2 Timoti 2:2 - Yennu Gbounpaauŋ Mɔɔr

² Fa poŋ din gbat wannu nba n peŋ niib bonchiann boor ni na, a jiir ki wann nisiab nba tee yadadamm, binba mun sa fit wann nileeb mun.

Yennu Gbouŋ Mɔɔr

² Faa poŋ din gbat wannu nba n peŋ, niib bonchiann numm ni na, a jiir ki wann nisiab nba tee yadadamm, binba saa fit wann leeb mun.

2 Timoti 2:2 ပူးပေါင်းရင်းမြစ်များ

Matiu 13:52

Ki u betib a “Li paak, Yennu sennu wanntɔɔ nba kur tumii n wannu ki jii jiin Yennu naan po ki bann li paak fanu, u tee kaman nan ŋaadaanɔ nba nyint bonkpera nan bonpaana u mɔkint ni nee.”

Matiu 24:25

Gbiintir man, n poŋ dɔŋ betiewa, ki yoo maŋ daa ki baari.

Barŋanii nba ki LUK din sɔb nae na 12:42

Ki ti Yomdaanɔ Yisa jiin ki yetɔ a “Daabilannɔe tee yandaanɔ ki tuun u chanbaa nba wantɔ biaŋinba? ŋɔɔe tee wunba ki u chanbaa sa teenɔ daabiyudaanɔ a wuu gorii daaba kur nba be u ŋaak ni, kii teemm mann yoo kur nba jaŋ.

1 Korint teeb 4:2

Li paak, linba tee majaann tee nnee, li ŋan ki toontunnɔ-n tuun nan barmɔnii.

2 Korint teeb 2:14

Ŋaan ti teen Yennu niipoouk, kimaan ta gaa nan Masia na paak te ki ti nyant bonsiar kur. Yennu jiit a ti fiit Masia ki wann sɔɔ kur mun; ki u barŋanii bannu tee kaman nan tulaarii nba nubir man biaŋinba nee.

2 Korint teeb 3:5

Ti ki want ti mɔŋ nan ti sa fit tun siar nan ti mɔŋ mɔŋ paŋ kaa, ŋaan Yennu sann paak ti sa fit tun siara.

Kolosa teeb 1:7

I din tumii Yennu ninbatinu maŋ po ti toontunlɔɔ Epafras wunba ki ti loonɔ na boor ni; ŋɔɔe tee Masia toontunnɔ nba tuun nan barmɔnii i boor ni ki turit,

1 Timoti 1:12

N teen ti Yomdaanɔ Yisa Masia wunba turin paŋ a man tun u toona niipoouk, kimaan ŋɔɔe yet a n jaŋ nan toona maŋ, ki te ki n tuun teenɔ,

1 Timoti 1:18

N bik Timoti, n jikit kpaanii maŋ ki tee a nuu ni. Kpaanii maŋ tee kaman nan mɔbona nba ki sɔkiniinba din poŋ pak a po sianyoo nba gar na. Jiin barii maŋ ki teenn jatiat ki kɔn kunkɔnŋann,

1 Timoti 4:14

Daa tammit Yennu Seyeeŋ piinii nba be a ni na po; ki Yennu din tura piinii maŋ kimaan sɔkiniinba din pak a po yoo nba ki yudamm din yii bi nii a paak.

1 Timoti 4:6

Li-i tee ki a jii kpaanii nba na tur Yisa Masiaweira na, a sii tee u toontunŋanɔe, ki sii dint a mɔŋ nan maan nba ki ti teen yada na nan wannŋanu nba ki a waa maŋ na.

1 Timoti 5:22

A daa mantik jekir ki yii a nii sɔɔ paak a wun teen Masiaweira yudaanɔ. A daa kɔɔnt a nuu siab toonbiit tumu ni; i dia a mɔŋ fanu.

1 Timoti 6:12

Yabit a mɔŋ kii waa yada sɔnu nan nunmɔnn, kii mɔk manfoor nba kaa gbennu; ki Yennu din yiina ki a gaar manfoor maŋ yoo nba ki a din nyinn a mɔŋ siarŋann niib bonchiann numm ni na.

2 Timoti 3:10

Ŋaan fin ŋanin poŋ wei n wannu nan n binbeŋ, nan n dudukita. A poŋ mi ma teen Masia yada biaŋinba, nan n sukuru, nan n loomm nan niib, nan n gbankur,

2 Timoti 3:14

Ŋaan fin ŋanin, a dia barii nba ki a tumii ki teenir yada na, kimaan a poŋ mi nan binba din tee a wannteeb na tee barmɔnii damme;

Hiibru teeb 2:17

Linba na want nan li din kpaa talase a wuu tee kaman nan u naa waas na u binbeŋ kur ni, ki teen bi mantɔyudaanɔ nba tee ninbatinu daanɔ ki bia tee barmɔnii daanɔ, ki jii u mɔŋ ki teen marouŋ ki tur nisaarii Yennu boor ni, a wun nyik chab bi biit.