2 Piita 3:2 - Yennu Gbounpaauŋ Mɔɔr

² N loon ki yii tian mɔmaan nba ki Yennu sɔkiniinbaŋamm din pak li po yaayoo ni na, kii bia tian sennii nba ki ti Yomdaanɔ, wunba tee ti Tinntɔɔ na nba din pak, ki timm nba tee u toomiinba din beti na po.

Yennu Gbouŋ Mɔɔr

² N loon ki ii tian mɔmaan nba ki Yennu sɔkiniinba din pak li po yaayoo ni na, kii biaki tian sennii nba ki ti Yomdaanɔ, wunba tee ti Tinntɔɔ din pak na, ki timm nba tee u toomiinba beti na.

2 Piita 3:2 ပူးပေါင်းရင်းမြစ်များ

Barŋanii nba ki LUK din sɔb nae na 1:70

Yaayoo ni ki Yennu din pak maan u popeenn sɔkiniinba mɔi ni ki turit,

Barŋanii nba ki LUK din sɔb nae na 24:27

Ŋanne ki u wantib u barii nba sɔb Yennu gbouŋ kur ni na paak, ki piin Moses sɔbu ni nan sɔkiniinba sɔbu kura ni.

Barŋanii nba ki LUK din sɔb nae na 24:44

Ŋanne ki u betib a “I tian man n mɔmaan nba ki n daan wanti ma daan be i boor ni yoonba na, a n barii kur nba sɔb Moses sennu ni, nan Yennu sɔkiniinba sɔbu ni, nan Yennu gbouŋ nba ki bi yi yanii na nɔɔk ni, a li kpaa talas nan li kur-n tan mantik tun ki gbenn.”

Toona 10:43

Li tee Yisa nee ki Yennu sɔkiniinba kur din tuu piak u po, ki yeen a sɔɔ kur nba teenɔ yada, a Yennu sa nyik chab u toonbiit Yisa maŋ sann ni.”

Toona 28:23

Li paak ki bi senn daar. Ki niib bonchiann tan baar Pɔɔl peŋ daar maŋ ni. Ki u kat wannib nan nunmɔnn Yennu naan po, sanyiɔk ni mɔkmɔk nan dajouk, ki wantib Yisa barii nba be Moses sennu ni nan Yennu sɔkiniinba sɔbu ni biaŋinba, ki yabii a wun tunn niib na yan ki jiin Yisa po.

Toona 3:18

Ŋaan Yennu din pak u maan ki tur ti sɔkiniinba, ki bi mun pak tur niib, ki yet a see ki u Niganntɔɔ Masia-n lek dii fara. Tɔn, ki Yennu set tan te ki li gbenn teen mɔnii, nan ya set tan tun biaŋinba na.

Toona 3:21

ŋaan Yisa maŋ lek sii be Yendɔuŋ ni, ki Yennu-n tan ŋamm bona kura, kaman nan wa din te ki u popeenn sɔkiniinba nba din be yaayoo ni na yet biaŋinba na, ki bi mun pak turit na.

Galasia teeb 6:2

Yi jii i leeb jikpiata man, ki sak Masia sennu.

Efesus teeb 2:20

Fiakir yennkɔɔ nba ki sɔkiniinba nan toomiinba din fɔkin na paake ki i mun tɔɔnn ki Yisa Masia mɔŋ tee li tanjaann.

Efesus teeb 3:5

Mɔtana Yennu ji ŋaan ki u Seyeeŋ fiit u woonin ni lor na ki wann u toomiinbaŋamm nan u sɔkiniinba, ŋaan li din ki tee nna sianyoo ni.

2 Piita 2:21

Bi-i bo-i kii mi popeenn binbeŋ, li bo sii sɔ nan ba bannir ŋaan ji ki sak barŋanii nba ki bi din gbat na.

2 Piita 3:15

Ti Yomdaanɔ nba di sukuru ki daa ki jen mɔtana na, u loon ki yin bann nan u teen niibe yaak a bin la tinnu sinsinn na ki wun jen. Ti naa bilonkak Pɔɔl mun daan sɔb gbounsiɔk ki turi ki beti linba nawa, kaman nan Yennu nba turɔ yan ki u dia biaŋinba.

2 Piita 3:16

U gbant kur ni, u din sɔb ki piak Yennu daar maŋ po labaare, ki wanti li labaar. Labasia be u gbant na ni ki paar nan nirɔ-n bann li paak, ki nisiab nba ki mɔk yan ki bia ki mɔk ba see siami, bi jikitir ki kpintir faake, kaman nan ba tuu kpintir Yennu gbouŋ maŋ paak bolia ni biaŋinba na. Li paake te ki Yennu tan sa dat bi tuba.

1 Jɔɔnn 4:6

Ŋaan timm ŋarin tee Yennu yabe; ki binba mi Yennu, ŋamme fiin ti maan po. Ŋaan binba ki tee Yennu yabi, bi ki fiin ti maan po. Ŋanne sa te ki ti sa bann wunba mɔk Yennu Seyeeŋ nba want barmɔnii wannu, nan wunba mɔk Sintaanii seek nba want faak wannu.

Juud 1:17

N naa walonkai, i tian man maan nba ki ti Yomdaanɔ Yisa Masia toomiinba din yet na.

Fiitu 19:10

Li yoo ki n gbaan u tɔɔnn a n jiantɔ. Ki u yetin a n daa tee nna kaa, a u tee min nan n naa waas nba dia Yisa barŋanii na toontunlɔɔe, a n jiant Yennue. Yennu sɔkiniinba nba sɔkint ki yeen na, bi piak Yisa poe.