2 Piita 3:14 - Yennu Gbounpaauŋ Mɔɔr

¹⁴ N naa walonkai, ya guu bona maŋ na paak, yii yabir i mɔŋ paak kii mɔk parmaasir, nan binbenyeeŋ, ki daa mɔk biit Yennu boori.

Yennu Gbouŋ Mɔɔr

¹⁴ N naa walonkai, yaa guu bona maŋ na paak, ii yabir i mɔŋ kii mɔk parmaasir, nan binben-yeeŋ, ki daa mɔk biit Yennu boori.

2 Piita 3:14 ပူးပေါင်းရင်းမြစ်များ

Matiu 24:26

“Li paak, bi-i taŋŋi beti a ‘Gotir man, u be muuk ni,’ i daa saa; amii bi-i beti a ‘Gotir man, u be diiuk ni,’ i daa tee yada,

Matiu 25:7

Ki sapaamm piik na kura fiir ki ŋak ŋak bi fita na.

Barŋanii nba ki LUK din sɔb nae na 12:43

Li-i tee ki u chanbaa tan kpen ki la ki u tuun nna, parpeenn sii tee daabir maŋ yare.

Barŋanii nba ki LUK din sɔb nae na 2:29

“N Yomdaanɔ, min nba tee a daabir na, ŋaant ki n kpo ki kun nan parmaasir kaman nan fa poŋ din betin biaŋinba na,

1 Korint teeb 1:8

U sii guui nan ti Yomdaanɔ Yisa Masia jenu daar maŋ ki i tan daa mɔk biiti.

1 Korint teeb 15:58

Li paak, n naa waas, i be man fanu ki daa baa Masiaweiu ni. Yii jii i mɔŋ kii tuun ti Yomdaanɔ toona yoo kur, kimaan i mi nan toona nba ki i tuun ki teen ti Yomdaanɔ na, li tan kan baa yanni.

Filipi teeb 1:10

ki yin fit gann linba mantik ŋan, ki li poorpo ki i be ki tan daa mɔk jakint nan biit Masia daar maŋ ni,

Filipi teeb 2:15

ŋanne sa te ki i daa mɔk biit, ŋaan kii mɔk popeenn, kii tee Yennu waas nba ki mɔk daŋ, kimaan i be nijakina nan biitdamm sinsuuk nie na. Li kpaa talas ki yii nyirii bi sinsuuk ni kaman nan ŋmaajara nba nyirii sanpaapo biaŋinba na,

Filipi teeb 3:20

Ŋaan timm ŋanin tee Yendɔuŋ ni waase, ki jekir ki guu ti Tinntɔɔ, wunba tee ti Yomdaanɔ Yisa Masia, a wun nyi Yendɔuŋ ni baar.

1 Tesalonika teeb 3:13

Nnee ki u sa chee i para, ki i sii tee popeendamm nba ki mɔk biit ti Baa Yennu boor ni, nan yoo nba ki ti Yomdaanɔ Yisa tan sa jen nan u yab kura na.

1 Tesalonika teeb 5:23

Yennu nba teent parmaasir na tiauŋ-n teeni popeendamm ki gbenn, ki dia i sei nan i manfoa nan i gbanant mun, ki li daa mɔk biit ti Yomdaanɔ Yisa Masia jenu maŋ po.

Hiibru teeb 9:28

Li paak, Masia nba din jii u mɔŋ mann marouŋ yomkɔɔ ki nyinn nifosaarii bonchiann biit na tan sa jena, ki ji tan kan boi biit po kaa, ŋaan u tan sa tinn binba guu-u nan bi para kur nee.

Jeems 1:27

Wunba sommit kpeebii nan pakɔi bi fara ni, ki bia nyinn u mɔŋ tingbouŋ na biit ni, ŋɔɔe set tee Yisaweirɔ nan barmɔnii, ki ki mɔk biit ti Baa Yennu boori.

1 Piita 1:7

Fara maŋ bikii-i a lin laan i teen Masia yada fanu amii-ii? Li tee kaman nan ba tuu jii sarima ki teen muu ni a bin la li biaŋ nee. I yada teenu ŋan ki tur Yennu ki gar sarima gbaa. I yada teenu-i ŋan, ŋanne sa te ki yin la paku nan dontir nan nibaakir yoo nba ki Yisa Masia tan sa nyi paanu.

2 Piita 3:1

N naa walonkai, ma sɔbin gbouŋ nba ki teeni na ji pukii gbant ŋannlee na. Li gbant ŋannlee na kur ni, n poŋ tiari bont na po, ma n fiin i dudukŋant.

2 Piita 3:16

U gbant kur ni, u din sɔb ki piak Yennu daar maŋ po labaare, ki wanti li labaar. Labasia be u gbant na ni ki paar nan nirɔ-n bann li paak, ki nisiab nba ki mɔk yan ki bia ki mɔk ba see siami, bi jikitir ki kpintir faake, kaman nan ba tuu kpintir Yennu gbouŋ maŋ paak bolia ni biaŋinba na. Li paake te ki Yennu tan sa dat bi tuba.

1 Jɔɔnn 3:3

Ki bia jenna, binba kur daan u jenu po maŋ, ŋamme dia bi mɔŋ fanu, kaman nan wa be fanu biaŋinba na.