2 Timoti 1:12 - Yennu Gbounpaauŋ Mɔɔr

¹² Li paake te ki n di fara dansarik ni; ŋaan ki n ki tiin fei, kimaan n mi ma jii n mɔŋ ki teen wunba nuu ni, n mi ki birsuk kaa nan u sa fit dia linba ki n jii ki teen u nuu ni na fanu mɔkmɔk nan Daar maŋ daar.

Yennu Gbouŋ Mɔɔr

¹² Li paake ki n di biak ŋaan ki tiin fei, kimaan n mi maa jii n mɔŋ ki teen wunba nuu ni, n mi ki birsuk kaa nan u saa fit dia linba ki u jii teen n nuu ni na fanu mɔkmɔk nan joontu Daar na ni.

2 Timoti 1:12 ပူးပေါင်းရင်းမြစ်များ

Matiu 12:21

U sann paake, ki binba ki tee Juu teeb na tan sii mɔk dindann.”

Matiu 24:36

“Ŋaan sɔɔ ki mi daar maŋ amii yoo nba ki n sa jeni; li sanpaapo malakanba, amii min Yennu Bija mɔŋ ki mi, see n Baa Yennu kuukɔɔe mi.

Matiu 7:22

Daar maŋ daar-i taŋŋi baari, niib bonchianne tan sii yin ki yeen a ‘Ti Yomdaanɔ, ti Yomdaanɔ, ti din ki sɔkint Yennu maan a sann ni-ii? A sann nie ki ti din nyint narinbiit niib ni, a sann nie ki ti bia tuun bakitnauŋ toonjaana.’

Barŋanii nba ki LUK din sɔb nae na 10:12

N beerie nan buut bunu daar, doo maŋ niib tubdatu tan sa gar Sodom teeb yara.”

Barŋanii nba ki LUK din sɔb nae na 23:46

Ki Yisa tan yikin sanpaapo ki yet a “N Baa Yennu, n jikit n seek ki tee a nuu ni.” Wa yet nna maŋ ŋaan ji kpo.

Jɔɔnn 17:15

N ki meia ma a nyinnib tingbouŋ na ni kaa, ŋaan n meia ma i baak bi paake fanu, ki bonbiiuk daanɔ Sintaanii daa baat ki biiribi.

Jɔɔnn 6:44

Sɔɔ kan fit ki baar n boor ni ki teen n yɔɔ, ki li ki tee ki n Baa Yennu nba tumin na kaa te ki u baari, ki n tan sa fiin li daanɔ kuun ni dunia gbennu daar.

Toona 13:46

Ŋaan ki Pɔɔl nan Banabas lek bia yeen nan parcheenn a “Li kpaa talase nan ki tin sint pak Yennu maan ki tur yimm Juu teeb. Ŋaan ya yêt maan maŋ, ki bia dukin nan i ki ŋan nan i la manfoor nba kaa gbennu na, li paake te ki ti nyikiti, ŋaan saa binba ki tee Juu teeb ni na,

Toona 13:50

Li yoo na ki Juu teeb na din fiin Antiok na yudamm, nan poojaana nba din tee yentina, wutoa, ki bi jak Pɔɔl nan Banabas muksuk, ki berib nyinnib bi yent ni.

Toona 21:13

Ŋaan ki u ji din jiin a “Bee teen ki i mɔ ki loon ki i kɔnn n kpinkpenti? Ba tan sa lorin Jerusalem na paak kuukɔɔ kaa, ŋaan min ŋarin poŋ teen siir nan ki n kpo ti Yomdaanɔ Yisa paaka.”

Toona 7:59

Bi din jaatɔe dik dik dik; ki u din tan yiin ti Yomdaanɔ a “N Yomdaanɔ Yisa, gaat n seek na;”

Toona 9:16

ki n mɔŋ sa wannɔ muksuk nba kur ki u sa di n paak.”

Rom Teeb 1:16

Fei ki mɔkin nan ki n mɔɔnt barŋanii maŋ, kimaan li tee Yennu paŋ nba tint wunba kur teen Yisa yada nee; sinsinn li tee Juu teeb yare, ki mun bia tee nibooru kur yar.

Rom Teeb 9:33

tann nba ki bi sɔb li po Yennu gbouŋ ni a “Gotir, min Yennu bir tann Sion doo ni, linba sa te ki niib-n gbiat ki baa; a li tee tangbeŋŋire, ki bi sa birint li paak ki baa. Ŋaan wunba teenɔ yada, u kan di fei.”

1 Korint teeb 1:8

U sii guui nan ti Yomdaanɔ Yisa Masia jenu daar maŋ ki i tan daa mɔk biiti.

1 Korint teeb 3:13

Masia baaru daar maŋ nie, ki sɔɔ kur toona nba tee biaŋinba tan sa nyi paanu. Muue tan sa fiit wannir, ki bikin sɔɔ kur toona ki wann la tan sii tee biaŋinba.

