2 Timoti 1:8 - Yennu Gbounpaauŋ Mɔɔr

⁸ Li paak, mɔɔntir ti Yomdaanɔ labaar ki daa tiin fei. A bia daa tiin fei nan ma kɔɔ dansarik u paak na, ŋaan sak nan fardinu u barŋanii maŋ paak, kaman nan Yennu nba tura paŋ biaŋinba na.

Yennu Gbouŋ Mɔɔr

⁸ Li paak, ii mɔɔntir ti Yomdaanɔ labaar na ki daa tiin fei. A bia daa tiin fei nan maa be dansarik ni u paak na, ŋaan sak biakdinu u barŋanii maŋ paak, nan Yennu nba tura paŋ biaŋinba na.

2 Timoti 1:8 ပူးပေါင်းရင်းမြစ်များ

Barŋanii nba ki MAK din sɔb nae na 8:38

Ki wunba-i tiin fei ki jiin min nan n wannu na po tingbouŋ na biitdamm nan tubkangbata damm paak, min nisaarik Bik-i taŋŋi jen nan n Baa Yennu paŋ nan u malakanba, n tan sa tinɔ fei nan man jiiu ki pukin n niib niwa.”

Barŋanii nba ki LUK din sɔb nae na 9:26

Wunba tiin fei ki jîin min nan n wannu na po, min nisaarik Bik-i taŋŋi jen nan n paŋ, nan n Baa Yennu paŋ, nan u malakanba paŋ, li yoo maŋ n tan sa tin fei nan man jii li daanɔ ki pukinɔ n niib niwa.

Jɔɔnn 15:27

Ki i mɔŋ mɔŋ sii piak n po ki teen niib, kimaan i poŋ yɔɔ be nanin, la din nyii yoo nba ki n din piin ki tuun n toonn na.

Jɔɔnn 19:35

Min nba sɔbin gbouŋ nee la ba teen biaŋinba na nan n mɔŋ ninbina, ki teen siara nan li tee mɔniie, ki n mi nan n siara maŋ tee barmɔniie, ki n sɔbin linba tee barmɔnii na a i fit lian teen yada.

Toona 5:41

Ŋann maŋe ki toomiinba maŋ nyii tituk kaanu na ni nan parpeenn, Yennu nba la ki bi jaŋ nan feidinu, Yisa sann paak na.

Rom Teeb 1:16

Fei ki mɔkin nan ki n mɔɔnt barŋanii maŋ, kimaan li tee Yennu paŋ nba tint wunba kur teen Yisa yada nee; sinsinn li tee Juu teeb yare, ki mun bia tee nibooru kur yar.

Rom Teeb 16:25

Li ŋan ki tin baak Yennu, kimaan u fit te ki i set waau fanu kaman nan ma mɔɔnt barŋanii ki jiin Yisa Masia po na, ki fiit woonin ni maan nba din bɔr bina bina na.

Rom Teeb 8:36

Li teen ki turit kaman nan la sɔb biaŋinba Yennu gbouŋ ni na a “A paake ki ti be kuun fara ni sanyiɔk niwa ki tan tuu dajouk, ki ti tee kaman nan peeuk nba ki bi tuu tee siir a bin kpiu nee.”

Rom Teeb 9:33

tann nba ki bi sɔb li po Yennu gbouŋ ni a “Gotir, min Yennu bir tann Sion doo ni, linba sa te ki niib-n gbiat ki baa; a li tee tangbeŋŋire, ki bi sa birint li paak ki baa. Ŋaan wunba teenɔ yada, u kan di fei.”

1 Korint teeb 1:6

Masia labaar nba ki ti din wanni na, i gaarir fanuwa.

2 Korint teeb 6:7

ki beerib Yennu mɔmaan nba tee barmɔnii na, ki mɔk ŋɔɔ Yennu paŋ; ki bia mɔk yentinu binbeŋ nba tee jatiat nba be ti nuudiitu ni nan nuugaŋ ni na.

Efesus teeb 3:1

Linba na paake te ki min Pɔɔl wunba kɔɔ dansarik Yisa Masia toona paak na, n lek mei Yennu yimm nba ki tee Juu teeb na paak.

Efesus teeb 3:13

Li paak, n barimiie a i daa te ki i para-n biir nan ma di fara i paak na, kimaan li kur tee i nyɔɔt paake.

Efesus teeb 4:1

Min nba kɔɔ dansarik ti Yomdaanɔ toona paak na, n kpaaniie a yii ŋaan ki i binbeŋ-ii tee fanu kaman nan Yennu nba loon ki lii tee biaŋinba na.

Efesus teeb 4:17

Ti Yomdaanɔ sann paak, n kpaaniie, i ji daa be kaman nan binba ki mi Yennu, ki bi dudukit be bunbɔnn ni, ki li ki mɔk nyɔɔt biaŋinba na.

Filipi teeb 1:7

N yan be i ni. Ki mi-i dukii i po nna, li set ŋan, kimaan la nyii yoo nba ki n din be n yama ni ki gbaa barŋanii maŋ paak ma n sennir nawa, ki tan baar yoo nba ki n ji kɔɔ dansarik na, i kura mun lek mɔk li yaak booru nba ki Yennu turin na.

