki niib kaman nan kobii ŋanna na din tee u poorpojɔɔmu, ŋaan niib nba din tan kpiiu, u jɔɔmu na kura din yate, ki u jagberin na gbenn.

Rom Teeb 11:18

Li paak, a daa mɔk parbifaant nan yiinii nba ki Yennu kɔnnib ki lu ki bi tee kaman nan ŋaak ni tiik yiinii na. Daa mɔk parbifaant, kimaan a tee yiinu kuukɔɔe; nyakir nee teena sommir, fin kaa teen nyakir na sommiri.

2 Korint teeb 5:15

Ŋɔɔe din gaar sɔɔ kur paak ki kpo, a binba fo na, bi kii be ki tur bi mɔŋ kaa, ŋaan bi sii be ki tur wunba din gaar bi paak ki kpo ki bia fiir kuun ni nee.

Filipi teeb 2:21

Sɔɔ kur nba ji biar gbaa nan bi mɔŋ mɔŋ yarae jiak jiak, bi ki fiin linba tee Yisa Masia yar na po.

Kolosa teeb 3:5

Li paak, yi nyik tingbouŋ na ni niauŋ nba tuun toona i ni na; li yenninbae tee bonchonchonsin, nan linba tee jakint toona, nan kunkɔmaasu, nan nianbiiuk, nan nianchiauŋ, linba tee patmannu booru.

2 Tesalonika teeb 2:4

U tan kan sak Yenjiantu nan jiantii kura, ŋaan jɔɔb u mɔŋ teen yudaanɔ nba gar linba ki niib jiantir kura. U tan sa kɔɔ Yenjiantu diiuk ni gbaa ki pur u mɔŋ Yennu.

1 Timoti 1:20

Bi siabe tee Haimeneus nan Aleksander, binba ki n daan jiib teemm Sintaanii nuu ni a wun mukisib. Linba nee sa wannib yan ki bin nyik Yennu sann biiru.

1 Timoti 1:9

I tian nan sennu ki see nifoŋamm paak kaa, ŋaan li see binba tee mɔyêtdamm na paake, nan binba ki tiin Yennu, nan biitdamm paak, nan jakint damm, nan binba ki teen Yennu nibaakir paak, nan binba kpi bi baanba nan bi naanba, nan nifokpiira,

1 Timoti 3:3

ki daa nyu daan ki yibi, ki daa loon fuut nan kunkɔna, ŋaan kii be soonna nan parmaasir, ki daa loon likirii bonchianni.

1 Timoti 6:10

kimaan likirii loomme tee bonbiir kur jiinn. Nisiab poŋ jii bi mɔŋ ki teen likiloonbiiuk na ni; li paak, ki bi ji ki teen Masia yada. Ŋanne te ki bi laat parbibooru booru.

1 Timoti 6:4

u gbee nan karinbaaniie ki ki bann siari, ki bia mɔk mɔniɔk nan kunkɔna niauŋ, ki li baat nan funfunn, nan kunkɔna, nan nisukit, nan pinpakbiit,

2 Timoti 3:4

bi tan sii nyi leeb poae, ki tee nikaatkaatdamm, ki dont bi mɔŋ; bi tan sii loon bi mɔŋ mɔŋ loomme ki gar Yennu,

Jeems 2:8

Li sɔb Yennu gbouŋ ni a “I loon a lɔɔ kaman nan fa loon a mɔŋ biaŋinba na.” Li-i tee ki i waa Yennu naan sennu maŋ, li ŋan,

Jeems 4:16

Ŋaan i mɔk karinbaanii ki nyu bara. Ya nyu bara biaŋinba na, li ki ŋani.

Jeems 4:6

Ŋaan u bia teent sommir bonchiann. Li paak, li sɔb Yennu gbouŋ ni a “Yennu kɔn nan karinbaanii damme, ŋaan sommit binba sikin bi mɔŋ.”

1 Piita 5:5

Nnee mun, yimm nba tee nipaauŋ, yii saak saakab mɔi; ki i kur-ii gaan leeb mɔi, ki i kur-n teen tarii i leeb boa, kimaan li sɔb Yennu gbouŋ ni a “Ŋɔɔ Yennu yêen karinbaandamme, ŋaan sommit binba sikint bi mɔŋ na.”

2 Piita 2:10

Niib nba waa bi gbanant loonbiit ki tuun bonchonchonn toona, ki sian yudamm, Yennu tan sa dat li damm tuba ki gar wa tan sa dat nileeb tuba biaŋinba nawa. Faak wannteeb maŋ nba be i sinsuuk ni na, bi tee tubkangbata damme, bi ki tiin sɔɔ. Bi sukii malakanbae ki ki mɔk jaŋmaanii.

2 Piita 2:12

Li nibooru ki mi malakanba nba be biaŋinba, ŋaan sukiib. Niib maŋ ki mɔk dudukiti; bi tuun linba ki bi loon, ki naan nan muuk ni bonkobibiit nba ki niib tuu soorib ki kpib nee. Bi mɔŋ toonbiite sa mantik biirib;

2 Piita 2:18

Bi piak karinbaanii barii nba ki mɔk nyɔɔte a bin kpann niib nba yabit bi mɔŋ a bin nyik biitdamm, ki kpannib a bii tuun gbanant loonbiit kii tuun bonchonchonn toona,

2 Piita 2:3

Bi sii mɔk nianchiauŋ, ki sii kpanni ki ŋmabi. Yoo nba din gar na Yennu poŋ din yet a bi tee biitdamme, ŋaan li ji kan yukir ki u sa dat bi tuba.

Juud 1:16

Bi tee bunburimii damme; bi numm ki mi gboo; ki bi tuun bi mɔŋ loonbiit, ki mɔk parbifaant bonchiann, ki korin niib a bin la siar.

Fiitu 13:1

Ki n la ki muuk ni bonkobuk nyii mɔkgbeŋŋir ni, ki mɔk yina piik nan yura ŋannlore, ki naanfokirii piik yir u yina piik na paak; ki sanbiiuk nba sukii Yennu sann na sɔb u yura na paak.

Fiitu 16:11

ki bia sukii Yennu nba be Yendɔuŋ ni na, kimaan bi tont nan bi nara na paak, ki bia ki sak nan bin nyik bi toonbiit toona na.

Fiitu 16:21

Ki sakaana nba gbeŋ ki li yenn kpai tee kaman nan naar na nyii sanpaapo ki tan baa niib paak, ki bi sukii Yennu, kimaan sakaangbeŋŋa nba baa bi paak na. Li din tee fargbeŋŋire.

Fiitu 16:9

Ki yennu na ŋamm yekitib nan muu na; ki bi ji sukii Yennu wunba mɔk fara na paŋ na sann, ŋaan ki bi lek bia ki sak nan bin lebit bi dudukit kii teenɔ nibaakiri.