2 Timoti 2:19 - Yennu Gbounpaauŋ Mɔɔr

¹⁹ ŋaan Yennu nigannkab ŋanin see, ki kan mi ki dammi; ki mɔbona nba sɔb pukin bi paak tee nnee a: “Ti Yomdaanɔ mi binba tee u yab,” ki bia sɔb a, “Wunba kur yet a u tee ti Yomdaanɔ yɔɔe, li kpaa talase ki wun nyik toonbiit tumu.”

Yennu Gbouŋ Mɔɔr

¹⁹ ŋaan Yennu mɔmaan na ŋarin see-e chib nan fiakir nba kan mi damm na; ki mɔbona nba sɔb li paak tee nnae a: “Ti Yomdaanɔ mi binba tee u yab.” Li bia sɔb a, “Wunba kur yet a u tee ti Yomdaanɔ yɔɔe, li kpaa talas ki wun nyik toonbiit tumu.”

2 Timoti 2:19 ပူးပေါင်းရင်းမြစ်များ

Jɔɔnn 10:14

Mine tee pekpaaŋaŋ. N Baa Yennu nba min, ki n mun miu na, li mun bia tee nnee ki n mi n pei, ki bi mun min, ki n sa lu n miar bi paak.

1 Korint teeb 8:3

Daanɔ nba loon Yennu, ŋɔɔe ki Yennu miu.

Barŋanii nba ki LUK din sɔb nae na 13:27

Ki u bia tan sa jiin ki beti a ‘N ki mi ya nyii siami, a yimm biitdamm kur na, seetir n boor ni na man.’

Galasia teeb 4:9

ŋaan mɔtana i bann Yennuwa, ki Yennu mun mi-i, li jin teen nlee ki i loon ki i ŋmat tunn ki wei bonsiar nba ki mɔk yaak nba sa sommi na boor ni? Bee teen ki i jin loon ki i bia kpant bi daaba?

Fiitu 3:8

ŋɔɔe yet a ‘N mi i toona nba tee biaŋinba, ŋaan gotir, n loot gann ki turi, ki sɔɔ kan fit loonni. N mi nan paŋ nba ki i mɔk na, li waar, ŋaan nanna kura, i bia lek dia n wannu na, ki ki nɔi nan i ki mimi.

Fiitu 22:4

Ki bi sa la u numm po, ki u sann sa sɔb bi yugbia paak.

Efesus teeb 4:30

I daa te ki Seyeeŋ nba tee Yennu yent dɔk i paak na-n la parbiiri. Ŋɔɔe tee dɔk nba want nan Daar baat na ki Yennu tan sa turi yentinmɔŋ nan barmɔnii.

1 Korint teeb 1:2

Yisa Masia paake ki i tee Yennu niib, ki u yiini kii teen u niib nan binba kur yi ti Yomdaanɔ Yisa Masia sann siaminba kur; ŋɔɔe tee bi Yomdaanɔ ki mun bia tee ti Yomdaanɔ.

2 Piita 3:14

N naa walonkai, ya guu bona maŋ na paak, yii yabir i mɔŋ paak kii mɔk parmaasir, nan binbenyeeŋ, ki daa mɔk biit Yennu boori.

2 Korint teeb 7:1

N naa walonkai, Yennu nba senn mɔsona ki turit na paak, yi ŋaan ki ti nyik linba kur tee toonbiit, nan linba kur tee dudukbiit, ŋaan tiin Yennu, kii tee popeendamm nan barmɔnii.

Fiitu 2:13

ŋɔɔe yet a ‘N mi nan siaminba ki i be na tee siaminba ki Sintaanii naangbouŋ na be, ki n mi nan i set dia n sann; yoo nba ki bi din tan kpii Antipas nba din tee n siara daanɔ nan barmɔnii, i mɔŋ doo nba ki Sintaanii be na, li yoo maŋ gbaa ki i ki yêt n sɔnu.

Matiu 7:23

Li yoo ki n mun tan sa jiin ki yetib a ‘N ki miini, yimm toonbiit damm na, seetir nna man!’

Efesus teeb 3:15

wunba yaa boor ni ki Yendɔuŋ ni nan tingbouŋ na ni nibooru kur gaan bi yejamm maaru ni sana.

Rom Teeb 15:20

Ŋanne ki n lin nan ninmɔnn ki mɔɔntir Masia barŋanii na ki teen niib nba ki mi gbati; n ki loon mii lin kii lei siaminba ki niib poŋ dɔŋ mɔɔnt leŋi,

Toona 15:17

a ki li paak, nisiab kur nba be tingbouŋ na ni ki ki tee Israel teebi, ŋaan ki n gannib na a bin nakin min nba tee bi Yomdaanɔ.

Matiu 7:25

ki saak tan baa, ki nyun gbee ki yat nan doo, ki wouŋ da, ki nyunpana koon ki liat ŋaak maŋ dikpina, ŋaan ki li lek see ken ken ki ki baa, kimaan u din maar tanpiiuk paake.

1 Jɔɔnn 2:19

Masia datai maŋe nyii ti ni; ŋaan bi ki tee ti yabi. Bi-i bo-i tee ti yabie, timm nan ŋammii bo sii lakin be; ŋaan bi nyikita, ki li want nan bi kur ki tee ti yab setik nan mɔnii.

Rom Teeb 12:9

Ŋaant ki loomm-ii tee barmɔnii loomm, ŋaan kii soor linba ŋan na fanu, ŋaan kii nân biit.

