2 Timoti 1:9 - Yennu Gbounpaauŋ Mɔɔr

⁹ Ŋɔɔ Yennue tinnit ki yiinit a tii tee popeendamm; wa yiinit biaŋinba, li ki tee ti toonŋana paak kaa, ŋaan u mɔŋ din senn a u sa tint ninbaauk Yisa Masia paak; u din senn nnee yoo nba ki u daa ki nan dunia na.

Yennu Gbouŋ Mɔɔr

⁹ Ŋɔɔ Yennu-e tinnit ki yiinit a tii tee popeendamm. Waa yiinit biaŋinba, li ki tee ti toonŋana paak kaa, ŋaan u mɔŋe din senn a u saa tint ninbaauk, Yiisa Masia paak. U din senn nnae yoo nba ki u daa ki nan durinya na.

2 Timoti 1:9 ပူးပေါင်းရင်းမြစ်များ

Matiu 1:21

U tan sa mar bonjabike, ki a sa pur u sann Yisa, kimaan u tan sa nyinn u niib bi biit ni.”

Barŋanii nba ki LUK din sɔb nae na 10:21

Li yoo maŋ ki Yennu Seyeeŋ din te ki Yisa mɔk parpeenn hei, ki u yet a “N Baa Yennu wunba tee sanpaapo nan tingbouŋ na Yomdaanɔ, n piaka, kimaan a bɔr labaar maŋ subindamm nan miteeb, ŋaan fiit wann waase; kimaan nnee ki a loon a tun, ki li mana.”

Jɔɔnn 17:24

“N Baa, a turib mine, ki n loon ki bii taŋŋi be ma tan sii be siaminba, ki bin fit lian la fa dont n sann biaŋinba na, kimaan a din loonime yoo nba ki a daa din ki nan dunia na.

Jɔɔnn 17:9

“Tɔn, mɔtana n ji meia bi paake na. N ki meia tingbouŋ na niib kur paak kaa, ŋaan mɔtana n meia binba ki a turin na paake, kimaan bi tee a yabe.

Jɔɔnn 6:37

Ŋaan wunba kur ki n Baa Yennu jiiu ki turin, u sa baar n boor ni ki teenin yadawa. N kan mi yêt wunba baar n boor ni,

Toona 15:18

Nnee ki ti Yomdaanɔ Yennu din yet, ŋɔɔ wunba te ki bi bann linba na yaayoo niwa.’ ”

Toona 2:47

Ki yoo kur ki bi piak dont Yennu sann, ki sɔɔ kur par mei bi paak. Ki daar kur ki ti Yomdaanɔ bia ŋammit ki te ki niib laat tinnu ki pukii bi paak.

Rom Teeb 11:14

Mi-i bo-i sa fit te ki n mɔŋ booru niib Juu teeb-ii mɔk funfunn binba ki tee Juu teeb na paak, li pasiar ŋanne sa te ki Juu teeb na siab-n tinn.

Rom Teeb 11:29

kimaan Yennu-i gann niib ki turib piinii, u ji ki lebitir u pari.

Rom Teeb 16:25

Li ŋan ki tin baak Yennu, kimaan u fit te ki i set waau fanu kaman nan ma mɔɔnt barŋanii ki jiin Yisa Masia po na, ki fiit woonin ni maan nba din bɔr bina bina na.

Rom Teeb 3:20

Sɔɔ kaa ki sa fit wei sennu na nba senn biaŋinba ki teen niŋanɔ Yennu tɔɔnn; sennu na paake te ki nifosaarik bann nan u tuun toonbiit.

Rom Teeb 9:11

Yoo nba ki bi daa din ki marib ki bi ki tun linba ŋan amii linba bi na, ki Yennu din yet a bikperik na tan sii tee waarɔ po na jiamɔ. Yennu din yet nna a u loomm na-n saan tɔɔnn. Li paak, u loomm na tee wun gann niibe, li ki tee bi toona paak kaa ki bi tee u niibi; ŋaan li tee wa loon ki gann nee.

