2 Piita 3:9 - Yennu Gbounpaauŋ Mɔɔr

⁹ Nisiab dukii a li tan sa yukir nan ti Yomdaanɔ-n tun mɔsonn nba ki u din senn na, ŋaan li ki tee nna; li tee a u mɔk sukuru nani; u ki loon ki sɔɔ-n tan mann kɔɔ muu ni, u loon ki sɔɔ kur-n nyik u biite ki la tinnu.

Yennu Gbouŋ Mɔɔr

⁹ Nisiab dukii a li yukir nan Yennu n tun mɔsonn nba ki u din senn nawa, ŋaan li ki tee nna; u mɔk sukurue nani; u ki loon sɔɔ n tan kɔɔ muu ni, u loon ki sɔɔ kur n nyik u biite ki tinn.

2 Piita 3:9 ပူးပေါင်းရင်းမြစ်များ

Rom Teeb 13:11

Yii tee nna man kimaan ya mi yoo na nba tee biaŋinba na. Yoo na baara ki i sa fiir i gɔɔn ni. Ti tinnu daar pera, ki ki fɔk kaman nan la din fɔk biaŋinba yoo nba ki ti din piin ki teen Yisa Masia yada na.

Rom Teeb 13:12

Nyiɔk na bɔnn ki gaare, ki li ji loon lin yent. Li paak, ŋaant man ki tin nyik bunbɔnn ni toona nba tee toonbiit na, ŋaan jii tɔbtiat nba ki Yennu teent na.

Rom Teeb 2:4

amii a yisin loonchiauŋ nan sukuru bonchiann nba ki Yennu mɔk nant na amii nlee? a ki mi nan Yennu mɔk burchint nana a wun te ki a nyik a biit na ŋaan kii be fanuee?

Rom Teeb 9:22

Nnee ki Yennu tun ki loon wun wann u wutoor ki niib kura-n bann u paŋ. Li paak ki u mɔk mintir nan binba ki u wutoor sa baar bi paak ki li bo jaŋ nan wun biirib na;

1 Timoti 1:16

ŋaan ki u tin min nba din tee biitdamm yudaanɔ ninbaauk ki dii sukuru n paak, a lii tee siara ki wann binba tan sa teenɔ yada ki gaar manfoor nba kaa gbennu na.

1 Timoti 2:4

ŋɔɔe loon sɔɔ kur-n bann u maan nba tee barmɔnii ki wun tinnib;

Hiibru teeb 10:37

Li sɔb Yennu gbouŋ ni a “Li tenn yoo waaminnae ki wunba baat na sa baar, ki kan yukir nan baaru.

1 Piita 3:20

ŋamm din tee niib nba din ki sak Yennu mɔb yoo nba ki u din dii sukuru Nowa yoo na, yoo nba ki ŋɔɔ Nowa din ŋamm ŋarungbeŋŋir; ki niib banniin kuukɔɔ din kɔɔ ŋaruŋ maŋ ni ki tinn nyun ni na.

2 Piita 1:4

Li paak, ki u din senn mɔsonjaana nba ŋan bonchiann ki turit a tin nyi kuun nba be tingbouŋ na ni loonbiit na paak, ŋaan gaar u binbeŋ.

2 Piita 3:15

Ti Yomdaanɔ nba di sukuru ki daa ki jen mɔtana na, u loon ki yin bann nan u teen niibe yaak a bin la tinnu sinsinn na ki wun jen. Ti naa bilonkak Pɔɔl mun daan sɔb gbounsiɔk ki turi ki beti linba nawa, kaman nan Yennu nba turɔ yan ki u dia biaŋinba.

Fiitu 2:21

N turɔ yoo a wun lebit u binbeŋ na, ŋaan ki u ki saak a wun nyik u chonchonsin na.