Barŋanii nba ki MAK din sɔb nae na 13:22

kimaan faak Masianba nan faak sɔkiniinba tan sa baar ki tuun nyina nan bakitnauŋ toona, a bin kpann niib. Ki li-i taŋŋi sa fit gbaa, bi tan sa kpann binba tee Yennu nifogannkab tiauŋɔ gbaa.

Rom Teeb 9:11

Yoo nba ki bi daa din ki marib ki bi ki tun linba ŋan amii linba bi na, ki Yennu din yet a bikperik na tan sii tee waarɔ po na jiamɔ. Yennu din yet nna a u loomm na-n saan tɔɔnn. Li paak, u loomm na tee wun gann niibe, li ki tee bi toona paak kaa ki bi tee u niibi; ŋaan li tee wa loon ki gann nee.

1 Timoti 6:19

Nnee sa te ki bii mɔk mɔkint sanpaapo kii guu bi mɔŋ yoo nba tan sa baar na; ki bi sii fit mɔk manfoor nba tee barmɔnii manfoor.

Rom Teeb 8:28

Binba ki Yennu yiimm na, ki u mɔk linba paak ki u yimme, ki bi mɔk loomm nanɔ, ki ti mi nan linba kur tuun, u te ki li teen bonŋann ki teen ŋamme.

Toona 9:14

U daan gaar yikoo jiantu yudamm boor ni, ki baar nna, a wun soor wunba kur yi a sann.”

Jɔɔnn 13:18

“N ki piak i kura po kaa. N mi yimm nba ki n ganni na para ni. Li sɔb Yennu gbouŋ ni a ‘Daanɔ nba ki min nan ŋɔɔ lakin di na, ŋɔɔe yaa wun nyi n poor.’ See ki sɔbu na fabir teen mɔnii ki gbeen.

Matiu 24:24

kimaan li yoo maŋ, faak Masianba nan faak sɔkiniinba tan sa nyi ki tuun nyina nan bakitnauŋ toonjaana a bin kpann niib; ki li-i taŋŋi fit gbaa, bi tan sa kpann Yennu nigannkab tiauŋɔ gbaa.

Efesus teeb 2:20

Fiakir yennkɔɔ nba ki sɔkiniinba nan toomiinba din fɔkin na paake ki i mun tɔɔnn ki Yisa Masia mɔŋ tee li tanjaann.

Rom Teeb 11:2

Yennu ki ŋaan u niib nba ki u dɔŋ gannib na. I mi la sɔb Yennu gbouŋ ni ki want Elaija nba din beer Yennu, Israel teeb biit po biaŋinba a

Barŋanii nba ki LUK din sɔb nae na 6:48

u naan nan jɔɔ nba din maa u ŋaak nee. Sinsinn u din gbiir fiakir ki li suŋ, ki saa tuu tanpiiuk, ki ji fɔkin fiakir maŋ li paak. Li poorpo ki saak tan baa bonchiann, ki kpenu gbee nan nyunmɔnn ki saa doo ki yir ŋaak maŋ, ŋaan ki li ki baa, kimaan u din maar bonŋanne.

Rom Teeb 15:9

ki te ki binba ki tee Juu teeb na-ii dont Yennu sann u ninbatinu paak. Li sɔb nnee Yennu gbouŋ ni a David yet a “N sa tura niipoouk binba ki tee Juu teeb na boor, ki yin yanii ki paka.”

Fiitu 21:14

Doo maŋ fiakir see tana piik nan ŋannlee paake, ki Pebik na toomiinba piik nan bannlee na sana sɔb tana piik nan ŋannlee na paak.

Hiibru teeb 11:10

Kimaan Abraham din guu a wun tan kɔɔ Yennu nba din bɔɔn doo nba ki maa na, ki li doo tee linba sii yɔɔ ki be.

Matiu 28:19

Li paak, i saa man tingbouŋ na ni, nibooru kura boor ni, ki saa teemm n poorpoweiteeb, ki wurib Yennu nyunwuru, n Baa Yennu sann ni, nan min u Bija sann ni, nan Seyeeŋ sann ni,

Fiitu 17:8

a bonkobuk nba ki n la na daan fo sianyoo, ŋaan ji ki fo, ŋaan sa nyi bootsunsuŋ nba kaa terik na ni ki do, ki sa saan siaminba ki u sa biir na boor; a ki niib nba be tingbouŋ na ni ki bi sana ki sɔb manfopaann teeb gbouŋ ni yoo nba ki dunia daa din ki piin na, sa got bonkobuk na lin bakitib, kimaan bee paake? bonkobuk na din fo, ŋaan ji ki fo, ŋaan bia tan sii fo;

Toona 11:26

Wa saa lau yoonba ki u jen nanɔ Antiok, ki bi din jii binn munn ki taan nan Yisaweira, ki want niib bonchiann Yennu maan. Li din tee Antioko ki bi din sint ki pur Yisaweira a “Kristo teeb.”

Jɔɔnn 3:33

Ki bia jenna, ki wunba gaar u maan maŋ, li want nan ŋɔɔe saak nan Yennu maan maŋ tee barmɔnii.

1 Timoti 3:15

ŋaan li-i yukir ki n ki baar, gbouŋ na sa te ki a bann ta sii be biaŋinba Yennu ŋaaniib sinsuuk ni, binba ki ŋɔɔ Manfodaanɔ Yennu gannib na. Ŋamme dia barŋanii nba tee barmɔnii na, ki bia set li paak.

Barŋanii nba ki MAK din sɔb nae na 12:16

Ki bi baar nann. Ŋanne ki u boib a “Ŋmee naauŋ nan sanne be li paak na?” Ki bi yetɔ a “Siisa yare.”