2 Timoti 2:14 - Yennu Gbounpaauŋ Mɔɔr

¹⁴ A tiar a niib linba na, ki turib kpaanii Yennu boor a bi daa kɔn mɔbona paaki; ŋann ki mɔk nyɔɔt, ŋaan li biir binba gbiin nee.

Yennu Gbouŋ Mɔɔr

¹⁴ A tiar a niib linba na, ki turib kpaanii Yennu boor, a bi daa kɔn mɔbona paaki; ŋann ki mɔk nyɔɔt, ŋaan li biir binba gbiin nae.

2 Timoti 2:14 ပူးပေါင်းရင်းမြစ်များ

Matiu 16:26

Li-i tee ki nirɔ yen tingbouŋ na mɔkint kura, ŋaan tan kɔŋ u manfoor, nyɔlantpoe ki u sa la? Sɔɔ kan fit jii siar ki daa u manfoori.

Toona 13:10

ki tan yetɔ a “Fin, nibiiuk daanɔ nba gbee nan kpinkpannii na! Fine tee Sintaanii bik, ki bia tee toonŋana kur dataak. Fin ŋarin, yoo kur a jikit Yennu barmɔnii ki kpintir faake.

Toona 15:24

Ti gbat ki ti nisiab baar i peŋ, a ki piaki barsai ki li daamii-i ki ŋmat i yan, ŋaan ti mun ki wannib siar, a bin tan teen nna,

Rom Teeb 14:1

Gaat man yadakanpɔɔna damm na, ŋaan daa nɔi namm mɔniɔk bi yada ni.

Galasia teeb 1:7

Nisiab be ki yabii bi mɔŋ a bin lebit Masia barŋanii na ki ŋmat i dudukit; ŋaan barmɔniie, barŋansiar ji kaa.

Efesus teeb 4:17

Ti Yomdaanɔ sann paak, n kpaaniie, i ji daa be kaman nan binba ki mi Yennu, ki bi dudukit be bunbɔnn ni, ki li ki mɔk nyɔɔt biaŋinba na.

1 Tesalonika teeb 4:1

Ti naa waas, ya din tumii ti peŋ biaŋinba ki i sii tuun ki pent Yennu par ni na, nnee ki i poŋ din tuun. Mɔtana, ti barimiie ki kpaani ti Yomdaanɔ Yisa sann paak, yii ŋammit kii tuun nna man,

2 Tesalonika teeb 3:6

Ti naa waas, ti Yomdaanɔ Yisa Masia sann ni ki ti beeri, yi nyinn i mɔŋ nan ti naa wasiat nba tee gbannyakdamm kura na sinsuuk ni, nan binba ki waa ta din turi kpaanii nba na sinsuuk ni.

1 Timoti 1:4

ki daa fiin bi yejamm ni barkpera nan yaadindɔnfɔkit nba baat nan mɔniɔk. Ŋann ki mɔk sommir ki teen niib ki bi sa tumii Yennu sɔnu; yada paake te ki ti bannir.

1 Timoti 1:6

Ki nisiab nyik linba nawa, ŋaan bot kɔɔ jat labafaanu ni.

1 Timoti 4:8

Toona tumiiu nba pukii gbanant paŋ mɔk nyɔɔt waaminnee, ŋaan yentinu tumiiu nyɔɔte yab gar bonsiar kur. Kimaan li mɔk nyɔɔt ki turit tingbouŋ na ni mɔtana, nan Yendɔuŋ ni yoo nba baat na.

1 Timoti 5:21

Yennu tɔɔnn nan Yisa Masia tɔɔnn nan malakagannteeb tɔɔnn po ki n teena kpaanii nba na, a fan sak wannu na ki daa mɔk ningannsai amii lukitin ki teen nisɔɔ bonsiar kur ni.

1 Timoti 6:13

N kpaana kpaaniie Yennu nba teen bonsiar kura manfoor, nan Yisa Masia tɔɔnn po; ŋɔɔe din nyinn u mɔŋ siarŋann Ponshus Pailat numm ni; n kpaana kpaaniie, a fii dia Yennu sennu fanu ki biit-ii kaa mɔkmɔk nan daar nba ki ti Yomdaanɔ Yisa Masia na tan sa dɔkit.

2 Timoti 1:6

Li paak, ki n tiana ma fan fiin piinii nba ki Yennu tura yoo nba ki n din jii n nii yii a paak na,

2 Timoti 2:16

A nyinn a mɔŋ labafaanu nba ki tee Yennu yari ki bia ki mɔk nyɔɔti, ki sa te ki niib-n fɔkit nan Yennu.

2 Timoti 2:23

A tin ki nyik jatii nan li mɔniat. A poŋ mi nan li joontir nan kunkɔnae.

2 Timoti 4:1

Yisa Masia nba tan sa bu footib nan kpeemm buut, wunba tan sa jen ki di naan na, ŋɔɔ nan Yennu tɔɔnn po ki n beera,

Taitus 3:1

A tiarib ki bin tur bi tiŋ yudamm nan yentdamm nibaakir, ki sak bi mɔi, ki teen siir ki tun toonŋana kura.

Hiibru teeb 13:9

I daa ŋaant ki wannsaanbooru booru-n te ki i boti, ki i tan sa mann tut sɔnŋanu maŋ. Li ŋan ki Yennu sommir-n tur nirɔ paŋ u par ni; jeet sennii weiu kan turɔ paŋi. Nisiab nba dia jeet sennii poŋ ki laat sommsiar li ni.

2 Piita 1:13

ŋaan n dukin nan li ŋan ki n ŋamm tiari ki fiin i dudukit ma daa be n manfoor ni na.