2 Timoti 2:10 - Yennu Gbounpaauŋ Mɔɔr

¹⁰ Ŋaan Yennu nigannkab na paak ki n lek di sukuru fara kura ni, a bin mun la tinnu Yisa Masia paak, kii mɔk parpeenn nba kaa gbennu na.

Yennu Gbouŋ Mɔɔr

¹⁰ Ŋaan Yennu nigannkab na paak ki n lek di sukuru biak kur ni, a bin mun la tinnu Yiisa Masia paak, kii mɔk parpeenn nba kaa gbennu na.

2 Timoti 2:10 ပူးပေါင်းရင်းမြစ်များ

Matiu 24:22

Yennu-i taŋŋi kii wat daa maŋ yabinti, sɔɔ tan kan tinni; ŋaan u nigannkab paak ki u tan sa wat daa maŋ yabint.

Matiu 24:24

kimaan li yoo maŋ, faak Masianba nan faak sɔkiniinba tan sa nyi ki tuun nyina nan bakitnauŋ toonjaana a bin kpann niib; ki li-i taŋŋi fit gbaa, bi tan sa kpann Yennu nigannkab tiauŋɔ gbaa.

Matiu 24:31

Gatgaak tan sa bui, ki n tun n malakanba ki bin saan ki saa tikir n nigannkab nba be tingbouŋ na loka ŋanna na kur po ki baar.

Barŋanii nba ki LUK din sɔb nae na 18:7

Wa yaa a u sa turɔ mɔnii na, ki Yennu nigannteeb nba meiɔ yennu nan nyiɔk na, ŋɔɔ Yennu kan bu ki turibii? U sa yukiraa?

Barŋanii nba ki LUK din sɔb nae na 22:57

Ki Piita yetɔ a “Bonpobik, n ki miu.”

Jɔɔnn 11:52

Ŋaan li ki tee Juu teeb kuukɔɔ kaa ki u tan sa gaar bi paak ki kpo, ŋaan nan binba kur tee Yennu niib ki yat be tingbouŋ na ni nae ki u sa gaar bi paak ki kpo, ki bin taan nan leeb mɔyomm.

Jɔɔnn 17:24

“N Baa, a turib mine, ki n loon ki bii taŋŋi be ma tan sii be siaminba, ki bin fit lian la fa dont n sann biaŋinba na, kimaan a din loonime yoo nba ki a daa din ki nan dunia na.

Jɔɔnn 17:9

“Tɔn, mɔtana n ji meia bi paake na. N ki meia tingbouŋ na niib kur paak kaa, ŋaan mɔtana n meia binba ki a turin na paake, kimaan bi tee a yabe.

Rom Teeb 2:7

Nisiab mɔk mintir ki tuun toonŋana ki loon ki Yennu-n pakib ki turib nyɔɔt nan manfoor, ki ŋamme set sa la manfoor nba ki mɔk gbennu.

Rom Teeb 9:23

ki bia poŋ dɔŋ gann niib nba ki u tinib ninbaauk na a wun donnib ki wann wa mɔk burchint bonchiann biaŋinba.

1 Korint teeb 1:21

Yennu nba mɔk yan na te ki tingbouŋ na teeb yan kan fit te ki niib-n bannɔ. Li paak, ki u te ki binba teen Yisa yada na tinn; jatii labaar nba ki ti mɔɔntir ki teen niib na paak ki bi tinn.

1 Korint teeb 9:22

Binba yada waar na ki n kpint ki teen kaman nan bi yenɔ na a bin tinn. N lebit n mɔŋ bonsiar kur ni ki tur niib kur ki loon bi siab-n tinn.

2 Korint teeb 1:6

Ta loon ki tin maan i para ki te ki yin la tinnu na paake te ki ti di fara. Ti-i la parmaann, li tee i paake, a tin mun maan i para, ki yin mun la sukuru ki di fara kaman nan ta mun dir biaŋinba na.

2 Korint teeb 12:15

li paake te ki li maŋin nan man jii n mɔŋ ki turi, ki tun nan nunmɔnn ki sommi. Ki mi-i looni bonchiann, yimm sii loonin waaminnee?

2 Korint teeb 4:15

Kimaan linba na nba kur be a lin somm yimme, ki niib bonchiann nba tan sa la Yennu ninbatinu na, bi tan sa turɔ niipoouk bonchiann, ki dont u sann.

2 Korint teeb 4:17

Li paak, farmintik nba ki ti di ki li kan yukiri, li tan sa baar nan parpeenn nba yab ki kaa gbennu ki turit, ki parpeenn maŋ tan sii yab ki gar ti fardinu na bonchiann,

Efesus teeb 3:13

Li paak, n barimiie a i daa te ki i para-n biir nan ma di fara i paak na, kimaan li kur tee i nyɔɔt paake.

Kolosa teeb 1:24

Ki mɔtana n mɔk parpeenn n fara dinu ni i paak, kimaan ma di fara maŋ biaŋinba na, n tontir fara dinu nba ki Masia din senn ma n di u gbanant nba tee u weira na paak na.

Kolosa teeb 1:27

Yennu lor a wun fiit woonin ni maan maŋ ki wann u niib maŋe. U woonin ni maan maŋ ŋan bonchiann, ki tee niib kur yare. Li want nan Masia be i ni; li paak, i mɔk dindann nan i tan sii be fanu ki gbenn.

1 Tesalonika teeb 5:9

Kimaan Yennu din ki gannit a wun tan dat ti tuba kaa, ŋaan u gannit a tin la tinnu ti Yomdaanɔ Yisa Masia paak;

2 Tesalonika teeb 2:14

Ta din mɔɔnt barŋanii nba ki turi na, ki Yennu yiini ki tinni a yii be fanu kaman nan ti Yomdaanɔ Yisa Masia nba be biaŋinba na.

2 Timoti 1:1

Min Pɔɔl wunba tee Yisa Masia toomii Yennu loomm paak na, a n mɔɔnt manfoor nba ki Yennu din lor turit Yisa Masia paak na,

2 Timoti 2:1

N bik, fin ŋanimi chee a par Yisa Masia nba somma biaŋinba u ninbatinu na paak.

2 Timoti 2:3

A sak nan fardinu Yisa Masia paak kaman nan lanjiŋanɔ na.

Taitus 1:1

Min Pɔɔl, wunba tee Yennu daabir nan Yisa Masia toomii na, mine ki Yennu gannin ki tumin u nigannkab boor a n chee bi yada, ki te bin bann u barmɔnii labaar nba wantit yentinu sɔnu.

1 Piita 2:10

Sianyoo i din ki tee Yennu niibi, ŋaan mɔtana i set tee u niibe; sianyoo u din ki tini ninbaauku, ŋaan mɔtana u tini ninbaauka.

1 Piita 5:10

Ŋaan li-i tee ki i di fara yoo waaminna, ki Yennu nba mɔk ninbatinu kur na sa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u mant nba kaa gbennu na.