2 Timoti 1:7 - Yennu Gbounpaauŋ Mɔɔr

⁷ kimaan Seyeeŋ nba ki Yennu turit na ki teenit jaŋmaandamm kaa, ŋaan Seyeeŋ maŋ teent paŋ nan loomm, nan dianmɔŋ binbeŋ.

Yennu Gbouŋ Mɔɔr

⁷ kimaan Seyeeŋ nba ki Yennu turit na ki teenit jaŋmaandamm kaa, ŋaan Seyeeŋ maŋ teent paŋ nan lomm, nan dia-n-mɔŋ binbeŋe.

2 Timoti 1:7 ပူးပေါင်းရင်းမြစ်များ

Barŋanii nba ki LUK din sɔb nae na 10:19

Gbiintir man, n poŋ turi yikoo ki i sii ŋmaat wai nan nanii paak, kii nyant i dataak Sintaanii paŋ kur; ki siar kan teeniini.

Barŋanii nba ki LUK din sɔb nae na 15:17

Li poorpo ki u yan jen, ki u yet a ‘N baa toontunna kura laat jeet di ki li jaŋitib, ki bia tent, ŋaan ki n tan kpenn nan kon nna na.

Barŋanii nba ki LUK din sɔb nae na 24:49

Nnara, mine yaa n tan turi n Baa Yennu Seyeeŋ nba ki u senn mɔsonn a u sa turi na. Yii daa biar kii be man Jerusalem mɔkmɔk nan yoo nba ki Yennu Seyeeŋ maŋ sa nyi sanpaapo ki sik i paak ki turi paŋ.”

Barŋanii nba ki LUK din sɔb nae na 8:35

Ki niib baar a bin la linba tun na, ki saa baar Yisa boor, ki sɔɔ jɔɔ nba ki narinbiit poŋ nyii u ni na, ki u kar Yisa boor nan laafia nan u dudukit kura fanu, ki ji lia tiat; ki jaŋmaanii soor niib na.

Jɔɔnn 14:27

“Mi-i yaa n saan, n sa pi-i piinii nba tee n parmaasir na. Li ki tee tingbouŋ na parmaasir na booru kaa. I daa mɔk parbiiri. I bia daa tiin jaŋmaanii.

Toona 1:8

Ŋaan yoo nba ki u Seyeeŋ sa sik i paak ki yenti na, i sa la paŋ, ki tan sii tee n siara damm Jerusalem, nan Judea tiŋ kur ni, nan Samaria tiŋ ni, nan tingbouŋ na lokir kur po.”

Toona 10:38

I bia poŋ mi biaŋinba ki Yennu nyinn senn Yisa maŋ, ki turɔ u Seyeeŋ nan u paŋ, ki u lin ki tuun toonŋana, ki bia te ki binba kur ki Sintaanii teemm baatib na la laafia, kimaan Yennu be nanɔ.

Toona 20:24

Ŋaan n ki yi n manfoor ki li tee siari, kimaan min ŋarin loon ki n tun toona nba ki ti Yomdaanɔ Yisa turin nee ki gbenn, ki li toona tee ki mii mɔɔntir barŋanii nba want Yennu ninbatinu poe.

Toona 21:13

Ŋaan ki u ji din jiin a “Bee teen ki i mɔ ki loon ki i kɔnn n kpinkpenti? Ba tan sa lorin Jerusalem na paak kuukɔɔ kaa, ŋaan min ŋarin poŋ teen siir nan ki n kpo ti Yomdaanɔ Yisa paaka.”

Toona 26:11

“Yoo kur n din tuu yɔɔ ki mukisirib Yenjiantu diit kur ni, ki din tuu loon ki bii nɔi a bi ki waa Yisa. N din mantik donn wutoor bonchiann bi paak, ki li saa yakira. Li paak, n bia lek din tuu saa doi nba be tinganii ni, ki saa mukisirib biak.

Toona 26:25

Ki Pɔɔl jiin a “Chanbaa Festus, n ki waat kaa. Maan nba ki n piak na, li tee barmɔniie, ki bia mɔk paak.

Toona 6:8

Ki Stiifen din la Yennu sommir nan yikoo bonchiann, ki din tuun bakitnauŋ toonjaana niib na sinsuuk ni.

Toona 9:22

Ŋaan ki Sɔɔl mɔɔntii maŋ bia lek ŋammit ki pukii nan Yennu paŋ, ki u maan maŋ want nan Yisae set tee Yennu Niganntɔɔ Masia ki birsuk kaa; ki Juu teeb nba be Damaskus na ki fit jiinɔ siari.

Rom Teeb 5:5

ki dindann maŋ ni ti tan kan di fei, kimaan Yennu jii loomm nba ki u mɔk na ki teen ti para ni, u Seyeeŋ nba ki u turit na paak.

Rom Teeb 8:15

U Seyeeŋ nba ki u turi na, u ki te ki i tee daaba nan jaŋmaandamm kaa, ŋaan u te ki i tee Yennu waase ki yi Yennu a “Ti Baa.”

1 Korint teeb 2:4

N ki pak labaar maŋ nan minu nba sa maŋ niib kaawa ki bin sak li, ŋaan n pake ki Yennu Seyeeŋ na wann u paŋ,

Galasia teeb 5:22

Ŋaan Yennu Seyeeŋe te ki nirɔ mɔk loomm, nan parpeenn, nan parmaasir, nan sukuru, nan burchint, nan ŋamm, nan yada,

Kolosa teeb 1:8

ki bia betit i loomm nba tee biaŋinba Yennu Seyeeŋ ni.

Hiibru teeb 2:15

ki nyinn binba tiin kuun jaŋmaanii na bi jaŋmaanii maŋ ni, kimaan bi din tee jaŋmaanii yommiie bi manfoa kur ni.

1 Piita 1:22

Ya sak ki gaar Masia labaar nee te ki i nyii biit ni, ki ji loon i naa waas nan barmɔnii; li paak, yii loon i leeb man nan i para kura.

1 Jɔɔnn 4:18

Ti-i mɔk loomm, jijeet sii kaa. Li-i tee ki loomm mantik be nan mɔnii mɔnii, jijeet kan la yaak kii be ti ni, kimaan tubdatu paake ki ti tuu jee. Li-i tee ki nirɔ jee jijeeti, u ki mɔk loomm nan barmɔnii.