2 Piita 3:7 - Yennu Gbounpaauŋ Mɔɔr

⁷ Ŋaan ŋɔɔ Yennu mɔmaame bia lek sii dia sanpaak nan tiŋ nba be mɔtana na mɔkmɔk nan yoo nba ki u tan sa te ki li kura-n di muu, ki biir biitdamm, kimaan li daar u tan sa bu bi buut ki biirib.

Yennu Gbouŋ Mɔɔr

⁷ Ŋaan ŋɔɔ Yennu mɔmaame bia lek sii dia sanpaak nan tiŋ nba be mɔtana na mɔkmɔk nan yoo nba ki u tan saa te ki li kura n di muu, ki biir biitdamm, kimaan li daar u tan saa bu bi buut ki biiriba.

2 Piita 3:7 ပူးပေါင်းရင်းမြစ်များ

Matiu 10:15

Barmɔniie ki n beeri na, daar nba ki Yennu tan sa bu niib buut na, doo maŋ niib tubdatu tan sa gar Sodom teeb nan Gomora teeb yara.

Matiu 11:22

Ŋaan n beerie, daar nba ki Yennu tan sa bu niib buut na, i tubdatu tan sa gar Taya nan Saidon teeb yara.

Matiu 11:24

Ŋaan n beerie, barbunu daar maŋ, i tubdatu tan sa gar Sodom teeb yara.”

Matiu 12:36

“N beerie na, barbunu daar, Yennu tan sa bu niib buut nan ba din piak baryana kur nba na paak,

Matiu 24:35

Sanpaapo nan tiŋ tan sa gara, ŋaan n maan ŋanin kan mi ki gar fabaa.

Matiu 25:41

“Li poorpo, n tan sa jiant ki bet binba see n nuugaŋ po na a ‘Yimm nibiit nba ŋan nan tubdatu na, seetir nna man. I saa man ki saa kɔɔ muu nba di ki kaa kpeenu nba ki Yennu din ŋamm ki guun Sintaanii nan u niib na ni,

Barŋanii nba ki MAK din sɔb nae na 6:11

Li-i tee ki i baar doo nba ni, ki niib na ki gaari, ki bia ki gbiintir i mɔmaan, yin nyi doo maŋ ni, ki pit i taapant ni tant bir li doo ni, ki lin teen siarbiiuk ki turib.”

Jɔɔnn 12:48

Ki wunba yêenin ki ki saak n maan na, bonte be ki sa bu u buut; maan nba ki n pak ki u ki sak nee tan sa bu nanɔ dunia gbennu daar.

Rom Teeb 2:5

Ŋaan a par wakii ki a lek ki sak nan fan nyik toonbiit tumu na, li paak, a pukii a mɔŋ fara nba ki a tan sa la daar nba ki Yennu tan sa bu niib buut nan barmɔnii, ki u wutoor na tan sa nyi paanu;

1 Korint teeb 3:13

Masia baaru daar maŋ nie, ki sɔɔ kur toona nba tee biaŋinba tan sa nyi paanu. Muue tan sa fiit wannir, ki bikin sɔɔ kur toona ki wann la tan sii tee biaŋinba.

Filipi teeb 1:28

I daa tiin i datai mani; yii mɔk parcheenn ki lin wannib nan ŋamme tan sa baa ŋaan ki yin do, kimaan Yennue teeni li nyannu.

2 Tesalonika teeb 2:3

I daa te ki sɔɔ kpanni gbaa, kimaan li daar kan baar see ki mɔyêtuk yoo baar sinsinn, yoo nba ki niib bonchiann tan sa yêt Yennu mɔb na; ki nifobiiuk bia tan sa nyi paanuwa; ki Yennu poŋ sennɔ a u sa biirɔ.

1 Timoti 6:9

ŋaan binba loon bii tee mɔkita, ŋamme baa jinjammii ni, nan barit ni, nan jatii nan pobiir nba biir niib ki baantib yann na ni,

Hiibru teeb 12:29

kimaan Yennu maŋ tee kaman nan mudikau nee.

2 Piita 2:9

Ti Yomdaanɔ Yennu mi biaŋinba ki u sa fat niib nba tiinɔ, ki nyinnib muksuk ni, ŋaan dat biitdamm tuba mɔkmɔk nan daar nba ki u tan sa bu bi buut na.

2 Piita 3:10

Ti Yomdaanɔ daar maŋ baaru tan sii tee kaman nan nanyukɔɔ baaru nee. Li daar maŋ, ki sanpaapo sa gbenn nan fujaann; ki muu nba di bonchiann tan sa di sanpaapo bonsiar kur, ki tingbouŋ na nan bonsiar kur nba be leŋ tan sa di muue ki gbenn.

2 Piita 3:12

kii guu Yennu daar maŋ, ki yabir i mɔŋ paak ki daar maŋ-n baar yian. Li daare ki sanpaapo tan sa kab ki biir, ki muu na tonu tan sa nann sanpaapo bonnankaa.

1 Jɔɔnn 4:17

Ki bia jenna, li-i tee ki ti waa loomm sɔnu nan barmɔnii, Yennu barbuut daar-i taŋŋi baar, ti kii mɔk jijeeti, kimaan Yisa binbeŋ nba tee biaŋinba na, ti binbeŋ mun tee nnee tingbouŋ na ni.

Juud 1:7

Nnee biak ki doi nba ki bi yi Sodom nan Gomora na nan digbana nba kpiar na niib din tuun bonchonchonn toona ki bia waa niauŋ nba bi bonchiann, ki bi laat tubdatu nba tee muu ki li di yoo nba kaa gbennu; ki li tee kpaanii ki tur sɔɔ kura.

Fiitu 17:11

a bonkobuk nba daan fo ki ji tan ki fo na pukin kpanbara bannlore na ni ki tee banniin, a ki mun tan sa saan siaminba ki u sa biir na boor;

Fiitu 17:8

a bonkobuk nba ki n la na daan fo sianyoo, ŋaan ji ki fo, ŋaan sa nyi bootsunsuŋ nba kaa terik na ni ki do, ki sa saan siaminba ki u sa biir na boor; a ki niib nba be tingbouŋ na ni ki bi sana ki sɔb manfopaann teeb gbouŋ ni yoo nba ki dunia daa din ki piin na, sa got bonkobuk na lin bakitib, kimaan bee paake? bonkobuk na din fo, ŋaan ji ki fo, ŋaan bia tan sii fo;

Fiitu 20:11

Ki n bia la naan gboungbeŋŋir nba peen bonchiann, ki sɔɔ kar li paak; ki tingbouŋ nan sanpaapo mir bot u tɔɔnn, ki sɔɔ ji kan mi ki lab.

Fiitu 21:1

Ki n bia la sanpaapo paann nan tingbounpaann. Ki sanpaapokper na, nan tingbounkper na mirint; ki mɔkgbeŋŋa ji kaa.