2 Timoti 1:10 - Yennu Gbounpaauŋ Mɔɔr

¹⁰ Ŋaan ti Tinntɔɔ Yisa Masia baaru paake ki u fiit wannit li po; ki ŋɔɔ Yisa Masia din biir kuun paŋ, ŋaan bia wannit a ti-i sak u barŋanii maŋ ti sa la manfoor nba kaa gbennu.

Yennu Gbouŋ Mɔɔr

¹⁰ Ŋaan ti Tinntɔɔ Yiisa Masia-e baar ki fiit wannit li po. Ŋɔɔ Yiisa Masia din biir kuun paŋ, ŋaan bia wannit a ti-i sak u barŋanii maŋ, ti saa la manfoor nba kaa gbennu.

2 Timoti 1:10 ပူးပေါင်းရင်းမြစ်များ

Barŋanii nba ki LUK din sɔb nae na 11:36

Tɔn, a gbanant kur-i yeen bonŋann ki siar po ki bɔni, li sii yeene ki nyirii pirpirpir, ki naan nan fitir nba yeen ki teena yeenŋanu na.”

Barŋanii nba ki LUK din sɔb nae na 13:7

Ŋanne ki u bet u kpakoorɔ na a ‘Nnara, bina ŋanntaae na ki n yɔɔ baat kinkaŋ na boor ma n tuu pɔɔr kinkana, ŋaan ki ki laat siari. Chɔɔmir lu. Bee ki li sii see biir tiŋ yanni?’

Barŋanii nba ki LUK din sɔb nae na 2:11

Dinna nyiɔk na bi mar i Tinntɔɔ wunba tee Yennu Niganntɔɔ Masia, wunba tee ti Yomdaanɔ na; ki bi marɔ David doo ni.

Jɔɔnn 1:9

Yisae din tee barmɔnii yentu nba din baar tingbouŋ na ni, ki ji yentir niib kur ni.

Jɔɔnn 14:6

Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi.

Jɔɔnn 20:31

Ŋaan toonjaana nba sɔb ki be nna na, bi sɔb a yin teen yada nan Yisae tee Yennu Niganntɔɔ Masia, ki bia tee Yennu Bija. Li-i tee ki i teenɔ yada, i sa la manfoor nba kaa gbennu, u paak.

Jɔɔnn 4:42

Li yoo na ki bi bet poo na “Ta teenɔ yada mɔtana na, li ki tee fa betit u po na kuukɔɔ kaa, ŋaan ta gbat u mɔŋ mɔŋ maan na paake ki ti teenɔ yada, ki bann nan ŋɔɔe set tee tingbouŋ na ŋaateeb Tinntɔɔ.”

Jɔɔnn 5:40

ŋaan ki i lek yêt nan ki i baar n peŋ ki n turi manfoor maŋ.

Toona 13:23

“Jɔɔ na yaaboona nie, ki Yennu din nyinn ti Tinntɔɔ Yisa, ki teenɔ Israel niib ni, kaman nan wa din senn mɔsonn biaŋinba na.

Toona 5:31

ki jiiu donnɔ ki kaanɔ u niidiitu po, ki teenɔ Yudaanɔ nan Tinntɔɔ, a Israel teeb-ii nyik bi biit, ki wun nyik bi toonbiit ki chabib.

Rom Teeb 16:26

Ŋɔɔ Yennu sɔkiniinba gaar ki sɔbir gbouŋ ni ki li fiit woonin ni; ki Yennu nba kaa gbennu na tur mɔb a booru kur-n bannir, a niib kur-n la yaak ki teen Masia yada ki sak u mɔb;

Rom Teeb 2:7

Nisiab mɔk mintir ki tuun toonŋana ki loon ki Yennu-n pakib ki turib nyɔɔt nan manfoor, ki ŋamme set sa la manfoor nba ki mɔk gbennu.