Rom Teeb 9:24

Li tee timm nba ki u gann nee; ki li ki tee Juu teeb kuukɔɔ kaa, ŋaan li tee binba ki tee Juu teeb na mun biake.

1 Korint teeb 1:18

Nisiab nba bot Yennu sɔnu ni na jii Masia kuun dapunpunn paak labaar na ki li tee yanne, ŋaan timm nba tinn na mi nan li tee Yennu paŋe.

Efesus teeb 1:11

Yennu tun siar kur u dudukit nan u lora nee, ki gannit a tii tee u niib, kaman nan u bibikit nba din tee biaŋinba pinpiik niwa na.

Efesus teeb 1:9

ki fiit wannit woonin ni lora nba ki u din senn a wun tan tun Masia ni na.

Efesus teeb 2:5

li paak, ta din yêt Yennu mɔb ki li want nan ti kpoe na yoonba, li yoo na, ki u din nyinnit kuun ni, ki kɔɔnit manfoor ni Masia paak; Yennu ninbatinu paak ki i tinn na.

Efesus teeb 3:11

Ti Yomdaanɔ Yisa Masia nie ki u din tun linba na kaman nan wa din lor biaŋinba na.

Filipi teeb 3:14

Li paake te ki n tɔkin poot sɔnu maŋ ki tiin sunsonn saa nyannu bɔɔnu maŋ peŋ ma n sa gaar paauk nba tee sanpaapo manfoor ki Yennu din yiinin li paak Yisa Masia ni na.

1 Tesalonika teeb 4:7

Yennu ki yiint a tii tee biitdamm kaa, ŋaan u yaa tii tee popeendamme.

1 Timoti 1:1

Min Pɔɔl tee Yisa Masia toomii, kimaan ti Tinntɔɔ Yennu nan Yisa Masia binba tee ti dindann na turin yaak;

2 Timoti 1:1

Min Pɔɔl wunba tee Yisa Masia toomii Yennu loomm paak na, a n mɔɔnt manfoor nba ki Yennu din lor turit Yisa Masia paak na,

Taitus 1:2

N mɔk dindann nan n sii mɔk manfoor nba kaa gbennu. Yennu nba ki mi fa faak na din senn mɔsonn yaayoo niwa a u sa turit manfoor maŋ,

Hiibru teeb 3:1

N naa waas nba tee Yennu niib nba ki u din ganni na, yii dukii Yisa po, wunba ki Yennu din tumɔ a wun tan teen mantɔyudaanɔ ti Yenjiantu sɔnu ni.

1 Piita 1:20

Yennu nba daa din ki nan dunia yoonba na, ŋaan ki u poŋ gann Masia a wuu tee mannu maŋ, ŋaan ki u tan nyii paanu dajoontii na ni ti paak.

1 Piita 2:9

Ŋaan yimm ŋanin tee Yennu nigannkabe, ki bia tee u naan ni niib binba jiantirɔ, ki bia tee nibooru nba tee popeendamm, ki bia tee u tiauŋ niib, ki yii mɔɔntir u burchintuk po, ŋɔɔ nba nyinni bunbɔnn ni, ki baar nani u bakitnauŋ yentu ni.

Fiitu 13:8

Niib kur nba be tingbouŋ na ni, ki bi sana ki sɔb manfoor gbouŋ ni yoo nba ki dunia daa din kaa na, bi sa jiant muuk ni bonkobuk na. Manfoor gbouŋ na tee Pebik nba ki bi din kpiiu na yare.

Fiitu 17:8

a bonkobuk nba ki n la na daan fo sianyoo, ŋaan ji ki fo, ŋaan sa nyi bootsunsuŋ nba kaa terik na ni ki do, ki sa saan siaminba ki u sa biir na boor; a ki niib nba be tingbouŋ na ni ki bi sana ki sɔb manfopaann teeb gbouŋ ni yoo nba ki dunia daa din ki piin na, sa got bonkobuk na lin bakitib, kimaan bee paake? bonkobuk na din fo, ŋaan ji ki fo, ŋaan bia tan sii fo;