Filipi teeb 1:20

N par ni loomm nan n dindann tee ki n daa dint n mɔŋ feie, ŋaan n sii mɔk parcheenn mɔtana nan yoo kura, ki mi-i lekii kpo amii ma be, ŋaan li kura sa dont Masia sann n po,

Filipi teeb 3:10

Linba kur ki n ji loon tee ki n bann Masia, ki bann u kuun fiiru paŋ, ki di fara nanɔ, ki n binbenkperik-n gbenn kaman nan wa din kpo biaŋinba na,

Filipi teeb 3:21

U tan sa lebit ti gbananchɔkint nba sa kpo na ki lii naan kaman nan u Yendɔuŋ ni gbananpaann nee. U tan sa jii paŋ nba te ki u yen bonsiar kur nee ki tun nna.

Filipi teeb 3:8

Li ki tee li kuukɔɔ kaa ki mɔk nyɔɔt turimi; min yiin bonsiar kura linba kaa nyɔɔte; kimaan ma bann n Yomdaanɔ Yisa Masia ki li bannu nyɔɔt yab bonchiann na paak, kimaan u paake ki n fok bonsiar kur ki lu; min yi li kur tanpenn paak mɔɔte ma n tan la Masia nan n ninbinn,

1 Tesalonika teeb 2:16

Bi yabii bi mɔŋ paak gbaa a bin gɔɔrit ki ti daa mɔɔntir Yennu barŋanii ki tur binba ki tee Juu teeb na a bin la tinnu. Linba nee want nan bi poŋ pukin bi toonbiit nba ki bi tuu tuune mɔkmɔk nan Yennu wutoor nba ji daan tan baar nan tubdatu bi paak.

1 Tesalonika teeb 5:4

Ti naa waas, yimm ki be bunbɔnn ni kaa; li paak, li daar tan kii tee kaman nan nanyukɔɔ baaru na kaa i boor ni,

1 Timoti 6:20

Timoti, i guu barŋanii nba ki Yennu jii ki teen a nuu ni na. A nyik jat mɔniɔk nan labafaanu nba ki mɔk nyɔɔt ki bia ki tee Yennu yari, ki nisiab yir “bannu” na;

2 Timoti 1:14

Yennu Seyeeŋ paŋ nba be ti ni na paak, i dia barŋanii nba ki u jii ki teen a nuu ni na.

2 Timoti 1:16

Ti Yomdaanɔ-n tin Onesiforus ŋaateeb ninbaauk, kimaan u daan yoo cheen n par. U daan ki tin fei nan ma kɔɔ dansarik na paak;

2 Timoti 1:18

Ti Yomdaanɔ-n tinɔ ninbaauk Daar maŋ daar. A mɔŋ mi fanu wa din sommin bonchiann biaŋinba Efesus ni.

2 Timoti 1:8

Li paak, mɔɔntir ti Yomdaanɔ labaar ki daa tiin fei. A bia daa tiin fei nan ma kɔɔ dansarik u paak na, ŋaan sak nan fardinu u barŋanii maŋ paak, kaman nan Yennu nba tura paŋ biaŋinba na.

2 Timoti 2:9

barŋanii maŋ paak, ki n be nan jarit ki di fara kaman nan biitdaanɔ na; Yennu barii maŋ ŋanin ki be jarit ni.

2 Timoti 4:8

Li paak, ki nyɔɔt nba tee yentinu nyɔɔt dɔɔ guun sanpaapo; ki ti Yomdaanɔ wunba bu niib buut nan barmɔnii na tan sa turin nyɔɔt maŋ Daar maŋ daar. U tan kan tur min kuukɔɔ kaa, ŋaan u tan sa tur binba kur mun loon ki wun jen na.

Taitus 3:8

Barii na tee barmɔniie. N loon ki a jii a dudukit kur kii wantib linba na, ki binba teen Yennu yada na-n jii bi yoo ki tun linba ŋan; ŋanne ŋan ki mɔk nyɔɔt ki tur sɔɔ kura.

Hiibru teeb 12:2

Ŋaant ki tin kpan kpaa ti ninbina Yisa paak; ŋɔɔe ki ti yada gaa u paak li pinpiik niwa nan li joontu ni na. Dapunpunn na din ki te ki u nyik u yabiru, kimaan parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak u nuudiitu po mɔtana.

Hiibru teeb 2:18

Ki u sa fit somm binba yaa bin kɔɔ jinjammii ni, kimaan jinjammii din jamm u tiauŋo ki dinnɔ fara.

Hiibru teeb 7:25

Li paak, binba chat nakin Yennu, ŋɔɔ Yisa sann paak na, u sa fit tinnib mɔtana nan yoo nba kaa gbennu, kimaan u lek be u manfoor ni yoo kur, ki mei Yennu ki teemm.

1 Piita 1:5

ki guu yimm nba ki Yennu paŋ dia-i i yada paak, a yin la i tinnu nyɔɔt nba teen siir ki sa nyi paanu dajoontii na.

1 Piita 4:16

ŋaan fi-i di fara fa tee Masiaweirɔ na paak, a daa tiin fei, ŋaan dont Yennu, Masia sann paak.

1 Piita 4:19

Li paak, binba di fara Yennu loomm paak na, bii tuun toonŋana, ki jii bi mɔŋ ki pet tur bi nantɔɔ Yennu nba tee barmɔnii daanɔ na.

Juud 1:24

Yennu sa fit guui ki i daa baa, ki sa baar nani u tɔɔnn yentsaakar ni, ki i ki mɔk biiti, ŋaan sii mɔk parpeenn bonchiann;