Rom Teeb 3:31

Tɔn, ta yet a nifosaarik laat tinnu u yada teenu nie na, ŋanne te ki sennu na tee yannii? Aaii, li ki tee nna kaa. Ti lek see sennu na poe.

Rom Teeb 6:6

Ti mi nan ti binbenkper na lakin ki kpo nan Yisa u dapunpunn paak, a ti binbenkper na ji daa mɔk yaak, ki ti ji kii tee daaba biit paŋ ni.

1 Korint teeb 15:26

Dataak nba ki u tan sa joont ki biir tee kuume.

1 Korint teeb 4:5

Li paak, i daa bu sɔɔ buut mɔtana, kii guu yoo nba ki ti Yomdaanɔ tan sa baar na, wunba tan sa jii linba be bunbɔnn ni ki fiit wannir paanu ni, ki tan sa fiit para ni maan ki wann paanu ni; ki li yoo na ki sɔɔ kur tan sa la u nyɔɔt nba tee biaŋinba Yennu boor.

2 Korint teeb 5:4

Ŋaan ti sei nba daa woo gbanant na ni na, ti kuriie. Li ki tee a ti ji ki loon gbanant na benu kaa, ŋaan ti loon sanpaapo gbanant na, a li daar ki manfoor na-n tan nak kuun ki lin gbenne.

Galasia teeb 5:4

Yimm nba yabii a Yennu-n yet a i tee niŋamm u boor sennu weiu paak na, i poŋ bɔkit i mɔŋ nan Masia, ki bia nyinn i mɔŋ Yennu ninbatinu ni.

Efesus teeb 1:18

N bia meiɔ ma wun yent i nummpo ki yin bann dindann nba paak ki u yiini na, ki bia bann nan bona nba ki u tan sa tur u niib nae ŋan bonchiann,

Efesus teeb 1:9

ki fiit wannit woonin ni lora nba ki u din senn a wun tan tun Masia ni na.

2 Tesalonika teeb 2:8

Ki yoo maŋ ki nifobiiuk maŋ tan sa nyi paanu ni, ki ti Yomdaanɔ Yisa tan sa kpiu nan ŋɔɔ Yisa tiauŋ mɔmaan, ki ŋɔɔ Yisa baaru nan u yentchiauŋ tan sa biirɔ.

2 Timoti 1:1

Min Pɔɔl wunba tee Yisa Masia toomii Yennu loomm paak na, a n mɔɔnt manfoor nba ki Yennu din lor turit Yisa Masia paak na,

2 Timoti 1:8

Li paak, mɔɔntir ti Yomdaanɔ labaar ki daa tiin fei. A bia daa tiin fei nan ma kɔɔ dansarik u paak na, ŋaan sak nan fardinu u barŋanii maŋ paak, kaman nan Yennu nba tura paŋ biaŋinba na.

2 Timoti 4:1

Yisa Masia nba tan sa bu footib nan kpeemm buut, wunba tan sa jen ki di naan na, ŋɔɔ nan Yennu tɔɔnn po ki n beera,

2 Timoti 4:8

Li paak, ki nyɔɔt nba tee yentinu nyɔɔt dɔɔ guun sanpaapo; ki ti Yomdaanɔ wunba bu niib buut nan barmɔnii na tan sa turin nyɔɔt maŋ Daar maŋ daar. U tan kan tur min kuukɔɔ kaa, ŋaan u tan sa tur binba kur mun loon ki wun jen na.

Taitus 2:11

Kimaan Yennu tur nisaarik kur sɔnu a bin la tinnu; ŋanne fiit wann u ninbatinu nba yab biaŋinba.

Taitus 2:13

kimaan ti guu ki mɔk dindann nba turit parpeenn nan ti yabint Yennu nan ti Tinntɔɔ Yisa Masia sa dɔkit nan yentsaakar ni;

Taitus 3:4

Ŋaan ti Tinntɔɔ Yennu loomm nan u burchint nba din tan fiit nyii paanu yoonba,

Hiibru teeb 10:32

I tian man yoo nba gar na labaar; Yennu yentu nba din yent i paak yoonba, i din di fara bonchiann, ŋaan li farsiar din ki nyanniini.

