2 Piita 3:11 - Yennu Gbounpaauŋ Mɔɔr

¹¹ Ki bont na kur nba tan sa di muu nna na, i dukin sɔɔ li ŋan ki yii tee niboor bee mani? Li ŋan ki yii mɔk binbenyeeŋ, kii tiin Yennu,

Yennu Gbouŋ Mɔɔr

¹¹ Ki bont na kur nba tan saa di muu nna na, i dukin li ŋan ki yii tee niboorbee mani? Li ŋan ki yii mɔk binben-yeeŋ, kii tiin Yennu,

2 Piita 3:11 ပူးပေါင်းရင်းမြစ်များ

Matiu 8:27

Ki li yaar ŋaan litib, ki bi ji boi bi leeb a “Nirɔ na tee niboor bee? ki wouŋ nan nyunpana saak u mɔb gbaa.”

Rom Teeb 13:11

Yii tee nna man kimaan ya mi yoo na nba tee biaŋinba na. Yoo na baara ki i sa fiir i gɔɔn ni. Ti tinnu daar pera, ki ki fɔk kaman nan la din fɔk biaŋinba yoo nba ki ti din piin ki teen Yisa Masia yada na.

Rom Teeb 13:12

Nyiɔk na bɔnn ki gaare, ki li ji loon lin yent. Li paak, ŋaant man ki tin nyik bunbɔnn ni toona nba tee toonbiit na, ŋaan jii tɔbtiat nba ki Yennu teent na.

2 Korint teeb 1:12

Linba paak te ki ti mɔk yuugontir na tee nnee: ti dudukite wantit nan ti mɔk barmɔnpaku nan yentinu tingbouŋ na niib boor, ki mantik daan be nna ki jiin timm nan yimm weinanleeb po na; ki Yennu sommir paake te ki ti be nna maŋ, li ki tee nisaarii yan paak kaa.

Filipi teeb 1:27

Mɔtana, linba kpaa talas tee a yi ŋaan ki i binbeŋ sɔnu-ii tee nan Masia barŋanii nba loon lii tee biaŋinba na, ki mi-i lekii fit saan lai amii mi-i kii fit laini, ŋaan n sa gbat a i see fanu nan dudukyennkɔɔ, ki taan mɔtaauk ki yabii i mɔŋ ki barŋanii maŋ-ii saa tɔɔnn.

Filipi teeb 3:20

Ŋaan timm ŋanin tee Yendɔuŋ ni waase, ki jekir ki guu ti Tinntɔɔ, wunba tee ti Yomdaanɔ Yisa Masia, a wun nyi Yendɔuŋ ni baar.

1 Tesalonika teeb 1:5

kimaan barŋanii na din ki tee ti mɔb ni mɔmaan kuukɔɔ kaa ki ti din baar nann turiini, ŋaan li bia din mɔk Seyeeŋ yikooe ki ti piakir ki birsuk kaa. Yoo nba ki ti din be i peŋ na, i mi ta din be biaŋinba; i sommir paake ki ti din be nna maŋ.

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

1 Timoti 4:12

Daa te ki sɔɔ-n sianna kimaan fa pɔ na paaki. A te ki a pinpauk nan a binbenŋaŋ, nan a loomm, nan a yada, nan a binbenyeeŋ-n wann Masiaweira nba bo sii be biaŋinba.

1 Timoti 6:11

Ŋaan fin Timoti nba tee Yennu nirɔ na, li ŋan ki a dɔŋ nyi linba na nba kura ni, ŋaan kii loon fii be fanu, kii mɔk yentinu, ki teen Yennu yada, kii loon niib, kii mɔk sukuru, kii be soonna.

1 Timoti 6:3

Sɔɔ-i want wannganu ki ki wei ti Yomdaanɔ Yisa Masia mɔbona nan Yennu sɔnu wannu na,

1 Timoti 6:6

Li-i tee ki nirɔ numm gboot wa mɔk linba, Yennu sɔnu set mɔk nyɔɔte,

Hiibru teeb 13:5

Yi nyinn i niauŋ nan liklommu, ŋaan te ki i numm-n gboo nan ya mɔk linba; kimaan Yennu yet a “N kan mi ki nyikani, n bia kan mi ki ŋaanani.”

Jeems 1:24

kimaan u got ki la u mɔŋ mianu na ni, ŋaan seet, u ji tuu tamm wa bo got ki la u mɔŋ ki u tee biaŋinba nee.

Jeems 3:13

Ŋmee mɔk yan nan bannu i sinsuuk ni? Sɔɔ-i be, wuu be fanu ki sikin u mɔŋ kii tuun toonŋana, ki li sa wann nan u set mɔk yan.

1 Piita 1:15

Yennu nba yiini na tee Popeendaanɔe, li paak, i mun-ii tee popeendamm man,

1 Piita 2:12

ŋaan kii be fanu tingbouŋ na niib sinsuuk ni, ki li-i tee ki bi sukii-i a i tee biitdamm, bi sa la i toonŋana ki dont Yennu, daar nba ki u tan sa baar na.

2 Piita 1:3

Yennu paŋ yab bonchiann; ki u teent linba kur tee manfoor nan yentinu yar kimaan ta miu na paak; ŋɔɔe din yiinit u yentsaakar nan u binbenŋaŋ ni.

2 Piita 1:6

ki bia pukin mɔŋdianu i bannu maŋ paak; ki bia pukin gbankur i mɔŋdianu maŋ paak; ki bia pukin yentinu i gbankur maŋ paak;

2 Piita 3:10

Ti Yomdaanɔ daar maŋ baaru tan sii tee kaman nan nanyukɔɔ baaru nee. Li daar maŋ, ki sanpaapo sa gbenn nan fujaann; ki muu nba di bonchiann tan sa di sanpaapo bonsiar kur, ki tingbouŋ na nan bonsiar kur nba be leŋ tan sa di muue ki gbenn.

2 Piita 3:12

kii guu Yennu daar maŋ, ki yabir i mɔŋ paak ki daar maŋ-n baar yian. Li daare ki sanpaapo tan sa kab ki biir, ki muu na tonu tan sa nann sanpaapo bonnankaa.