2 Piita 3:18 - Yennu Gbounpaauŋ Mɔɔr

¹⁸ Yi ŋamm gaar ti Yomdaanɔ Yisa Masia wunba tee ti Tinntɔɔ na sommir ki pukin man, kii tumii u mɔmaan na. Ŋɔɔe yen dontir ki jikit saa nan yoo nba kaa gbennu. Mɔmɔmm.

Yennu Gbouŋ Mɔɔr

¹⁸ Ii ŋamm gaar ti Yomdaanɔ Yiisa Masia nba tee ti Tinntɔɔ na lomm nan ninkpabauŋ, kii tumii u mɔmaan na ki pukin. Ŋɔɔe yen dontir mɔkmɔk nan mɔkmɔk. Mamɔmm.

2 Piita 3:18 ပူးပေါင်းရင်းမြစ်များ

Matiu 28:20

ki wannib ki bin sak linba ki n wanni na kura. Ŋaan yii tian man nan n sii be i boor ni yoo kura mɔkmɔk nan dunia gbennu.”

Matiu 6:13

A daa te ki ti kɔɔ jinjammii ni, ŋaan nyinnit bonbiir ni.’

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Jɔɔnn 5:23

a ki sɔɔ kur-ii tee-n nibaakir kaman nan ba teen n Baa Yennu nibaakir biaŋinba na. Wunba ki tee-n nibaakir, li want nan u ki teen n Baa Yennu nba tumin na nibaakiri.

Rom Teeb 11:36

Yennue din nan bonsiar kur, ki dia li kura, ki u paake ki li kur be. Ŋaant ki wun la paku yoo nba kaa gbennu. Mɔmɔmm.

2 Korint teeb 4:6

Yennu nba din yet a “Yentu-n yent bunbɔnn ni” ŋɔɔe te ki u yentu na yentir ti para ni, a ti bann u yentsaakar nba tee biaŋinba; ki li yentu yeen Yisa Masia numm po.

Efesus teeb 1:17

ki lek mei ti Baa Yennu wunba tee paŋ daanɔ ki bia tee ti Yomdaanɔ Yisa Masia Yennu, a wun turi Seyeeŋ nba sa turi yan ki fiit Yennu wanni kii ŋamm bannɔ.

Efesus teeb 4:15

Ŋaan ti sii piak barmɔniie nan loomm kii nɔb kii pukii, ki Masiae tee ti yudaanɔ.

Filipi teeb 3:8

Li ki tee li kuukɔɔ kaa ki mɔk nyɔɔt turimi; min yiin bonsiar kura linba kaa nyɔɔte; kimaan ma bann n Yomdaanɔ Yisa Masia ki li bannu nyɔɔt yab bonchiann na paak, kimaan u paake ki n fok bonsiar kur ki lu; min yi li kur tanpenn paak mɔɔte ma n tan la Masia nan n ninbinn,

Kolosa teeb 1:10

ki yin fit kii be kaman nan ti Yomdaanɔ nba loon biaŋinba, ki bia fit kii tuun linba sii pent u par, ki yin fit kii tuun toonŋana kur, kii ŋammit bant Yennu.

Kolosa teeb 3:10

ŋaan ji mɔk linba tee binbenpaaŋe. Binbenpaaŋ nee ki Yennu nba tee li nantɔɔ na pantir yoo kura, ki li naan u mɔŋ binbeŋ, a wun te ki yin bannɔ setik nan mɔnii.

2 Tesalonika teeb 1:3

Ti naa waas, li kpaa talase nan tii teen Yennu niipoouk yoo kur i paak. Ti-i tun nna, li ŋan, kimaan i yada mantik pukii bonchiann, ki ya mɔk loomm nba ki teen i leeb na pukii.

2 Timoti 4:18

Ŋɔɔe bia sa nyinnin bonbiit kura ni, ki kunnin ki kɔɔnin u naan nba be sanpaapo nan laafia. Ŋɔɔe yen dontir nan yoo nba kaa gbennu. Mɔmɔmm.

1 Piita 2:2

I poŋ la nan ti Yomdaanɔ ŋane, li paak, yii loon Yennu mɔmaan man kaman nan sanpantik nba loon biin biaŋinba na; kimaan maan maŋ sa te ki yin kpaat tinnu sɔnu ni.

2 Piita 1:11

ki Yennu sa te ki yin tan kɔɔ ti Yomdaanɔ Yisa Masia nba tee ti Tinntɔɔ na naan ni; u naan maŋe yɔɔ be ki ki mɔk gbennu.

2 Piita 1:2

Ya bann Yennu nan ti Yomdaanɔ Yisa na paak, ninbatinu nan parmaasir-n ŋamm pukini.

2 Piita 1:3

Yennu paŋ yab bonchiann; ki u teent linba kur tee manfoor nan yentinu yar kimaan ta miu na paak; ŋɔɔe din yiinit u yentsaakar nan u binbenŋaŋ ni.

2 Piita 1:8

I binbeŋ-i be nnaie, li sa te ki i ŋamm bann ti Yomdaanɔ Yisa Masia yoo kur, kii mɔk nyɔɔt bonchiann ki turɔ.

2 Piita 2:20

Niib nba din mi ti Yomdaanɔ Yisa Masia, wunba tee ti Tinntɔɔ, ki poŋ din nyik biit nba be tingbouŋ nna na, li biit maŋ-i jiki taŋŋi jen ki nyannib, bi joontu tan sii bi ki gar bi pinpiik nba din tee biaŋinba nawa.

Juud 1:25

ŋɔɔ nba tee Yen-yenɔkɔɔ ki tinnit ti Yomdaanɔ Yisa Masia paak na, u yen paku nan yent nan paŋ nan bont kur yudant, yoo nba din gar na, nan mɔtana, nan yoo nba kaa gbennu. Mɔmɔmm.

Fiitu 1:6

ŋaan te ki ti tee u naan ni niib nba tee manteeb, a tin tun u Baa Yennu toonn; ŋɔɔe yen paku nan paŋ mɔkmɔk nan yoo nba kaa gbennu. Mɔmɔmm.