2 Piita 1:1

Min Simon Piita, wunba tee Yisa Masia daabir nan u toomii nae sɔbin gbouŋ na ki teen binba teen Yennu nan ti Tinntɔɔ Yisa Masia yada u burchint paak, kaman nan ta mun teemm yada biaŋinba na.

2 Piita 1:11

ki Yennu sa te ki yin tan kɔɔ ti Yomdaanɔ Yisa Masia nba tee ti Tinntɔɔ na naan ni; u naan maŋe yɔɔ be ki ki mɔk gbennu.

2 Piita 1:3

Yennu paŋ yab bonchiann; ki u teent linba kur tee manfoor nan yentinu yar kimaan ta miu na paak; ŋɔɔe din yiinit u yentsaakar nan u binbenŋaŋ ni.

2 Piita 2:20

Niib nba din mi ti Yomdaanɔ Yisa Masia, wunba tee ti Tinntɔɔ, ki poŋ din nyik biit nba be tingbouŋ nna na, li biit maŋ-i jiki taŋŋi jen ki nyannib, bi joontu tan sii bi ki gar bi pinpiik nba din tee biaŋinba nawa.

2 Piita 3:18

Yi ŋamm gaar ti Yomdaanɔ Yisa Masia wunba tee ti Tinntɔɔ na sommir ki pukin man, kii tumii u mɔmaan na. Ŋɔɔe yen dontir ki jikit saa nan yoo nba kaa gbennu. Mɔmɔmm.

2 Piita 3:2

N loon ki yii tian mɔmaan nba ki Yennu sɔkiniinbaŋamm din pak li po yaayoo ni na, kii bia tian sennii nba ki ti Yomdaanɔ, wunba tee ti Tinntɔɔ na nba din pak, ki timm nba tee u toomiinba din beti na po.

1 Jɔɔnn 1:2

ki u din fiit ki ti set lau, ki mɔɔntir li siara ki teeni ki jikit saa manfoor nba kaa gbennu po. Manfoor maŋe din be ti Baa Yennu peŋ, ki ti Baa maŋ jiiu ki fiitɔ ki wannit.

1 Jɔɔnn 4:14

Ki linba pukin biak, ti din laat u Bija, ki mɔtana ti mɔɔntir nan u Baa Yennu din sikinɔ tingbouŋ na ni, a wuu tee tingbouŋ na ŋaateeb Tinntɔɔ.

Fiitu 18:1

Li poorpo ki n bia la malakasɔɔ ki u mɔk yikoo bonchiann ki nyii Yendɔuŋ ni, ki u yentu ŋamm yent ki lint tingbouŋ na lokir kur po,

Fiitu 2:7

“Wunba mɔk tuba, wun gbiint linba ki Yennu Seyeeŋ na yeen ki teen Masiaweira na. “Wunba nyann nyannu maŋ, ŋɔɔe ki n sa turɔ sɔnu ki wun di manfoor tilɔɔna nba be Yennu boor, siaminba ki bi yir Paradais na.’ ”

Fiitu 20:14

Ki bi jii kuun nan kpeentiŋ ki lub bootuk nba ki muu gbee leŋ na ni. Kuun nba pukin munnlee nee tee muu bootuk maŋ.

Fiitu 22:14

Damm nba wuur bi para nan Yisa sɔn na, parpeenn tee bi yare; ki li paak ki bi mɔk sɔnu nba ki bi sa di tilɔɔna nba teen manfoor na, ki sa kɔɔ tammɔb na ni ki saan doo na ni.

Fiitu 22:17

Tɔn, Yennu Seyeeŋ nan Pebik na pooyookir na yet a “Baat.” Ki wunba gbatir mun-n yet a “Baat.” Ki wunba kur ki nyunyukiru soorɔ, wun baar; ki wunba loon nyun maŋ, wun gaar yann.