Filipi teeb 3:10

Linba kur ki n ji loon tee ki n bann Masia, ki bann u kuun fiiru paŋ, ki di fara nanɔ, ki n binbenkperik-n gbenn kaman nan wa din kpo biaŋinba na,

Filipi teeb 4:13

Masia nba teenin paŋ na paak, n sa fit set binbeŋ kur ni.

Kolosa teeb 1:11

Ŋɔɔ Yennu-n turi paŋ bonchiann kaman nan wa mɔk paŋ kur biaŋinba na, linba sa te ki i mɔk gbankur bonsiar kur ni, nan sukuru nan parpeenn.

Kolosa teeb 1:24

Ki mɔtana n mɔk parpeenn n fara dinu ni i paak, kimaan ma di fara maŋ biaŋinba na, n tontir fara dinu nba ki Masia din senn ma n di u gbanant nba tee u weira na paak na.

1 Tesalonika teeb 3:4

kimaan ta din daa be i boor ni yoonba na, ti din beti a bi tan sa mukisit; ki mɔtana i mɔŋ mi fanu nan li set tan baar tee nnee chib chib.

1 Timoti 2:6

wunba din jii u mɔŋ ki mann mannu ki tur sɔɔ kur na a wun nyinnib daabsin ni; ki bi mɔɔntir barŋanii maŋ yoo kur.

2 Timoti 1:10

Ŋaan ti Tinntɔɔ Yisa Masia baaru paake ki u fiit wannit li po; ki ŋɔɔ Yisa Masia din biir kuun paŋ, ŋaan bia wannit a ti-i sak u barŋanii maŋ ti sa la manfoor nba kaa gbennu.

2 Timoti 1:12

Li paake te ki n di fara dansarik ni; ŋaan ki n ki tiin fei, kimaan n mi ma jii n mɔŋ ki teen wunba nuu ni, n mi ki birsuk kaa nan u sa fit dia linba ki n jii ki teen u nuu ni na fanu mɔkmɔk nan Daar maŋ daar.

2 Timoti 1:16

Ti Yomdaanɔ-n tin Onesiforus ŋaateeb ninbaauk, kimaan u daan yoo cheen n par. U daan ki tin fei nan ma kɔɔ dansarik na paak;

2 Timoti 2:3

A sak nan fardinu Yisa Masia paak kaman nan lanjiŋanɔ na.

2 Timoti 2:8

I tian Yisa Masia po; u din fiir kuun ni, ki din tee David yaaboonn; kaman nan ma mɔn barŋanii ki wann niib biaŋinba na;

2 Timoti 2:9

barŋanii maŋ paak, ki n be nan jarit ki di fara kaman nan biitdaanɔ na; Yennu barii maŋ ŋanin ki be jarit ni.

2 Timoti 4:17

Ŋaan ti Yomdaanɔ daan be nanin ki turin paŋ ki n daan fit mɔn barŋanii maŋ kur ki tur binba ki tee Juu teeb na kura a bin gbat. Ŋɔɔe daan nyinnin yambɔr mɔb ni.

2 Timoti 4:5

Ŋaan fii tee subindaanɔ yoo kur, kii saak fardinu, kii mɔɔntir Yisa Masia barŋanii, kii tuun toona kur nba ki Yennu tura na.

1 Piita 1:5

ki guu yimm nba ki Yennu paŋ dia-i i yada paak, a yin la i tinnu nyɔɔt nba teen siir ki sa nyi paanu dajoontii na.

1 Jɔɔnn 4:14

Ki linba pukin biak, ti din laat u Bija, ki mɔtana ti mɔɔntir nan u Baa Yennu din sikinɔ tingbouŋ na ni, a wuu tee tingbouŋ na ŋaateeb Tinntɔɔ.

Juud 1:24

Yennu sa fit guui ki i daa baa, ki sa baar nani u tɔɔnn yentsaakar ni, ki i ki mɔk biiti, ŋaan sii mɔk parpeenn bonchiann;

Fiitu 1:2

Ŋanne ki Jɔɔnn din fiit ki wann linba ki u din la na kur ki li tee barii nba nyii Yennu boor ni, nan linba ki Yisa Masia din fiit ki wannɔ na.

Fiitu 1:9

Tɔn, min Jɔɔnn wunba tee i naa bik ki taan nani ki di fara nan sukuru Yisa paak, ma din lin ki mɔɔntir Yennu maan, nan Yisa barŋanii, ki bi din jiin ki saan nanin Patmos tiŋ nba ki nyun lintir na ni.

Fiitu 12:11

a Pebik na sɔn nan u barŋanii nba ki bi mɔɔntir na paake ki bi nyann Sintanii na; ki bi ki tiin bi manfoor na ki sak nan kuum-i baarib, bi sa gaar.

Fiitu 19:10

Li yoo ki n gbaan u tɔɔnn a n jiantɔ. Ki u yetin a n daa tee nna kaa, a u tee min nan n naa waas nba dia Yisa barŋanii na toontunlɔɔe, a n jiant Yennue. Yennu sɔkiniinba nba sɔkint ki yeen na, bi piak Yisa poe.